صعب جداا انك تلاقى الحياة بتتغير فجاة قدامكصعب جداا لما تحس انك هتبقى سبب رئيسى سواء فى قوة علاقه او هدم علاقة
واحنا اطفال بنكون مهيئيين لتقبل اى وضع واى كلمة تتقال لنا
كتير بنشوف عائلات عايشه مع بعض اخوات او قرايب وعايشين فى بيت واحد (مش شقه واحده)
وكل واحد منهم ليه حياته المستقله فى شقته بس الفكرة انهم عايشين نفس الحياة ولادهم متربيين مع بعض
كل الاولاد سواء كانوا صبيان او بنات بيعتبروا نفسهم اخوات من وهما صغيرين
وتمر الايام والسنين وممكن تختلف الافكار بمرور الوقت واللى كان اخوكى مبقاش اخوكى
هتعملى ايه لما تكونى مقتنعه وحطه فى دماغك طول عمرك ان ابن خالتك او ابن عمك ده اخوكىوفجاة لما تكبرى تلاقيه متقدملك وعايز يخطبك؟؟؟؟؟
ياترى تفكيرك ساعتها هيكون ايه؟هتقبلى وتقولى اللى اعرفه احسن من اللى معرفوش؟
ولا هترفضى وممكن تكونى مش مستوعبه فكرة انه ازاى هيبقى جوزك وهو كان امبارح اخوكى؟
ياترى هتحطى علاقة القرابه فى تفكيرك وتخافى لو انك رفضتى يحصل خلافات بين الاهل بسببك؟
ولا هتقولى مش مهم اللى يحصل يحصل وانا الاهم ودى حياتى ومستقبلى
ياترى هتدى لنفسك فرصه انكم تتكلموا بس باسلوب مختلف وتفكير مختلف وتشوفى هتتقبلى الوضع الجديد ولالا
ولا هتعملى ايه بالظبط؟
موقف محير جداا ووقع فيه ناس كتير من قرايبى وصحباتى ومنهم اختى وانتيمتى وكنت بعانى معاهم فعلا وهما بياخدوا القرار ده
انا عايزة اعرف ايه رد فعلك وايه هو القرار اللى هتاخدوه فى الوقت ده؟؟؟
BosYcaT
