رحمتك يارب

فانا ليس لى سواك

يارب انت عالم بهمى وكربى

اسالك ان تشفى امى وتخفف همى وتزيح كربى

وتخفف عنها المها

والله عارفه ان ده خير منك وصابره

بس وجع الفراق بيقطع فى قلبى

حاسه ان فى جمرة نار مشتعله فى قلبى من جوه مش عارفه اطفيها

حاسه انى عامله زى انسان واحد بيخنقوا اووووووى ولا منه سايبه يموت ولا منه راحمه من الالم اللى فيه

او زى انسان هينزل فوق راسه وزن حديد

مصيبتى زى وزن الحديد كده

كل ما تقرب واحس انها خلاص هتنزل فوق دماغى

ترجع تبعد شويه واحس ان فى امل

بس لما بتقرب تانى بتكون زايده الضعف

لغايه ما فيوم هتنزل فوق راسى وتدمرها

ان مكنتش ادمرت من كتر الخوف والرعب

حاسه انى تايهه

مطلوب منى اكون صامده واخفف عن ده ودى

واكون المسئوله عن بيت كامل ومش ابين حزنى خالص

ده غير ضغط وتوتر الامتحانات

وفوق كل ده الخوف الرهيب من الفراق اللى كل شويه بيقرب

ومش لاقيه حد معايا

ساعات بكون هموت من الحزن والعياط بس مش لاقيه حد لان الحياه بتلهى الانسان

اللى هيخفف عنى النهارده بكره مش موجود

والوحيده اللى كانت معايا فى كل لحظه وبتحسى بيا على طول وهى امى دلوقتى بقيت مضطريه اضحك قدامها وانا بتقطع

معدتش قادره بتقطع وانا كل يوم اشوف بيظهر حاجه جديده فيها

كلام دكاتره يقطع القلب

الحاله متاخره

الاعمار بيدى الله

خلاص ربنا معاها

منقدرش نعمل حاجه هتفضل كده لغايه ما ربنا ياخد امانته

كلام يدمر اجمد قلب

معدش حاجه كويس الامل بينقطع واحده واحده

خايفه من الفراق اللى بقه على بعد خطوه واحده منى

صعبان عليا وانا بشوفها بتتوجع ومش قادره اعملها حاجه

يارب حياتى كلها بقه مفاجات

معدتش عارفه ايه اللى هيحصل ولا ايه اللى مش هيحصل اكون بحسب لحاجه حلوه تحصل

يحصل مكانها مصيبه او كارثه

اكون نايمه اصح على مرض وموت وخوف ورعب ومستشفيات

وكلام يقطع القلب

بحلم بكوابيس

معدتش حتى عارفه انام ولا عارفه

اصح لو نمت ساعه بكون عين نايمه وعين صاحيه عشان خايفه عليها ولما اغمض احلم بيها

ضحكت وضحكت 3 شهور ده غير 8 سنين من بدايه التعب عشان انسه واخفف عن نفسى وعن غيرى وعندى امل فى ربنا كتمت شكوتى فى قلبى

واى حاجه تفرح ولو بسيطه بضحكلها عشان اهزم الحزن

بس خلاص ياااااااااارب

صبرى نفذ محتاجه صبر جديد استحمل بيه اللى اصعب واللى انا داخله عليه

مستقبلى ممكن يروح فى ثانيه لو محضرتش الامتحانات

حياتى ممكن تضيع فى لحظه لما ماما تسبنى

مفيش ليا حد غيرها

يااااااااارب انا من غيرك ضايعه

يارب اشملنى برحمتك وكون جنبى والهمنى الصبر يااااااارب

وخفف عنها واشفيها يارب المها بيوجعنى

نفسى انسه اللى انا فيه نفسى ادخل فى غيبوبه مصحاش منها

او ارجع طفله مفهمش اللى بيحصل حواليا

ياااااااااااااارب

لا تجعلنى اقنت من رحمتك يااااااارب

يارب اعملى اللى فيه الخير

يارب اقدر استحمل اللى جاى

يارب بلاش الكل يكون عليا لانى مش قادره

يارب انا حزينه دلوقتى ببكى بدل الدموع دم وبضحك بسخريه على نفسى

على الايام اللى كنت بكون زعلانه فيها

او حزينه لان ايامها كانت حاجات تافهه بالنسبه للى انا فيه دلوقتى

بقول ياريتنى ما خسرت دموعى ويارتنى كنت عشت حياتى فى ضحك ولعب

بس للاسف قضتها حزن

ودلوقتى جالى الحزن الاقوى اللى مش هقدر اتحرر منه

مكنش فى اخت ودلوقتى ممكن ميكنش فى ام كمان

هيبقه فاضل ايه؟؟!!

بقايه انسانه

ياااااااااااارب رحمتك

نور القلب

14-1-1989

it`s not an ordinary day 

it`s peri`s day :) 

when we say peri ,, we mean " love, honesty ,faithful , romance,spanish eyes ;)..etc ".

really i feel as if am speechless ,, i never done well in these situations 

and i can`t express what`s inside like u

but i wish i can make u happy even for a while 

 i adore ur smile :) .. 

and i adore everything yours 

happy birthday ya roro

I’m wishing you another year
Of laughter, joy and fun,
Surprises, love and happiness,
And when your birthday’s done,
I hope you feel deep in your heart,
As your birthdays come and go,
How very much you mean to me,and to us
More than you can know.

HaPpy BirthDaY My SweeTy :*:*

 

السلام عليكم ورحمه الله وبركاته
الموضوع ده كلمتين وبس على راى الاستاذ فؤاد المهندس
نظرا ان اسم بنت اخويه مكنش عجبنى
ونظرا على اصرار اخويه انه يسميها على اسمى
ونظرا ان اسمى واسمى مراته واحد
فقد قرر اخى العزيز تسميت ابنته العزيزه ايضا على اسم انا بحبه
وبعض المقربين منى بينادونى بيه
يعنى نقول اسم دلع ليا بس للمقربين فقط
وهو اسم منه
ونظرا لكل ذلك فقد تم تعديل شهاده الميلاد
الى منه وليد عبد الهادى
وقد انتهى البرنامج
كلمتين وبس
ملحوظه مش عارفه اغير الاسم فى الموضوع القديم
عشان نسيت الباسورد زهايمر زهايمر يعنى
سلام
نور القلب

السلام عليكم ورحمه الله وبركاته
النهارده جايه اكتب شهاده ميلاد اول بنت فى العائله الكريمه بعدى
شهاده ميلاد
هدير وليد عبد الهادى الدسوقى
تم الميلاد اليوم
5/1/2010
فى تمام الساعه 2:24 ظهرا
بعد عناء دام شهور وايام وساعات
وسهر طول الليل من امبارح لغايه دلوقتى
المهم بقه انا فرحانه جدا بيها بغض النظر عن اسمها انه قديم وكان نفسى اسميها اسم تانى
بس بجد كون ان اول حد من اخواتى يجيب بنت حاجه حلوه اوى
لانى وحيده بين 7 اولاد
وكمان الاولاد جابوا اولاد فكنت حاسه انى فى الجيش ودى جت بعد شوقه
يلا اهى كانت هتتسمى على اسمى بس انا ومامتها نفس الاسم
كان نفسى اوى انزل صورها بجد زى العسل بس البتاع بايظ مش عارفه انزل الصور من الموبايل على الكمبيوتر
يارب يحميها ويخليها واشوفها عروسه زى القمر يااااااااااااااارب
وافرح بباقى اخواتى
يلا سلام بقه اروح انام او اذاكر
نور القلب