السلام عليكم

اولا : كل سنه وانتوا طيبييين وكل ترم وانتوا معديين

وكل امتحانات واحنا ناجحين

الحمدلله اخدنا اجااااااااازة

يااااااه اخيرااا

انا حسه بجد اننا امتحنا مرتين ...الميدترم بالنسبالنا بجد مكانش زى اى ميدترم

كان يعتبر ترم تانى s:

بس الحاجه الوحيده اللى اتأكدت منها واللى قررتها من الامتحانات دى

ان انا لازم اتعالج

ايوه لازم اتعالج من الزهايمر الغير طبيعى بالمرة

تقريبا لازم كل امتحان يكون فى حاجات انساها واقعد اعصر فى مخى جوه اللجنه مش فاكراها ابداا بالرغم من انى مزاكرها كويس

واول ماطلع ماللجنه افتكرها ..مش عارفه النظريه من كده بصراحه D:

اقربها النهارده المفروض فى سؤال اذكر نقط واشرحها
الطبيعى ان الناس تحله عادى

ولو حد نسى الغالب انه بيكتب النقط وينسى الشرح
لكن اللى مش عادى انى افتكر الشرح ومش فاكره الشرح ده كان اسمه ايه والنقطه اسمها ايه

وبرده اول ماطلعت ماللجنه افتكرتها ...بس بتبقى حاجه تنرفز جداا فعلا

يلا ربنا يستر معانا جميعااا

ويارب ان شاء الله تكون سنه حلوة علينا كلنا ونعدى كلنا ان شاء الله

وبما اننا اخدنا الاجازة فكان لازم نغير الستايل بتاع البلوج

ونديها شوية تفاؤل ...عشان نقضى اجازة سعيدة

كل سنه وانتوا طيبييييييييييين

ومتنسوش تقولوا رأيكم فى اللوك الجديد وتفوتوا عليه
سلااااااااااااام

***********************
bosycat

لا سى السيد

انا بحترمك كزوج وكأخ وكأب
بس مش بحترمك كظالم
مش هقارن بينى وبينك
لان الاسلام فضلك عليا
بس انت فهمت التفضيل ده غلط
التفضيل بالعقل والحكمه وليس بالضرب والاهانه

بس ابسط حقوقى ان انا بشر زى زيك

بحس وعندى مشاعر وانفعالات وبتعرض لضغوط زى زيك باختلاف اشكالها

انا مش اله شغاله
تعمل كل حاجه مطلوبه منها على اكمل وجه
وفى الاخر اتهان

والسبب انك راجل وانا ست
زوجى اهاننى استحملى هو الراجل
وانتى اكيد غلطانه
اخويه ضربنى وبياخد حقوق اكتر منى
انتى بتقولى ايه هو الراجل بلا قله ادب
لالالالالالالالالالالالا
هنا ولالالالالالالالا
اوك احترمك ولو غلط اتعاقب بس مش دايما
اتهان بدون سبب لانك راجل وانا ست
انت بتشتغل
انا كمان بشتغل لو مش بره بشتغل فى البيت
انت بتقوم بواجبك وانا كمان بقوم بواجبى اللى ربنا طلبه منى واكتر كمان

انا زوجه عامله
عندى رئيس عمل فى شغلى بيتعصب عليا
ليا مشاكلى فى شغلى
ليا تعب الموصلات
ليا انى بحاول انجح
ليا مشاكل كتير
فى الشغل زى زيك

انا زوجه ربة منزل
طول النهار فى البيت بعمل كل اللى مطالب منى
من تربيه اولاد لتحقيق الراحه فى البيت
غير شغل البيت
غير تحمل ميزاانيه حضرتك بتحددها والمفروض انا اظبطها
ليا تعب اعصاب فى البيت مش بخرج
بتحمل ضغط اعصاب من كل الجهات

انا اخت طالبه
ليا دراستى اللى مشغوله بيها
ليا مستقبلى اللى لسه بحدد ملامحه
ليا اهتماماتى الخاصه


فى كل الحاجات دى اكيد عندى انفعالات وعندى مشاكل وضغط كبير عليا
لييييييه مش باجى اطلعه عليك
وحضرتك لو حد قالك بخ فى الشارع تيجى تحط كل همك عليا
اوك المفروض استحملك
لان عندى قدرت استحمال اكتر منك
بس المفروض باللين مش بالاهانه

عصر العبيد خلاص
راح
مش مطالبه انى اتحمل الاهانه واسكت
اكيد هيجى عليا فتره وانفجر
ليييييييه
متكنش من الاول رحيم حنون عليا

اكيد الاسره هتكون احسن
لما تكون زوج حنون
اخ متفاهم
اب صديق لبناتك

ليه اسلوب معامله العبيد ده
كل اللى بطلبه منك
تعرف انى بشر زيك
بحبك وبحترمك بكل حالاتك (اب اخ زوج)
احترمنى انا كمان
الحياه هتكون احسن وثقافة مجتمع هتتغير وهنرتقى شويه

انا = كل امراه مصريه او شرقيه
هو = كل رجل شرقى
انا اطلب من هو
الا يكون سى السيد
بل يتعامل معى كبشر وليس كأله او حيوان

ورساله اخره لكل الامهات او اللى هيكونوا امهات فى المستقبل وانا من ضمنهم

بلاش نربى ولادنا على الظلم

وان فى ولد وبنت

وان الولد كل حاجه والبنت مجرد جاريه

المفروض نربيهم على التفاهم والاحترام

نــــــــور القلب

to everyone entered into my life

When you are feeling alone like no one cares,

read this cuz its absolutely true:

Every night, someone thinks about you before they go to sleep

At least fifteen people in this world love you.

The only reason someone would ever hate you is because

they want to be just like you.

There are at least two people in this world that would die for you.

You mean the world to someone.

Someone that you don't even know exists loves you.

When you make the biggest mistake ever, something good comes from it.

When you think the world has turned its back on you, take a look.

Always remember the compliments you've received.

Forget the rude remarks.

just remember people who cares about you .

plz never feel that u r alone .

cause u r means alot for me ..

You all represent something invaluable to me..

finally i really adore you

and i thank god for having you

**************************

bosycat

السلام عليكم ورحمه الله وبركاته

ازيكم يا جماعه اخبار الامتحانات معاكم ايه

ندخل فى الموضوع انا دايما لما اكون فى الحاله دى

اللى هى بكون حيرانه وتايهه وبفكر كتير فى حاجات كتير مفيش حاجه بتنسينى وتخلينى ابطل تفكير شويه غير الاطفال

اللى هما مين ولاد اخواتى
او ولاد العيله يعنى
وانا من امبارح تايهه جدا وفى حاجات غريبه وعجيبه فى دماغى
فقومت العب شويه مع ولاد اخويه اللى هنا وبعدين قعدت اتفرج على الذكريات القديمه واليكم هذه الذكريات
انا ليا 4 اطفال
2 هنا (اسلام 6 سنين / وليد سنتين)

2 فى لبنان(حسام 9 سنين / وعمر 5 سنين)

وليد ملوش صور للاسف

عمر (مش عارفه العبيط ده بيعمل ايه)
حسام وعمر(الكبير بيحاول يكون واد فانكى)


اسلام (بموت فى شعره )

مريم بنت خالى (على فكره العيون طبيعيه)

منه ومريم (الكبيره نفس العيون)

اسلام (مين اللى جاب الواد ده هنا)

حسام وعمر(ماسكه خايف ليهرب ولا ايه عيال اخر زمن)

حسام (اضحك الصوره تطلع فى الصيف)

عمر(عملى الشاب الروش وهو لسه مطلعش من البيضه)

دى ملك بنت بنت خالى بجد البنت دى بمووووووووت فيها دى وهى عندها ساعه بالظبط

اسلام (الواد سعيد اوى اكنه فى بيت ابوه)

حسام(قال ايه الواد فارس من صغره ولا بنت هتعبره اصلا )

حسام(طفل بيلعب زى باقى الطفافيل اللى فى سنه)

حسام (بجد معرفش كانوا نفخينه ليه كده وهو فى الواقع عامل زى العصايه ورفعلى حاجبه ازى الواد الخطير )

بجد دول احسن حاجه فى حياتى

وليد :::طبعا كلمته المفضله (اتو مان )

اسلام ::اول طفل يقولى عمتو فى الواقع

لانه مولود هنا

حسام:: بجد ممتاز جدااااااااااااااا فى الدراسه

عمر:: بجد كان احسن اجازه فى حياتى اجازه سنه اولى جامعه لانه كان معايا هنا ودايما يقولى مش دوقتى

ملك:: دى من اول لحظه ليها وانا معاها بجد عسل وبموت فى مامتها

ومريم ومنه ::ربنا يخليهم ليا ولاهلهم يارب

بجد الصور تصورها وحش جدا لان الاسكانر بايظ والموبايل تصويره وحش

نــــــور القلب

اقل ما يقال عنها انها رمز للامومه

والحنان والحب الشديد للاخرين

فانها وقت الجد خير من يساندك ويشد من ازرك

وفى وقت اللعب طفله بريئه تسلب القلوب بابتسامتها

وفى وقت الحب فانها اكثر نساء الدنيا رومانسيه

تظهر غامضه لمن لا يقترب منها

ولكن عندما تعرفها

تشعر وكانك امام حاله فريده من نوعها

فانها تركيبه خاصه من المشاعر الجميله التى تحملها اى طفله بريئه

لا تعرف معنى للكره

فكل ما فى قلبها حب وحنان

انها امى وانا بنتها

هذا الشعور المتبادل بينا دائما

انها ارق واطيب واحلى صديقه واخت فى الدنيا

بيرى

راويه

كل سنه وانتى طيبه يا رورو عقبال مليون سنه ياااااااارب

عيد ميلاد راويه يوم 14/1

انا نزلت بدرى خوفا من النت

وكان لازم اقول ان انا وراويه متوافقين جداااااااااااااااااااااااااااااااااااا فى الدراسه من يوم ما عرفنا بعض

ومؤخرا فى كل حاجه بقين بنعرف كل واحد ه فينا بتفكر فى ايه نوعا ما على الرغم من فرق الط

بس بجد انا بمووووووووووووت فيها

ودايما انا اقولها يا ماما وهى تقولى مش انتى بنتى اسمعى الكلام بقه ومتزعليش

وبنموت لما نغلس على بعض

كل سنه وانتى طيبه يا رورو

بجد فى قلبى كلام كتير بس مش عارفه اتكلم بجد

بس انا بحبك اوى وياااااااااارب نفضل اصحاب طول العمر

نور القلب

غريبه الشبكات غريبه الماده ديه
ارخم المواد بتتقل عليا
مفيش فهم ولا حفظ ليا
خلصنا خلاص انا ساقطه وجبيها فيا

غريبه الشبكات غريبه الماده ديه
ارخم المواد بتتقل عليا
مفيش فهم ولا حفظ ليا
خلصنا خلاص انا ساقطه وجبيها فيا

لو كنتى عملتى خاطر لامتحان ميدترم امتحانه
فى كده معقول ياساتر مفيش كده فى الحياه

لو كنتى عملتى خاطر لامتحان ميد ترم امتحانه
فى كده معقول ياساتر مفيش كده فى الحياه

غريبه الشبكات غريبه الماده ديه
ارخم المواد بتتقل عليا
مفيش فهم ولا حفظ ليا
خلصنا خلاص انا ساقطه وجبيها فيا

ساعات صاحين بالموت لو افهم جملك
لا اغمض عين ولا ادله الا لما افهم
صبرت كتير فى حفظك قبل فهمك
اذاكر مين روحى انتى الله ياخدك
الومك ليه مش فارقه ماشايله شايله
ده لزمته ايه خلاص ما الغلط عليا
فاكرانى ملاك وهنسه الدرجه ديه
لالالا ده انا اشيلك ولا انسه الدموع ديه

لو كنتى عملتى خاطر لامتحان ميد ترم امتحانه
فى كده معقول ياساتر مفيش كده فى الحياه

غريبه الشبكات غريبه الماده ديه
ارخم المواد بتتقل عليا
مفيش فهم ولا حفظ لياخلصنا خلاص انا ساقطه وجبيها فيا

ده اخرت اللى يذاكر شبكات يهيس زى كده

الملكيه الفكريه محفوظه لوائل جسار

ومن بعده ل

نــــــــــور القلب

السلام عليكم ورحمه الله وبركاته

هى واخوانها

وجدتها حزينه مسلوبه الاراده بائسه لا تملك القوى حتى على التكلم

جالسه على الاطلال تبكى على حالها وجروحها تنزف الم

تمزق قلبى على هذه الصوره وبكيت عينى من هول الموقف ووقفت عاجزه وحائره لا اعلم ماذا افعل من اجلها

فكل من يراها لا يفعل سوا البكاء فقط ويتركها ويذهب ولا يستطيع تقديم العون لها ولا الاخذ بيدها وانتشالها من هذه الاحزان والالم

فكل ما يفعلوه هو البكاء والشفقه عليها ولكنى ارفض هذا الوضع وتلك الدموع العاجزه

واخذ عقلى فى التفكير

لماذا نتركها تنزف دون دواء لجروحها

لماذا نتركها دون البحث عن شىء نفعله من اجلها

أنحن لا نملك القوه على فعل ذلك

ام لا نريد فعل ذلك خوفا على انفسنا

ام ماذا

فاقتربت منها ليكى اعرف ما بها وكيف استطيع مساعدتها

فسالتها ايمكنكى سرد لى حكايتك وسبب المك

نظرت لى بنظره اقل ما اقوله عنها نظرة حرمان وخوف وعدم احساس بالامان

واخذت تحكى احزانها

وارتسم على وجها مدى الظلم الذى يقع عليها

وقالت لا اعرف ماذا اقول

فان حكايتى منذ زمان بعيد انها حكايه الم وحزن وجراح تنزف دون توقف

حكايه ذل ومهانه

حكايه اشتركه الجميع فى تاليفها

فماذا تريدنى اقول

أاحكى عن اخوانى الذين تركونى مع المى

ام عن عجزى فى حماية نفسى

ام عن بطل تلك الحكايه الذى تسبب فى كل هذه الالم

ولكنى افضل ان اتكلم عن اخوانى وهما اقرب ما لى دمائنا واحده وعرقنا واحد

ولكن دمائى تنزف امامهم وهما لا يفعلوا شىء سوا البكاء والهتافات التى تزيد من المى وتجعلنى اشعر بالضعف والذل

يرون كل يوم هذا الحيوان الشرس الذى لا نعرف له سلاله

يفترس اولادى

وينهش فى جسدى

وينتهك حرمتى

دون رحمه

وهما لا يفعلون اى شىء سوا البكاء

فكل يوم يسقط من ابنائى المئات

ويذل من رجالى العشرات

وييتم من اطفالى الكثير والكثير

ويزرع الخوف فى قلوب امهاتى

وهما لا يفعلون سوا البكاء

وكل ذلك وانا صامده فى وجه هذا الحيوان

صامده دون انكسار وساظل صامده حتى اخر قطره فى دمى

ولكن ماذا عن اخوانى أسيتركننى انزف حتى الموت وحدى

أسيستمروا فى قول الشعارات والبكاء فقط

دون تقديم يد العون لى

فانها حمايه لهم اولا قبل ان يتوحش هذا الحيوان اكثر من ذلك وياتى الدور عليهم

وثانيا حقنن لدمائى ودماء ابنائى

ولكن ماذا عنهم فانهم يبكوا فقط فمنهم من يبكى حزن ومنهم من يبكى ارضانا للغير

ولكن فى الحالتين انا وحيده امام هذا الوحش واخش ان اظل وحيده حتى ابيد وياتى الدور على اخوانى

انى اخاف عليهم لان هذا الحيوان لا يملك اى معانى للرحمه

وسيملء اجسادهم بالالم وقلوبهم بالحزن دون اى شفقه على دموعهم

واخذت فى النحيب دون انقطاع ولم تقدر ان تكمل حكايتها

الملئيه بالقسوه والذل وانا امامها عاجزه لا اعرف ماذا افعل لها ولا لاهلها

اريد ان افعل شىء غير البكاء والشعارات التى لا تفيدها بشىء

ولكنى لا اعرف ماذا افعل لا اريد انتظار اخوانها فى التجمع لان هذا امل ضعيف التحقق

لانهم قربوا على ان يفقدوا معانى الاخوه فانها موجوده الى الان فى صوره بكاء فقط

وغدا لن يجدوا حتى البكاء عليها

اعرفتم من هى ومن هم اخوانها ومن ايضا الحيوان

ولو عرفتم من هى هل وجدتم شىء تفعلوه من اجلها

ام انا وانتم واخوانها سنستمر فى البكاء

حتى ياتى الدور علينا لنكون وجبه دسمه فى عشاء فاخر لهذا الحيوان

فلينهض كلنا منا بمساعدتها والتوقف عن البكاء الذى يزيد المها

نور القلب

سلام عليكم

ده شعر ل على سلامه عجبنى فحبيت انشره بيقول:

على باب سفارة كندا.......لمحت ابليس و ف ايده استماره
..بقول ايه على فين..قاللي بص.....يا هجره يا اعاره
..يا عم زهقت كفرت..الاقيش معاك سيجاره

..انا انتهيت خلاص..لا نافع وسواس ولا خناس
..ولا ليا عيش وسط الناس

دي عالم مجرمين..عندكوا فائض ف الفساد
..في كل البلاد..ومش محتاجين شياطين

..مليش عيش ف البلد دي….بقالي سنين عاطل
…و انتوا بتعرفوا..تقلبوا الحق باطل
..و تسلكوا القاتل..و تمشوا ف جنازة المقتول
..ومفيش مشاكل

..يا عم ده انا بقيت أوسوس بالمقلوب
…و أقول للحرامي كفايه بقى توب
..انت هاتعمل كل الذنوب لوحدك

…و أنا ابليس أشتغل واعظ
..ولا كمساري ف اتوبيس

..يا عم ده انا زمان
..كنت استنى حد ينسى ..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته

…ده مفيش ضمير اساسا..عشان اموته
..و كل واحد بمزاجه..خربانه ذمته

…يا عم ده كل حاجه اتسرقت
..وكده الاجيال الجديده...م الحراميه اتظلمت

..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه

D:D:

سلاااااااااااامز

**************************************

bosycat

السلام عليكم ورحمه الله وبركاته

الموضوع من اولها كده هيكون طويل جدا

الموضوع ده حكايه يومين فى سنتين مختلفتين ويعتبروا من اكتر الايام اللى بكره فيها نفسى فى الجامعه

انا دلوقتى الحمد لله بحاول اطلع نفسى من المود ده بس حسيت ان لازم اكتب اللى حصل ليا فى اليومين دول

نبدا بسم الله

يوم الاربعاء 31/12/2008

يوم امتحان الشفوى داتا بيز

نازله من البيت عادى ولا زعلانه ولا فرحانه

اولا حصل موقف غبى واحنا فى الموصلات نرفزنى شويه هديت لوحدى وقولت اعديها مفيش حاجه مستاهله

وحاولت ارجع طبيعيه تانى

ووصلنا الجامعه المفروض ان علينا محاضره وبعدين امتحان حضرنا المحاضره عادى هو كان المود شويه وحش بس عادى يعنى

بعدين جه وقت الامتحان

الدكتوره قالت الكل يطلع بره وهدخل بارقام الجلوس عشره عشره كده قولت اوك

يبقه انا هكون فى الاول لما اقف هنا عشان مش تنادى عليا وانا مش موجوده

وقفنا ربع ساعه نص ساع ساعه ولسه مجاش معياد انى ادخل (طبعا ده وسط زحمه بره المدرج )

استغربت وفجاه لاقيت فى ناس بتدخل قولت اكيد ميعاد جه دخلت لاقت بسم الله ما شاء الله كل الدفعه قدم الدكتور ولاد على البنات

انا اكتر حاجه بكرها فى حياتى وبجد بتعصبنى الزحمه وعدم النظام وخصوصا لما يكون فى ولاد مش ملاحظين المفروض ان فى بنات موجودين ما علينا

لاقيت النظام ان اللى يلحق يمتحن طلعت بره وقولت شويه وابقه ادخل العيال جم نادوا عليا يلا تعالى عشان تمتحنى دخلت فضلت واقفه وبرده مش عارفه امتحن اتخنقت وشى احمر جدا عيطت وانا واقفه غصب عنى

طلعت بره انهيار فى العياط العيال قعدوا يهدوا فيا وكده شويه وقالوا الدكتور بتقول كل حرف الف يجى وقولتهم مش همتحن

قالولى بس تعالى دخلت لاقيت الوضع كما هو عليه كنت هطلع مسكوا فيا بالعافيه وواقفونى جنب الدكتوره

وقولت انا بقالى ساعتين ساكته لما اسالها كده هو انا همتحن امته

فلسه بقولها يا دكتور حرف الالف هيمتحن امته

لاقيتها لفت وقالتى هو انتى لسه ممتحنتيش قولتلها اه قالتى ليه

بجد غصب عنى وفجاه قعدت اعيط قدامها وقدام كل دفعه ولاد وبنات(كرهت نفسى و دموعى كره)

المهم الدكتوره قالتلى مش هسالك عشان انتى مهذبه وساكته من الساعتها والكلام ده

وانا اصلا مش مركزه معاها

اخدت اسمى وشيتى واعطتنى الدرجه والكل قعد يهزر وكده ويقولو احنا هنعيط احنا كمان والكلام ده فقولت لدكتور تسالنى

قالتى لو سالتك هيكن عشان خايفه احسن العيال دول يحسدوكى ومش تروحى بيتكم النهارده

المهم البنات كلهم قالولها لا يا دكتور مش تساليها وخليها تروح كل ده وانا مش مستوعبه

بعد ما خلصت وطلعت بدات احس انى عيط قدام ولاد وبنات والدكتوره كمان

يالهوى ايه ده ضحكت على نفسى وفى نفس الوقت اتحرجت جدا

المهم روحت البيت لاقيت ماما تعبانه قولت الله المود زباله طول النهار ودلوقتى كملت

قعدت مخنوقه وطول الليل اعيط وحالتى حاله الناس كلها استقبلت السنه الجديده بابتسامه وانا بجد مستقبلها بدموع

حتى وانا قايمه ابوس راس ماما الساعه 12 واقولها كل سنه وانتى طيبه دموعى نزلت جريت على الاوضه عشان مش تشوفنى وقعدت اعيط ونمت على كده وانا مخنوقه واليوم خلص بالاحراج اللى فيه

اليوم التانى

الخميس 1/1/2009

امتحان عملى داتا وامتحان شفوى اساليب بحث علمى

برده وانا لسه نازله الصبح حاولت اكون طبيعيه وانسه الخنقه اللى انا فيها (لازم اتغلب بجد على الحزن )واحاول اضحك وكده يعنى كنت بضحك بس اللى يعرفنى يعرف انى بضحك غصب عنى

المهم الامتحان بتاع العملى كان الساعه 9 للمجموعه 1و2 المفروض يعنى

المهم رحت عند المعمل الساعه 9 لاقيت نص الدفعه هناك وكلهم ولاد استغربت بس قولت مش مهم سالت العيال الامتحان بدا

لا لسه

اوك هستنه بره شويه تكون مجموعه 1 خلصت عشان ندخل احنا

دخلت بعد نص ساعه كده

لاقيت ناس من سكشنا جوه قولت طيب العيال وقفونى معاهم عند الباب كده

المهم كل شويه القى ولاد بيزيدوا وانا مستغربه من الزحمه وبحاول ارجع على البرامج

وطبعا انا واقفه بس متحوطه بكل اللى حواليا بنات

اللى جوه طلعه ندخل احنا بقه

البنات عرفنى لانى لو مت مش هعرف ادخل فى الزحمه دى مسكوا ايدى عشان يدخلونى راحين ندخل لاقين هجوم ولاد وقولت ماشى ما علينا وقفت تانى يجى نص ساعه كمان غير النص ساعه الاولى

وبرده جه المره دى وصاحبتى ماسكه ايدى عشان تدخلنى معاها فجاه لاقيت ايدى فى مكان وانا فى مكان وفى النص ولاد شديت ايدى وقولت مش عاوزه امتحن

ووقفت شويه لاقيت ولاد جاين يقفوا جنبى طبعا ضغطى ارتفع

ولا واول مره فى التاريخ

يحصل الاتى

ازعق لولد

يالهوى انا عملت ايه قولتله ممكن لو سمحت تبعد شويه بصوت عالى واخدت نفسى شويه كده لغايه ما استوعبت اللى حصل

وطلعت جرى على بره عن اصحابى

لانى كنت هعيط زى امبارح (دموعى مش عارفه كانت حاضره اوى اليومين دول)

طلعت حاولت انسه واتكلم مع اصحابى واضحك واهزر بس برده المود غالب كل ماجى اضحك افتكر ماما مثلا

او افتكر موقف الزعيق ده

او اعصابى تتعب بسبب الزحمه

كنت تايه بجد اليوم ده

انا من النوع اللى لو حس بتوتر كتير وزحمه وكده اعصابى بتتعب بسرعه وافضل مش مركزه

احنا لو جالنا ضيوف كتير اوى بحس ان اعصابى تعبانه انا بحب الناس واحب اتكلم معاهم بس مش بحب الزحمه

المهم

انا برده لما اعلى صوتى فى الجامعه ممكن الناس تشوف ان ده عادى بس انا بضايق وبروح افضل مضايقه طول النهار

المهم فضلت واقفه وارحه وجايه وحاجات كتير كده لغايه الساعه 2 باين كنت خلاص فاض بيا قولت اقعد اهدى اعصابى شويه عشان متنرفزش ودموعى متنزلش حبساها من الصبح

المهم جه ميعاد امتحان الدكتور مجدى دخلت امتحنت سبحان الله امتحان جه بسرعه اهوه

والعيال كلهم قعدوا يطمنو انا امتحنت ولا لا وخايفين اعيط

المهم كل ده ولسه ممتحنتش العملى الساعه بقت 3 ولسه من 9 الى 3 واخدين بالكم

كل الاقسام خلصوا ولسه احنا والحمد لله الساعه باين 3ونص دخلنا كنا اخر ناس امتحنا وطلعنا اخر ناس من الكليه

العيال قالوا ناكل انا طبعا ماشيه على اخرى حاسه انى لو معيطش هموت قولت اموت بس معيطش تانى فى الجامعه(لان اصحاب النفس الضعيفه بيفهموها حاجه تانيه وانا مش ناقصه)

المهم اشترينا الاكل وقعدنا ناكل اكلى فضل زى ما هو والسماء تمطر وانا اعيط قعدت يجى نص ساعه او اكتر اعيط فى جنب كده والعيال خلصوا اكل ومشينا احاول اوقف الدموع مفيش فايده

مسكتها بالعافيه بس وشى كان احمر وعنيا رهيبه

المهم روحت وانا خلاص مخنوقه طبعا كنت اطمنت على ماما بالتليفون قبل ما اروح ولاقيت صوتها تعبانه وده كان القشه اللى قسمت ظهر البعير وخلتنى اعيط كتير كده

المهم روحت لاقيت ماما قاعده لاقت وشى تعبانه وشكلى معيطه لسه بتسالنى قعدت اعيط عياط يالهوى وشكيت ليها كل حاجه قعدت تهدى فيا وبعدين قعدنا شويه ودخلت نمت بكده اوحش يومين عدو بجد وانا تعبانه جدا

هتقولوا ايه اسباب الدموع دى كلها هقول

1-تعب ماما

2-ضغط امتحانات وعدم نظام وبجد يعنى وسورى قله ذوق ولاد

3-مواقف غبيه من ناس مش متوقعه منهم كده

4-الزحمه الزحمه الزحمه +صوتى لما كان عالى

5- كنت تعبانه جدا عضويا فى اليوم ده

6-عدم مبالاة ناس للى انا فيه وكل همهم يلا نفسى

كله يعطى ضغط اعصاب مما يؤدى اللى انفجار

وموضوع بالطول الغبى ده

ياريت متقراهوش عشان متتعبوش انا كتبته بس عشان حاسه ان كنت عاوزه اكتبه

سلام

ملحوظه بجد عاوزه اقول شكرا بجد

للبت مى رجب بجد ربنا يخليها هى وناهد مش هنسه موقفهم

وايمان السيد رزان

بجد عملتوا معايا حاجات مكنتش متوقعها بجد ربنا يخليكم

نور القلب

هى كالفراشه الرقيقه... تطل علينا كل يوم لتمنحنا نظره لجمالها الراقى
هى كالملاك المبتسم دائما... نتمنى ان نراها دائما لمجرد رؤية ابتسامتها الرقيقه التى تبث الحياة والحب فى كل القلوب المحيطه بها
نظراتها كالطفل الصغير الذى يتأمل كل ما يدور حوله بكل براءه
اما كلامها فالجميع يحب فيه عفويته ورقته
لا نمل ابدا من الجلوس معها فهى دائما خفيفة الظل


طبعا احنا معندناش غير فراشه واحده... دعاء (دوو)
كل سنه وانتى بالف صحه وسعاده وخير ياجمل دوو فى الدنيا
ويارب كل الايام الجايه تبقى احلى ايام حياتك
على فكره .. دوو عيد ميلادها الحقيقى 3/1 بس انا قلت اسبق الناس بقى عشان اكون اول واحده
وعلى فكره كمان دوو عيد ميلادها(المزور) يوم 7/1هههههه
وبما ان احنا برج واحد فبجد هى من اقرب الناس لقلبى من يوم ماعرفتها.
يارب يادوو نفضل احلى اصحاب طوووووول العمر ومفيش اى حاجه تفرقنا عن بعض
مهما حصل
طبعا انا متاكده ان دى اقل حاجه تتقالك ياجميله
مش عارفه اكمل..........:D

peri