فضفضه

فضفضه
احساس غريب وصعب جدا
انك تكون مش عارف نفسك
مش عارف ياتره انت سعيد ولا حزين ولا حتى عادى
كل اللى انت حاسه حاجه واحده بس (الضياع)
مع ان مفيش حاجه فى حياتك وحشه
حتى لو جيت تقارن حياتك بغيرك هتلاقى نفسك فى نعمه
المهم لما تحاول بقه تمثل على الناس انك سعيد وفى قمه السعاده
ولما تقعد مع نفسك تحس بقمه الحزن والالم
لما بجد دموعك تخونك وتنزل وانت مش عاوزها تنزل بجد
بس بتخونك حتى الدموع بتخونك فما بالك البشر
احساس غريب لما تحس انك محتاج لخيط رفيع تتعلق فيه ويخرجك من الوهم والحزن اللى انت فيه
بس مش لاقيه
ولما بقه الناس حتى اقرب الناس ليك يفتكروا انك اللى عاوز كده
ومش عاوزه تتطلع نفسك من اللى انت فيه
بالعقل كده فى انسان عاقل يحب العذاب اكيد لالالالالالا طبعا
بس تعمل ايه فى عقل البشر اللى دايما يبرر حاجات مش ليها مبرر اصلا
فى النهايه هتكون انسان بلا هدف وكل حياتك قناع تمثيل على كل البشر
حتى اهلك اولا خوف عليهم احسن يزعلوا عليك وثانيا لانك اصلا وصلت لدرجه عدم القدره على الكلام
ولا حتى التعبير غير لنفسك بس وبدموعك
يعنى ابتسامه وضحكه وهزار مع الكل وانت من جوه ضااااااااااااااااااايع

و لما تكره حاجات كتير اوووووووى كنت بتحبها و لما تخاف من حاجات كتير جدا

من غير داعى لمجرد حصل موقف فيها ضايقك شويه وبيحصل للكل

يعنى بمعنى اصح اعتزلت الحياه وانت لسه عايش

(ضيااااااااااع)

يلا فضفضه طويله شويه

نــــــــــــــــــــــــــور القلب