السلام عليكم ورحمه الله وبركاته

طبعا كل سنه وكل الامه الاسلاميه بخير وسلام يارب

بمناسبه

السنه الهجريه الجديده والسنه الميلاديه ان شاء الله

والنهارده يوم وسط بين السنتين عشان محدش فيهم يزعل

وسنتين جداد يارب حياتنا تتغير معاهم وتكون احسن وجديده زيهم

ونستفاد من تجاربنا فى السنه اللى فاتت ونحاول نصلح فى حياتنا الجديده

ونحاول نحقق اهدافنا اللى متحققتش

وياريت نبدا السنه الجديده بالتسامح والحب بنا

بدل مش لاقينه بين الدول

نبدا بنفسنا احنا

التسامح

التسامح

الحب

يلا كل سنه وانتم طيبين جميعا

سنه سعيده علينا كلنا

ادعولى اهدافى تحقق السنه دى

سلام

نــــــــــــــــــــــور القلب

روتين روتين روتين روتين

روووووووووووتييييييييييييييييييييييييييييييييييين

اتخنقت لا زهقت

ايه الكلام دده شكلى اتجننت من اول سؤال

بجد زهقت من الروتين

حاسه بقالى كتير اوى ان امبارح زى النهارده زى بعد 40 يوم

بجد من كتر التشابه

معدتش بعرف الايام خالص

انام اصحه اروح الكليه اجى اذاكر شويه اتفرج على التليفزيون (اللى مش بفتحه غير ايام الامتحانات معرفش ليه)

وانام تانى حتى النت بقه كله ملل ومش بحب اقعد كتير عليه ادخل بس اشوف ايه الجديد اللى بقه قديم واطلع تانى حتى الايميل معدتش بيتفتح اصلا

ايه الملل ده

مفيش جديد خااااااااااااااااااااالص

ولو حصل جديد بيكون خنقه مألوفه

يعنى موقف على المنتدى خنقنى (حاسه انه اتكرر اصلا قبل كده )

حصل مثلا موقف مش عاجبنى فى الجامعه(وبرده هو هو من الضمن المواقف اللى بتحصل كل يوم)

حتى لو زعلت من حد بيكون لنفس الاسباب بتاعت كل يوم

حتى لو حصل حاجه ضايقتنى فى المذاكره بيكون برده لنفس الحته اللى مش بفهمها كل يوم

مفيش جديد مليت

بجد ده مأثر على المذاكره

من كتر الملل بقيت مش بحب اذاكر

بجد نفسى فى حاجه جديده تحصل اى تجديد مفيش خالص ايه ده

بجد من كتر الروتين الواحد بقه بيتكلم فى اى حاجه ممكن وهو قاعد يألف سيناريو عشان يحس بجديد واحنا واثقين من جوانا ان اللى بنقوله ده هبل بس حاجه تكسر الملل ده

ياتره هو ممكن يحصل حاجه جديده تخلينى احس بتغير شويه

ادعولى بجد

وياتره فى حد زى ولو فى بتعملوا ايه عشان متحسش بالملل ده

حتى البوست كله ملل

لما اجرى قبل ما اقوم انتحر

سلام

نور القلب

فور ضرب بوش بالجزمة تداول الظرفاء فى صالة تحرير اليوم السابع "إفييهات" حول هذا الحدث التاريخى، اقرأ قائمة الإفيهات الكاملة فى السطور التالية..
1-الأمريكان يطورون الطائرات إف 16 إلى مقاس إف 45.

2-استعداداً لضربة قاسية للمدابغ.

3-اجتماع فى الرباط "لفك الجزمة" الحادة التى نشأت عن ضرب الرئيس الأمريكى.

4-الصحفى العراقى يتعرض لـ "كعب دائر".

5-زلط يعلن مسئوليته عن الحادث.

6-أحذية الدمار الشامل تهدد أمريكا.

7-الفريق الطبى للرئيس بوش يعالجه من حادث الحذاء بجرعة "بنعل لين".

8-الرئيس الأمريكى يقول لضاربه: كان يمكن أن أرد "ببلغة" ثانية.

9-الرئيس الأمريكى أصبح "مركوب على الرف".

10-الرئيس الأمريكى يسأل كونزاليس "كوتشى فين يا كوندى" وأنا بانضرب.

11-العراقيون يطالبون بعمل تمثال لـ "باتا".

12-القوات الأمريكية تخرج من العراق بـ "لبيسه".

13-تحويل الطريق أمام البيت الأبيض لـ "فردة واحدة".

14-ما هو الشراب المفضل للرئيس بوش.

15-يقال إن حذاء الزيدى ذات رائحة نفذاة.

16-ضرب بوش لتلميع صورته.

17-بوريتانيا تعلن تضامنها مع الزيدى.

18-اجتماع دولى لرؤساء الدول "المحاذية" للعراق.

19-العراقيون يودعون بوش:عليك "النعلة".

20-المالكى يطلق على حملة مواجهة المتطرفين "نعل" الصحراء.

21-بوش فى طريق عودته نجا من "البوت" بأعجوبة.

22-المارينز ينقذ بوش وينعله فى "صندل" بحرى.

23-الصحافة الأمريكية بوش بين المطرقة والسندان.

24-مساعدو بوش "شمعوا الفتلة".

25-تضارب الأنباء: هل الحذاء لزق أم خياطة؟!.

26-هل ضرب الصحفى بوش بفردتين "شمال".

27-العراقيون يشربون "الكلة" احتفالاً بضرب بوش.

28-بوش يرفض تشبيهه "بشجرة الدر".

29-تخليد ذكرى ضرب بوش تحت اسم "معركة الكنادر".

30-الصحفى العراقى كان يسمع أغنية "جوز ولا فرد" قبل الحادث.

31-هل كان حذاء الزيدى بدون طيار.

32-الكثير من الأمريكان يصابون بـ "جزمات قلبية".

33-الديمقراطيون يطلقون على الرئيس الأمريكى المخلوع "جورج شوز".

34-الصحافة الأمريكية: فشل زيارة الورنيش الإعلامى.

35-فريق من الـ CIA يطير للعراق لبحث كل "جوارب القضية".

36-خطاب بوش الأخير فى العراق كان "جازماً".

37-البيت الأبيض يمنع اصطحاب الصحفيين للمحمول والأحذية فى المؤتمرات الصحفية.

38-كونزاليس رايس تقول: "لا حذاء للديمقراطية".

39-إلى جورج بوش القاطن فى البيت الأبيض "الحذاء فيه بوذ قاتل".

40-تونى بلير: أنا "مقاسى مثل بوش".

41-ساركوزى: أشعر بالضيق الذى يعانيه الرئيس الأمريكى.

42-ما حدث للرئيس الأمريكى "غرزة" فى وجه الإدارة الأمريكية.

43-أوباما يرفض الشراب فى صحة بوش.

44-بوش يودع البيت الأبيض بزيارة "الجلدى" المجهول.

45-فحص الصندوق الأسود لحذاء الزيدى.

46-الفيفا تحسم الجدل، الزيدى يحتاج فردة ثالثة ليصبح هاترك.

47-أطباء بوش ينصحونه بتعاطى "منقوع صرم" لتفادى مضاعفات الحادث.

48-بوش لحرسه الخاص: أنتم براطيش.

49-ما حدث للرئيس الأمريكى سيجعله "مركوب".

50-بعد محاولة صد الضربة عن بوش، المالكى مرشح لحراسة مرمى المنتخب العراقى.

51-البنتاجون يستعين بـ "صراماتى" لتتبع أثر مخططى العملية.

52-جماعة كعب وفصائل أبو وردة يعلنان تضامنهما مع الزيدى.

53-"قالب" جديد للعلاقات الأمريكية العربية.

54-"هافان" تحتفل بما حدث للرئيس الأمريكى.

55-بعد الحادثة المقاومة العراقية "كعبها" عالى على الأمريكان.

56-أوباما يستعين بـ "نايك" وزير للخارجية نكاية فى بوش.

57- أديداس تدرس توسيع استثماراتها فى المنطقة العربية.

58-المنظمة العالمية للطاقة تمنع تخصيب اليورانيوم وتفصيلة الأحذية فى بوشهر.

59-السفير الأمريكى بالعراق يضرب "بوذ" فى وجه المالكى.

60-كوبا تعلن 14 ديسمبر عيداً للحذاء العالمى لحقوق الإنسان.

61-بوش يطلب من القاهرة نسخة من فيلم "حافية على جسر من الذهب".

62-منظمة الأحذية العالمية "الفاو" تعلن رفضها للحادث.

63-الشريط الكامل للحادث يذاع فى "أحذاء 24 ساعة".

64-هيفا وهبى تنافس بأغنية "بوش الواو".65- قبل رحيله: بوش يخسر "الجلد والسقط" فى العراق

akeed man2ool :D ,,, bs 3gbny bgd awyyy 3'eer en da 7adees kol el nas now ya3ny ,,, hope maykonsh daye2 7ad ;)

NONYA

هى والقمر
فى مكان ما بعيد عن اعين البشر وفى عتمت الليل
تجلس فتاه فى ربيع عمرها ولكن بدى على وجهها غدر الزمان الذى حوله من فتاه فى مقتبل العمر الى امرأه تجاوزت الاربعين عام تقف كل يوم امام نافذة حجرتها حزينه وعيونها مليئه بالدموع
ووحيده لا تجد احد يشعر بها ولا بألمها
كان يراها القمر كل يوم ويشعر بألمها ولكنه لايعلم ما سبب تلك الالم
وهذه الدموع الغزيره التى تزرفها كل يوم
وفى يوم ما اقترب القمر من شرفه هذه الفتاه
لكى يعلم ما بها وما سبب هذا الحزن العميق الذى يراه فى عيونها وسألها
القمر:ماذا بكى ايتها الصغيره لما كل هذا الحزن
لما عيونك تنطق بالالم وقسوه الايام والوحده والخوف من المجهول

الفتاه:اننى تائهه فى تلك الحياه لا اعرف لى هدف ولا اجد لى رفيق ولا املك اى امل فى الحياه
القمر :لما تلك النظره البائسه وانتى مازلتى زهره صغيره اخذت تتفتح فى بستان الحياه لكى تستمد رحيقها وتنشر عبيرها على الكون
لما الاستسلام الى هذا الحزن القاتل
الفتاه:لا اجد غير هذا الحزن رفيقا لى
القمر: لا لم يكن الحزن يوما رفيقا ولكنه عدوا يقضى على كل من يقترب منه
انه يغزو القلب ويضعفه ويحمله بالهم ويفقده احساسه بالحياه
الفتاه:وما فائده الحياه بدون امل؟!
القمر :ولما لا تملكى امل فان الحياه مليئه
بالاشياء التى تجعلنا نتمسك بها
الفتاه:انا ليس لدى شىء اتمسك به
فانا ليس لدى هدف لكى احارب من اجله
ولا صديق لكى اخشى فراقه
ولانجاح افقد متعته
القمر:لا فان هناك اشياء كثيره ابسط ما يكون
هو العيش من اجل السعاده فهذا ابسط هدف يسعى اليه الانسان
الفتاه:السعاده ؟؟؟؟؟!!!
القمر :نعم السعاده وتأتى من رضا الانسان بما قسمه الله اليه
ولا ينظر الى ما اعطى لغيره بل ينظر ماذا اخذ الله من غيره لكى يحمده على ما هو فيه
السعاده هى التى تعطى الانسان الامل فى الحياه فيجد اشياء كثير يمكنه العيش من اجلها
يبنى الى نفسه هدف لكى يشعر بمتعة تحقيقه
السعاده ان الانسان ينسى كل ما مره به من الم ولا يتذكر سوا
العبره من التجارب السابقه
الفتاه:واين اجد تلك السعاده؟؟؟؟
القمر:السعاده داخل كل انسان فأنها ليس هبه من شخص ما ولا تشترى بمال
ولكن الانسان هو من يقوم بصنعها لنفسه
فأنها كامنه فى قلب كل البشر فهناك من يرويها بالماء لكى تزدهر وتكبر لكى تنشر عطرها على حياته
وهناك من يقوم باهمالها يوم بعد يوم حتى تموت ويظل حزينا مدى الحياه
فانهضى من تلك الجلسه الحزينه واحى سعادتك من جديد لكى تعطى رونقا الى حياتك
وذهب القمر بعدما وجد فى عين تلك الفتاه نظره امل
ومرت الايام وجاء القمر عند نفس النافذه
فوجده فتاه تتمتع بالحيويه والحب والامل فى الغد
وعندما بحث عن نظره الحزن فلم يجد لها اثر
ابتسم القمر على حياه تلك الفتاه الصغيره التى اصبحت تنطق بالسعاده برغم الصعاب
ولكن مازال الامل موجود

نــــــــــور القلب

سلام عليكم
النهارده كنت بتكلم انا وميمى فى نقطه مهمه وبتقابلنا كلنا... قرأناها عند حد واتناقشنا فيها وقلت اخد رأيكم..

"""الجرح اللى بجد ...مينفعش يتحكى لحد"""

قالوا ان الكلام والفضفضه مع حد غالى عليك بيخفف عليك اوووى

وبيريحك وممكن يشيل من عليك حمل كبيير

حتى لو الحد ده مفادكش او مكانش فى ايده حاجه يساعدك بيها

بس الكلام بيريح...

وقالوا ان الجرح اللى بجد ....مينفعش يتحكى لحد

ياترى انتوا شايفين ان فى كل الاحوال الكلام بيريح؟

ولا ساعات بيوجع اكتر مابيريح؟

ياترى ممكن انت /ى تقدر تتكلم فى اى حاجه مضايقاك ا ى حاجه وكل حاجه ممكن تحكيها ؟

ياترى الشخص اللى انت هتحكيله ده مسموحله انه يعرف كل حاجه مهما كانت خاصه جداا بالنسبالك؟

ياترى فى اوقات بتعدى عليك بتكون نفسك تتكلم مع الحد ده وتحكيله بس فى حاجه منعاك اووى ؟

ياترى ايه الحاجات اللى ممكن تخليك تكتم فى نفسك اووى ومتقدرش تفضفض بيها مع حد؟

اخر حوارنا استقرينا على ان فى حالات ممكن تمرعلينا ونخبى زى

ممكن تكون مخبى عشان تنسى الحاجه دى

ممكن تكون مخبى لانك لو اتكلمت فى الحاجه دى هتتوجع اوووى وهتندم اكتر انك قلتها لحد حتى لو واثق فيه

ممكن تكون مخبى عشان فى حاجات كتيييير مكتوب عليك انك متطلعاش لحد

ممكن تكون مخبى عشان الحاجه دى متخصكش اصلا وتخص حد تانى استئمنك على سره

وانت بالتالى متقدرش تطلعها لحد لكن مأثرة فيك اووى

ياترى انتوا ايه رايكم فى الموضوع ؟

شايفين ان كل حاجه ممكن تتقال ؟

وده فايده اللى حوالينا وبنحبهم والا تكون مش واثق فيهم؟

ولا شايفين ان فعلا مش كل حاجه ينفع تتقال؟؟؟

اتمنى اعرف رأيكم فى الموضوع

سلاااااااااااام

***********************

bosycat

بما انى طول النهار طالع عينى فى شغل البيت وحاجات غريبه وكلام فاضى واسلوب ساذج

وكل مقابل حد يقوللى العيد والعيييد

ولاقيت ناس بتتصل تعيد عليا

فجاللى شعور ان العيد مش بعد يومين لالا انا حسه ان العيد بكره خلاص

وبما ان العيد بكره فلازم اقول

كل سنه وانتوا طيبيين

وعيد سعيد عليكم وعلينا

ويارب ان شاء الله السنه الجايه نكون كلنا واقفيين على عرفات

وربنا يكون تقبل منا كلنا ان شاء الله

قولوا آميييييييين

happy feast for all

ياخوفى اصحى بكره بدرى اقوم اصلى العيد :d

**************************

BosyCaT

اين انت .....؟

اتسأل اين انت فى عالمى ؟

اين انت فى مستقبلى وحاضرى وماضى؟

اين انت من نبضات قلبى واجزاء روحى؟

اين انت من خيالى وواقعى؟

أتعرف انا اعلم مكانك فى كل هذا

الا مكان واحد وهو اين انت فى واقعى

أانت فى مكان قريب منى اشعر بك وتشعر بى ؟

أانت قريب اراك واشعر بوجودك حولى ؟

تعيش معى افراحى واحزانى

تتألم لالمى وتسعد بسعادتى

تشعر بنبضات قلبى وشوقى وحنينى اليك

و تحارب لمنع دموعى من النزول وتسعى لرسم البسمه على وجهى

ام انت بعيد بعيد كل البعد عنى

فى مكان لا اعلمه ولا اعرف هل سأعلمه يوما ام لا

لا اعلم هل سأبقى كذلك وحيده انتظر وصولك من عالم الخيال

دون موعد للقاء

ام اوشكت على الوصول لكى ينتهى هذا الانتظار المؤلم

اين انت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نـــــــــــــور القلب

كيف تعيش بدونه وقد رات فى عيناه نظرة الموت بدونها؟؟!
نظرت اليه نظرة لها معانى كثيره جعلت قلبه منذ ذلك اليوم فى حيره شديده...
كلما تلتقى العينان ويتبادلا النظرات تزداد الحيره... هل تنظر مجرد نظره؟ ام هل هذه النظره مثلما يلهمه قلبه مليئه بالاشتياق؟!
يسأل عنها احيانا ويتمنى ان يكون سؤال قلبها مثله : متى نتلاقى ثانيه؟
كل مره يفقد الامل ويحاول ان ينسى فياتى اللقاء ليجدد الامل....
ويزيد الاشتياق بعد كل لقاء ... وتزداد اللهفه عند سماع الاخبار عنها...
ويزداد التساؤل عند كل نظره... وتزداد الحيره عند كل سلام...
ويزداد الحنان عند كل ابتسامه... ويزداد الملل عند كل ابتعاد ومنه يزداد كره الحياه بدونها..
ويتمنى انتهاء الحياه لطالما لم تعد هناك من تلونها...
حتى تاتى ثانيه لتجدد الحياه القديمه التى كانت متوقفه على وجود هذه اللحظات القديمه المليئه بالاشتياق والحنان..
لكن لحظات اللقاء قليله ونهايتها مليئه بالتساؤلات..هل تهرب ثم تعود؟ ام هل هناك حقا مايمنعها؟؟
هل لم يحن الوقت لوقف التساؤلات؟؟... ام لن يحين الوقت ابدا؟؟؟

peri

اليوم: السبت الاول من ذي الحجة, اول الايام العشر التي قال فيها رسول الله "ما من ايام العمل الصالح فيها احب الي الله من هذه 'يعني ايام العشر'قالوا ولا الجهاد في سبيل الله ؟قال:ولا الجهاد في سبيل الله إلا رجل خرج بنفسه وماله ثم لم يرجع من ذالك شئ " فيجب علينا الاكثار من الاعمال الصالحة في هذه الايام ومن الاعمال المستحبة:
*التوبة والاقلاع عن المعاصي وجميع الذنوب فالمعاصي سبب البعد والطرد والطاعات سبب القرب والود .
*ايضاً اداء فريضة الحج والعمرة .
*صوم هذه الايام العشر أو ماتيسر منها وبالاخص يوم عرفه كما قال رسول الله "صيام يوم عرفه احتسب علي الله أن يكفر السنة اللي قبله والتي بعده .
*التكبير والذكر في هذه الايام لقوله تعالي :"ويذكروا اسم الله في ايام معلومات".
*الاضحيه التي هي سنه عن ابينا ابراهيم عليه السلام حين فدي الله ولده بذبح عظيم .
*واخيراً الحرص علي اداء صلاة العيد وحضور خطبته والاستفادة منها ومعرفة الحكمة من شرعية هذا العيد .
"فينبغي علينا استغلال هذه الايام في طاعة الله وذكره وشكره وايضاً لا ننسي اخواننا المجاهدين من صالح الدعاء بل والتبرع لهم ."

ــــــButterflYــــــــ

Can't treat with any body. Don't know why??!
Can't exchange your ideas with any body… that's your life there…
Can't tell about your thoughts... you don't know even if you really have thoughts or not…
Then you realize that there is one…
you can't find your love till now….
The secret is that you have huge love inside your heart
And until now you couldn't find its real life
Is it true that when you love you'll find that you'll be able to treat with others easily?!
you don't know…
So, all you can do… you'll wait for this love then you'll know…
you'll wait and wait even if it made you wait until death…
That's so sure, because love deserves making any thing to get it...Any thing even love

to death…

peri

السلام عليكم ورحمه الله وبركاته

ابدا من اول ما صحيت ولا من بعد الامتحان

خليها من الاول

صحيت الساعه 7 الصبح

قومت نظفت الشقه(من سجاد لغسيل سراميك الخ الخ يعنى )

المهم خلصت واتجهت الى اللبس

طبعا وانا بلبس دخلت هيست على المنتدى بجد كنت هموت من الضحك بسبب كام حاجه كده

لبست واصحابى اتصلوا بيا الساعه 9 ونص كده

نزلنا اتجمعنا فى الموقف

ركبنا الحمد لله جه وقت المذاكره ذاكرنا الماده اللى كانت علينا فى الميكروباص

ووصلنا على طول على الامتحان

داخله على مدرجنا المعتاد

ببص لاقيت ناس غريبه ( مين الناس دى)

اتخضيت

طلعت تانى

ورجعوا قالوا ادخلوا دخلت

لاقيت ان علوم حاسب بيمتحنوا فى المدرج عشان الامتحان كان على السبوره

دخلت انا واصحابى وحبه ناس من نظم

وامتحنا الحمد لله خلصت بدرى (طبعا انتم عارفين ليه)

مش رضوا يخلونا نسلم الورقه

المختصر

طلعنا قعدنا بره شويه مع كل اصحابنا

ونسال عن باقى الاقسام امتحانهم عامل ايه وكده

بدايه الفرحه

قاعده انا ورزان

وحصل حاجه كان نفسى تحصل (حاجه كويسه والله )

وده بدايه الفرحه فرحت جدا

المهم كل واحد راحه فى حاله (ناكل وكده يعنى واللى روح روح)

ورجعنا اتجمعنا تانى عند الكليه

سبت العيال ورحت اكلم واحده صاحبتى رجعت لاقيت ايه

بدايه ماتش تمام

لعب كوره ونظام (كوره بالكانز فى مكان بعيد محدش شايف حد)

المهم لعبنا وانتهت بموقف مضحك ومحرج جدا ههههههههههههههههههه

وبعدين قعدنا نتصور

كل انواع الصور وصورت السماء ونظام بقه

والدكتور محمد قعد يهزر معانا

وحصل موقف مش ظريف بس لاحقنه الحمد لله كنا هنروح فى دهيه بس الدكتور طلع طيب اوى وعده على خير

والعيال اصحابنا اللى مش من بلقاس روحوا واحنا قرارنا نقعد مع بعض شويه

رحنا على رست علوم _مكانا المفضل بعد الكليه_ قعدنا نتكلم مع بعض انا واصحابى بتوع بلقاس ومش بطلنا ضحك

بجد حصل هوايل

ميرسى جدا مسيو مارك

اوف كورس ماى فير ليدى

انا كتبت بالعربى يا رورو

عشان تكتبى انتى بالانجلش

طبعا مثلنا فيلم كتكوت

وسمعنا كل انواع الاغانى

ههههههههههههه

كفايه بتاعت محمد محى فكرانى بحبها

والحمد لله قرارنا نروح

وبجد منتهى التهيس

يوم كان تحفه بكل المقايس

ومحدش كان زعلان خالص

بجد فكرنى باخر يوم فى السنه اللى فاتت

وطبعا انا مصورة الشله

دااااااااااااااااااااااااااااايما

حتى الدكتور قعد يقولى كده

بجد من كتر فرحتى دخلت مش اتغديت لسه وكتبت التوبك ده

وسورى على الاطاله

وربنا يستر ومش يحصل حاجه تزعلنا اابدا

يلا سلامو عليكم

مجدى موجود

سلامو عليكم اللى بالواو دى بتاعت ياسمين (لازم التسيح )

سلام

نور القلب

السلام عليكم ورحمه الله وبركاته

طبعا الاغنيه تغنى عن اى كلام عاوزه اقوله

بس بجد عاوزه اقول كلمه واحده

ان مفيش حد فى الدنيا دى كلها مهما يكون مقدار حبه واهميته هيحس بيك ويحبك زى امك

والاغنيه دى بقالها فتره بتردد على لسانى فحبيت انزلها للقراءه والسمع لينك الاغنيه اهوه

http://www.4shared.com/file/71907568/19da04f6/elmagom3a-omy-soma-omy_2_.html

امى ثم امى

يارا : بعد الحب ده ايه الي تعمل كل ده تستاهل ايه بعد الحب ده ايه الي تدي حنان كده من غير حساب نبوس التراب الي ماشية عليه

امي ثم امي لحد اخر يوم في عمري حضن من اول حياتي وهمه همي الي كتر خيرها داب خيرها فى دمى وعايش بيه

رامي عياش: بعد الام في ايه دعوة حلوة فتحه سكة مقفلة بعد الام في ايه يهدي باله الي بعياله الدنيا كلها مفتوحاله وراضيا عليه.

امي ثم امي لحد اخر يوم في عمري حضن من اول حياتي وهمه همي الي كتر خيرها داب خيرها فى دمى وعايش بيه .

هيثم شاكر:اعملها تمثال الي طيبة قلبها فوق الخيال اعملها تمثال الي سهرت والي تعبت والي ربت والي شالت حمل الجبال .

امي ثم امي لحد اخر يوم في عمري حضن من اول حياتي وهمه همي الي كتر خيرها داب خيرها فى دمى وعايش بيه .

جنات : لو هعملك ايه تستاهلي 100 الف عيد على الي عملتيه لو هعملك ايه من في تعبي سهر منمشي من في اول مرة امشي سندت عليه .

امي ثم امي لحد اخر يوم في عمري حضن من اول حياتي وهمه همي الي كتر خيرها داب خيرها فى دمى وعايش بيه .

تامر حسني : بعد الي عملتيه اعمل ايه فى يوم فلي وصلتيني ليه بعد الي عملتيه من حنانك من سمحتك الجنة تحتك دة الي ربنا قال عليه .

امي ثم امي لحد اخر يوم في عمري حضن من اول حياتي وهمه همي الي كتر خيرها داب خيرها فى دمى وعايش بيه .

نــــــــــور القلب

اليوم الثلاثاء

11/11/2008

حتى تاريخ مميز اهوه

الساعه الواحده ظهرا فى معمل 1 فى علوم

حدث انجاز تاريخى لم يسبق من قبل

ايمان الخجوله

اللى بتتكسف تتكلم قدام اى حد

اللى لو اتكلمت مع حد مش تعرفه نص الكلام يضيع منها

وقفت اليوم امام سكشن 2و 3 والباشمهندس سمير

لتقوم بشرح ال dfd

بجد انا من عبطى مش عارفه اكتب ايه

هو اه انا كنت حاسه انى هشرح وكنت بقول على راى المثل وقع البلاء ولا انتظاره

بس مهما يكون الوقفه ليها رهبه

اولا اه عارفه انى هشرح بس ولا راجعت ولا حاولت اشرح لحد ولا اى حاجه خااااااااااااالص

لظروف خاصه تغيبت فيها عن الجامعه

المهم

النهارده فى بدايه السكشن طلع اول مجموعه شرحت واحنا طبعا تانى مجموعه

حضرتى قومت عشان اتكلم

اول ما بقول لسه سلامه عليكم

الباشمهندس يقول على صوتك اعلى شويه يقولى مش سامع كمان

4 مرات يقولى على صوتك

المهم انا هموت من الرعب

قالى اسمك ايه

قولت ايمان

قالى ايه

قولت ايمان

قالى ايمان عبد الهادى

قولتله اه

كنت عاوزه اقوله مفيش غير ايمان واحده عندك بس مسكت نفسى

فقالى اكتبى على السبوره واشرحى

طبعا ايدى كانت بجد بترتعش رعشه بدات اكتب كنت بمووووووووووووووووت من الرعب قعدت سنه قالى كده مش هينفع

وطبعا من توترى كانت ايدى بتتهز وبكتب بخط زباله

المهم بدات اشرح اول dfd

قعد يناقشنى فيها

وانا سبحان الله اذا فجاتا كده بدات ارد عليه واناقش حضرته

المهم بصراحه فى حاجه كده فى الماتريل مش كانت عجبانى بس مش مهم

اللى مهم انى مش بطلت ضحك وانا على السبوره بجد حاجه غريبه

المهم رجع تانى قالى على صوتك

هى قصه بقه

فسالنى وقالى انتى صوتك كده

انا بصراحه لما اتكلم مع حد بيكون صوتى واطى شويه فى موضوع مثلا مهم حد مش اعرفه ده طبع يعنى

المهم مش رديت اصحابى قالوا اه

فانا طبعا لازم اكون صريحه (يخرب بيت الصراحه)

قولتله لا انا كده اه فى العادى بس لما بكون بهزر مع اصحابى صوتى بيعلى شويه

هو مصدق وقالى طيب هزرى وطبعا كل السكشن ضحك على عبطى

المهم قعدت اشرح والحمد لله خلصت على خير

ومش كنت مصدقه ان انا اللى كنت واقفه اشرح

واصحابى صورونى وانا بشرح فيديو

ولما خلصت قالوا كنت حلوه

بس انا مش كنت برده حبه الماتريل اللى كنت بشرحها

وده بس اللى ضايقنى

والحمد لله عده بسلام السكشن بس طو ل اليوم مش مستوعبه اللى حصل وعامله زى التايهه

وحاسه ان كل الناس بتبص عليا

بجد احساس صعب جدا

وبجد ده يوم عمرى ما هنسه

طولت عليكم بس حبيت اشركم معايا فى اللحظه دى

وهى متأخره يومين بس برده لظروف خاصه

يلا سلام

نــــــــــــــــــــور القلب

بجد حد يخبينى

طول النهار بتمنى حد يخبينى

النهارده اتعرضت لاكبر موقف محرج فى حياااتى

والمشكله انى اتاخدت على خوانه

راحه فى امان الله الجامعه وكان المفروض علينا مناقشة مشرووع النهارده

والمفروض برده انى راحه ايزى خالص وولا فى دماغى الموضوع لان المفروض ان سالى هى البريزنتر بتاعت التيم

اول ماروح السكشن الاقيهم بيقولولى انتى اللى هتقدمى

هاقدم ايه ياجماعه..انتوا بتستعبطوا ..

ده انا ممكن اوديكم فى داهيه

المهم قعدت واخداهم على قد عقلهم واقولهم اكيد لا سالى اللى هتقوم

الاقى البشمهندس سمير بينادى اسمى

اول مرة

- ياسمين

محدش رد..

-ياسمين محمد

محدش رد ..

-ياسمين فين ياجماعه

قولت مافيش فايده هى مكتوبالك الجوازة يابولين

قاللى اتفضلى قومى اتكلمى عن المشروع

وماادراكم انا كنت ازاااىوشى جاب الوان الطيف كلها

وجسمى كله بيرتعش

واتلبخت لبخه سودا

بس الحمدلله بدأت اتمالك اعصابى شوية بشويه

لحد ماقدمته كله الحمدلله ولا قيته بيقولى قدامك دقيقتين كمان بس

فقلتله الحمدلله انا خلصت

وقمت راحه اقعد لاقيته رجعنى تااانى وقاللى استنى يمكن حد من زمايلك عايز يسال عن حاجه

فالمهم وقفت تانى

وبعدين بقولهم ها ياجماعه فى حد عايز اى سؤال ياريت لا ههههههههههه

يعنى بسال وبرد فى نفس الوقت

والحمدلله خلصت فى الوقت المحدد

والمشروع عجبه جداا وكان مقتنع بالافكار والحلول اللى فيه

وانا لحد دلوقتى مش متخيله اصلا انى عملت كده

وكل مافتكر وشى يجيب الوان

وكل مافتكر الموقف بتاعه لما لاقانى برتعش وخلاص بموت وانا واقفه

لاقيته جاى عندى وقعد يرتعش كده ويقولى اهدى شويه

بجد ببقى خلاص هموت من الكسوف

وفى الاخر كان نفسى حد يصورنى والله عشان اتريأ على نفسى شويه وانا مبرحمش نفسى اصلا

يلا الحمدلله عدت على خير بدون خسائر فى الارواح

والغريبه انى عجيتهم وانا بمنظرى ده

بجد يوم مش هنساه لانه اول تجربه ليا فى الحكايه دى..وكمان مكنتش محضره نفسى

وعشان كده حبيت اسجل اليوم ده

سلاااااااااام

*************

BosyCaT

لم اعد اعرف من انا
لم اعد اعرف من انا او ماذا اريد
تائهه فى بحر بلا مرسى
لم اعد اعرف عن ماذا ابحث او الى ماذا وصلت
لم اعد اعرف ما حققته من احلامى او ما لم احققه
لانى حقا لا اعرف ما هى احلامى واهدافى فى الحياه
لم اعد اعرف ما هو الشىء الذى يسعدنى او ما هو الموقف الذى يحزننى
لا اعرف متى اضحك او متى ابكى
متى اتفائل ومتى افقد الامل فى الحياه
كل ما اشعر به
هى نفسى السجينه خلف قضبان الحياه تصارع من اجل البقاء
فقط لكى تشعر يوما واحدا بالسعاده ولو كانت ايقنت يوما ان السعاده شىء محال
ولن تسطيع الوصول اليها لا كانت جسد بلا روح منذ زمن طويل
ولكنها عائشه على امل السعاده والفرح عائشه لكى تشعر بطعم السعاده
التى يتكلم عنها الاخرون
تريد تذوق لذتها لكى يتغير مذاق المر فى حياتها
لكى تجزم انها انسانه ذاقت حلو الحياه ومرها
ولكنها حقا لا تعرف اتستمر فى الصراع مع الحياه من اجل البقاء على امل السعاده
ام تستسلم من الان لكى لا تذوق المزيد من المر
حقا لم اعد اعرف ماذا اقول لها لانى تائهه مثلها
لا اعرف من انا ولا ماذا اريد

نــــــــــــــــور القلب

عـــــادي .. لو في يوم حنيت .. هتلاقيني نسيت .. قلبي دا هيصفالك !!

عـــــادي .. زعلي هقوي عليه ..حتي كلمة ليه .. عمري ماهقولهالك !!

تعالي وقوللي بس اشتاقتلي.. ياحبيبي دا انت وحشتني

اديني قبلك قولتها .

معاك لو حتي طال بعدك سنة.. ماانساش هواك ولا حبنا

معقول في بالك كل دا ؟

خـــــايف ولا ايه مكسوف ولا هي ظروف.. نفسي اعرف مالك!!

راحت اد ايه ايام .. عيني ولا بتنام.. وانت ولا علي بالك !!

تعالي وقوللي بس اشتاقتلي.. ياحبيبي دا انت وحشتني

اديني قبلك قولتها .

معاك لو حتي طال بعدك سنة.. ماانساش هواك ولا حبنا

معقول في بالك كل دا ؟

غـــايب ..بس مهما تغيب .. برده مني قريب .. قلبي ليك علي حاله!!

عيني .. لوبعيد شيفاك..روحي لسه معاك ..غبت عني وماله!!

تعالي وقوللي بس اشتاقتلي.. ياحبيبي دا انت وحشتني

اديني قبلك قولتها .

معاك لو حتي طال بعدك سنة.. ماانساش هواك ولا حبنا

معقول في بالك كل دا ؟

في حضني تعالي قرب ضمني .. هو انت مش بتحبني ؟ واكيد وحشتك مش كدا !!

زعلنا خلاص تعالي نعيش بقا ..هنموت عشان لحظة لؤي ؟ دا حتي يبقي حرام كدا !!

*BuTTerflY*

اول مرة..
بجد ..
اكون بكتب بوست ..ومش عارفه اقول فيه ايه..
واللى خلانى اكتب البوست ده ...
ان خلاص كلها كام يوم ...
والبيت هيفضى.. تماما ..
والانسه فريده هتسافر هى كمان
ومش هلاقى حد يناكف فيا
بجد.. هتوحشييينى يا توتى





ووحشتنى يا دودو..




وحشتنى يا سوفه



وبجد مش عارفه هاعمل ايه من غيركم
ربنا يخليكم ليا يارب يااحلى واجمل حاجه فى الدنيا
واشوفكم على خير
i miss u my babies

ـــــــــــــــــــــــــــــــــــــــــــــــــــــــــــ
bosycat

الباحثه عن الوهم فى عالم السراب
انها فتاه اقل ما نقوله عنها انها مثال للطيبه وحسن النيه وحب الغير.انها فتاه بسيطه فى مشاعرها .فياضه فى احساسها كل امالها فى الحياه هى الحب والاستقرار والامان
بدات تلك الفتاه حياتها منذ الطفوله فى عالم غريب لم تسطيع فهمه يوما ما مضت ايامها بين الدراسه والمنزل .ولكنها كانت تشعر بنقص فى حياتها وبسبب طفولتها وعقلها الصغير لما تعرف ما هذا النقص الذى يتعبها وعندما كبرت وانتقلت الى مرحله المراهقه ونضج عقلها وبدا فى التفكير فيما حولها من مشاعر البشر وارتباطهم بها .بدا البحث فى داخلها عن اسباب شعورها بفقد حلقه مهمه فى حياتها .ظلت تبحث عن تلك الحلقه التى تشعرها بالفراغ الداخلى وفقدان الامان والدفىء .واكتشفت بعد طول بحث ان سبب تلك الاحساس هو عدم وجود اخت حانيه تكون معها فى مواقفها الصعبه تقف الى جانبها فى افراحها واحزانها تضمها الى صدرها لكى تشعرها بالامان.لكنها لما تجد كل هذه الاشياء لانها لم تجد الاخت التى انجبتها والداتها.فبدات تلك الفتاه تنظر حولها وتبحث عن الصديقه الحنونه الناصحه الاخت التى لم تلدها امها .كانت تشعر مدى اهميه الرباط الاخوى وكانت تستشفه من العالم المحيط بها من عائله او اصدقاء.وشعرت بالحزن والفقدان والحرمان لعدم وجود ذلك الرباط فى حياتها .واصرت على البحث عن هذا الرباط من العالم الخارجى .وظلت تبحث وتبحث تلتقى باشخاص وتفارق اشخاص اخره.وتقف فى محطات تظن انها النهايه وانها وجدت ما تبحث عنه ولكنها اكتشف فجاه انها نهايه وهميه او حلم فى غفله طريق استيقظت منه على كابوس .وظلت على تلك الحاله الى ان وصلت حقا او كما ظنت انها وصلت الى اخر المحطه عندما شعرت فى داخل نفسها بمشاعر مفعمه بالحب والحنان الاخوى تجاه تلك الاخت المفقوده الاخت التى سوف تعوضها ما فات وما سياتى من عمرها من حنان وعطف ومشاركه وجدانيه .ولكن ماذا بعد ذلك الحلم الجميل استيقظت تلك المره على كابوس مفزع وهو انها تبحث عن وهم ولم تجد الا السراب.وان تلك الاخت مثلها مثل غيرها مجرد محطه وقفت عندها واستنزفت ما تبقه من مشاعرها .وايقنت فى تلك اللحظه ان حياتها مجرد محطات فى طريق السراب .ولا يوجد تلك الحياه المثاليه التى تبحث عنها سوء فى القصص فقط .وانها ستظل تستنزف مشاعرها واحساسها الاخوى الجميل تجاه اشخاص لما يستطيعوا يوما ان يكونوا اختا لها .وانها ستظل تبحث عن الوهم فى عالم السراب الى الابد
نــــــــــــــــــــــور القلب

حور الجنه .....حلم يتحقق

أيوب رماه البين بكل العلل

سبع سنين مرضان و عنده شلل

الصبر طيب ... صبر أيوب شفاه

بس الأكاده مات بفعل الملل

!عجبي
يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

!عجبي
إقلع غماك يا تور و ارفض تلف

إكسر تروس الساقية و اشتم و تف

قال: بس خطوة كمان ... و خطوة كمان...

يا أوصل نهاية السكة يا البير يجف

!عجبي
حبيت...لكن حب من غير حنان

وصاحبت لكن صُحبه مالهاش أمان

رحت لحكيم واكتر لقيت بلوتي

إن اللي جوّه القلب مش ع اللسان

!عجبي
إيش تطلبي يا نفس فوق كل ده

حظك بيضحك وانتي متنكدة

ردت قالت لي النفس: قول للبَشَر

ما يبصوليش بعيون حزينة كده

!عجبي

الدنيا أوده كبيرة للانتظار

فيها ابن آدم زيّه زي الحمار

الهم واحد...والملل مشترك

ومفيش حمار بيحاول الانتحار

!عجبي

بحر الحياه مليان بغرقى الحياه

صَرَخت خش الموج في حلقي ملاه

قارب نجاه!...صَرَخت قالوا مفيش

غير بس هو الحب قارب نجاه

!عجبي
إنشد يا قلبي غنوتك للجمال

وارقص في صدري من اليمين للشمال

ماهوش بعيد تفضل لبكره سعيد

ده كل يوم فيه ألف ألف احتمال

!عجبي
زحام وأبواق سيارات مزعجة

إللي يطول له رصيف...يبقى نجا

لو كنت جنبي يا حبيبي أنا

مش كنت أشوف إن الحياة مبهجه؟

!عجبي
إيديا في جيوبي وقلبي طِرب

سارح في غربة بس مش مِغترِب

وحدي لكين وَنسان وماشي كده

وبابتعد...ما اعرفش...أو باقترِب

!عجبي
فتحت شباكي لشمس الصباح

ما دخلش منه غير عويل الرياح

وفتحت قلبي عشان أبوح بالألم

ما خرجش منه غير محبة وسماح

!عجبي
أنا الذي عمري اشتياق في اشتياق

وقطر داخل في محطة فراق

قصدت نبع السم وشربت سم

من كتر شوقي وعشمي في الترياق

!عجبي

ـــــButterflYـــــ

السلام عليكم

طبعا التدبيسه دى من ميمى وايمى ربنا يسامحهم

هحاول على قد ماقدر اجاوب على كل حاجه وربنا يستر

س1 : أذكر خمس أحلام على الاقل ..تخص مستقبلك؟
1-ربنا يرضى عنى دايما
2-اعمل حاجه مفيده لدينى
3-اكون انسانه ناجحه فى حياتى الدراسيه والاجتماعيه
4-ربنا يكرمنى بزوج صالح وذرية صالحه
5-ربنا يخلى ليا امى ويشفيها لان بجد ماليش فى الدنيا حد غيرها

س2 :أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا؟
1- كان نفسى يكون ليا اخ ولد
2-زوج المستقبل ان شاء الله

س3: أعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟
1-محمود
2-يوسف
3-فريده
ولاد اخواتى التلاته

س4 : لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ..
بنفسى بجد الاجازة دى تخلص باى شكل من الاشكال لانى قضيت فى الفترة دى اسوا ايام فى حياتى
وشوفت فعلا حاجات صعبه جدا مع اللى حوليا وكانت فى نفس التوقيت
من حوادث وعمليات وجواز وماس كهربى و.....
حاجه واحده من اللى حصلت كانت عمليات يوسف وازاى كان ممكن طفل عنده سنتين مطلوب منه
انه يعمل 4 عمليات فى شهر واحد كل عشر ايام عمليه ببنج كلى
وبعد العمليات يتحط فى الجبس شهرين !!!!!!!!!

س5 : ما هو هدفك فى الحياة ؟؟
اكون انسانه ناجحه فى حياتى الدينيه ثم الاجتماعيه والدراسيه والعمليه

.إن شاء الله بكرة هيكون أحسن من النهارده"س6 : هل تصدق هذه المقولة ؟؟ و لماذا ؟؟
اكيد بصدقها لان دى الحاجه الوحيده اللى بتصبرنى لو حصلت حاجه وحشه

س7 : أجمل مقولة سمعتها فى حياتك ؟؟
Always put yourself in the other's choice. If you feelthat it hurts you, it probably

hurts the person too.

س8 : من المغنى اللى بتحبه أوى و إيه أحلى أغنية ليه بتحبها ؟؟
ناس كتيير للاسف بس اكتر حد تامر حسنى واليسا بحب كل اغانيهم فعلا :_s

س9 : غزة" تمثل لك إيه فى حياتك ؟؟

اول مابسمع عنها حاجه واللى بيحصل فيها بحس ان الدور قرب علينا اوى ربنا معاهم ويكون فى عونهم

س10 : أعطى لإنتمائك لوطنك درجة من مائة ؟
مش اقدر احدد نسبه بس انا مقدرش فعلا ابعد عنه او حتى اتخيل انى ممكن اعيش فى مكان تانى

س11 : لو تزوجت و أنجبت بنتين و ولدين أى الأسماء تختار لهم ؟؟

البنات:جودى وريتاج

الولاد:عمر وكريم

س 13 :لو أتعرض عليك رشوة كبيرة و انت فى زنقة ماليه هتعمل إيه ؟؟
مش هاقبلها ان شاء الله

س14 : قول 3 صفات ب 3 كلمات بس توصف بيهم شخصيتك
طيبه رومانسيه كتومه

س16 : ايه المجال اللى غير دراستك وشايف نفسك فيه قوي؟
الرسم

الديكور

س17 : بتحب السفر؟

بحبه جدا

بس بالنسبالى مشكله مقدرش اكمل فى العربيه ساعه على بعض

س 18 : طب دلوقتى حالا ايه المكان اللى نفسك تكون فيه؟

دلوقتى حالا حالا نفسى اكون فى اى مكان بعيد واكون لوحدى

س19 : تمرر التاج ده لمين ؟؟

لبقيت الجروب

6اعترافات؟

1-بقيت عصبيه جداا بطريقه تعصب اى حد مش متعصب مع انى مكنتش كده ودى حاجه مضيقانى

2-فى حاجات استحاله تطلع لاى حد وبالنسبالى مهما كان قريب فهى (ممنوع اللمس والاقتراب)

3-بزهق بسرعه اوى ومش بحب الروتين او اكون فى مكان واحد مده طويله

4-بنت 8 شهور

مولوده فى الشهر الثامن والمفروض ان اللى بيتولدوا فى التامن بيموتوا فانا سبحان الله عشت

5-ساعات بحس ان انا اتنين مش عارفه احدد انا مين

6-مبدأى القديم "عامل الناس كما تحب ان يعاملوك" اكتشفت انه غلط وان شاء الله هيبقى "عامل الناس كما يعاملوك"

تم بحمد الله

سورى عالاطاله ياجماعه

سلااااااااااااااام

************************

bosycat

هناك بعض المواقف فى حياتنا عندما تحدث نشعر وكاننا راينا احداثها من قبل... حتى لو كانت مواقف شديدة الالم.
وهناك بعض الاشخاص نقابلهم فى حياتنا ونشعر اننا قابلناهم من قبل ولو حتى فى احلامنا .. نحبهم من اعماقنا..
وفى النهايه يجرحوننا او يسعدوننا....
لكن هناك اجزاء من حياتنا تحدث وكأنها قصه كتبت من قبل..
ليست موقف بل قصه...
ابطالها دائما يريدون النهايه السعيده... لكن للاسف الشديد .. بعضهم يعانى دائما فى حياته من مأساه ونهايته مكتوب له ان تكون مؤلمه جدا لدرجة انه يتمنى ان يموت قبل ان يرى هذه النهايه ... وحتى لو مات فهو لا يعرف ان موته هو النهايه....
هناك ايضا اشخاص لهم النهايه السعيده .... وهم نوعان: اما نهايه سعيده تسعدهم وتسعد من حولهم ...
او نهايه سعيده تسعدهم وتؤلم اكثر الاشخاص الذين يحبونهم .. لكنهم هم الفائزون.. فازوا بالسعاده المراد تحقيقها فى الحياه.....
هل سيظلون سعداء ؟؟؟؟؟ وهل سيظل المتالمون فاقدين هذه السعاده..؟؟؟؟ لا يعلمون . يريدون اى لحظه امل لكى يستطيعوا اكمال هذه الحياه البائسه التى اصبحت مثل الصحراء المهجوره بسبب الذين يحبونهم....انهم اعز الاشخاص على قلوبهم لكنهم سبب من اسباب الامهم......وفى النهايه يجب عليهم جميعا العلم بان هذه هى الحياه وان لا محال منها الا الموت واننا يجب ان نتخطى كل صعوباتها ونتمتع باوقات السعاده المسموح بها .....

peri

كانوا لا يعلموا معناها الى ان جربوها بانفسهم
كانوا لا يشعروا بجمالها الا عندما ياتى البعد بينهم
كانت لحظات لقائهم كثيره لكنها قصيره من كثره جمالها
وعندما جاء وقت البعد بدا وقت تذوق طعم الفراق
وانهمرت الدموع وكانت لا تريد ان تجف حتى ياتى يوم اللقاء مره اخرى
انهم الاصدقاء الذين لا يشعروا بطعم ولذة الحياه الا عندما يرون بعضهم الاخر
كل يوم يتذكروا ايامهم الجميله وكيف كانت مواقفهم اليوميه
مااجملها من مواقف السىء قبل الجيد
مااجمل السعاده التى كانت تاتى بعد عناء واوقات مليئه بالدموع
والان لايرون بعضهم الا فى المناسبات
مازال البعض يعانى من الفراق ولم تجف الدموع التى تبكيها القلوب
سوف تفرقهم الايام لكن هل سوف يستطيع الزمن ان ينسيهم بعضهم الاخر؟؟
يتمنوا دائما السعاده لبعضهم الاخروما ادراك اذا حدث موقف مؤلم لاحدهم فيشعروا دائما انهم بمكانه ويحاولوا ان يجعلوه ينسى هذا الحزن بسرعه شديده
وفى نهاية كل موقف سعيد يتمنوا ان يجمعهم مكان واحد يعيشوا فيه معا جميعا حتى تبقى الحياه سعيده
كان هذا الكلام عن احلى اصحاب وهذا فعلا مانشعر به دائما ....
رنا: صداقة 8 سنين واكتر :صديقه العمر.
دو: فراشتى الجميله اللى شجعتنى على عمل اجمل شىء فى حياتى ( حفظ القران).
ايمى: البنت الرقيقه اللى بجد نفسى اعمل اى حاجه عشان مش تبقى حزينه ابدا.
فايزه:بجد بحس انها من اخواتى الكبار العاقلين .
ندى: الستايل بتاعنا السكره .
وفى النهايه : ارق بنوته على مستوى العالم اللى بجد نفسى تسامحنا كلنا لاننا بجد مقصرين فى حقها جامد وخاصة انا وبجد انا بعتذر لها بكل جوارحى ويارب متزعليش منى ياسيما ياقمرى
فى الاخر اتمنى ان يسامحناا كل شخص احدثنا تقصيرفى حقه بقصد او بدون قصد واتمنى ان تدوم احلى صداقه ومحبه بين احلى اصحاب الى الابد

PERI

السلام عليكم ورحمة الله وبركاته
اولا بعتذر جداا عن غيابى الفترة اللى فاتت
والحمدلله ان انا معاكم دلوقتى
ثانيا كل سنه وانتوا طيبين ورمضان كريم
ويارب تبقى سنه حلوة عليكم كلكم
ثالثا موضوع النهارده كلاكيت تالت مرة
دى شوية رسومات ليا يارب تعجبكم
مستنيه ردودكم وربنا يستر




فلسطين ..ومتى تعود؟
flowers
flowers 2

broken heart
عيون
موبايلى القديم
عالم البحار :d
always together

my feeling now

disney land


peace sample

ده بقى ...

ماعلينا
الجمال الباكى

love is a game

slaaaaaaaaaaamz

BosyCat