لا انــــــــــــــــــام

لالالالالالالالا ده مش فيلم

لادى بجد حالتى مؤخرااانا فعلا بقيت مش بنااام خااالص تقريبا والسبب هو ظهور اعراض مرض فجائية حديثاوانضم لقايمة الحساسيات اللى عندى نوع حساسيه جديد جدااسمه حساسيه البرد حالييا بالاسواق

ومع البرد الشديد اللى احنا فيه ده فعلا مش بنام

محدش يقوللى ايه الحساسيه دى لانى بصراحه اول مرة اسمع عنها لما روحت اكشف وباين انا بس اللى عندى الحسايه دى هى بصراحه اعراضها ابتدت من حوالى سنتين كده بس مش كانت بتوجعنى خاالص

كانت مجرد تضخم فى اصابع القدمين( زى صوبع المحشى كده ماشاء الله لاقيت حاجه فيا كبرت)

احمرار شديد يقترب الى الزرقه او السواد احيانا

بس ده كله كنت بطنشه وعادى مش مهم وبتحصل فى احسن العائلات الى ان جاء هذا الشتاء بداية من ليلة امتحان الجبر الله لا يعود ده يوم وفعلا كان يوم باين من اوله المهم من يومها وانا مش بنام بجد لان كل ماجى انام اول مارجلى تبدا تسخن بحس ان نار قايده فيا ونفسى اكسر رجلى دى عشان اعرف انام ولو حطيت عليها مايه ساقعه تلتهب اكترفكنت بسخنها شويه واسقعها شويه وهكذا طول الليل حتى انا مش عارفه اوصف الاحساس ده بجد احساس لايعرفه غير من جربه بعيد عنكم يارب

انا بس حبيت اخرج جزء من معاناتى ليلا ونهارا

ويااااارب الشتاء يروح بقى والحساسيه دى تروح من عندى يارب وربنا يشفى كل مريض وادعولى انام

اشوفكم بعدين بقى سي يو ماى فريندز

***********************

written by:bosycat