لا تكن امعه

لاتكن امعه

امعه كلمه ممكن تكون مألوفه عند بعض الناس وغريبه عند البعض الاخر بس

للاسف ده الواقع المرير اللى عايشين فيه وللاسف

بقينا نقابل الاشخاص الامعه دول كتير جدا وبصفه مستمره فى حياتنا اليوميه

ناس مش ليهم اى هدف فى الحياه كل هدفهم انهم يقلدوا فلان او يبقوا زى علان من غير اى تفكير

مجرد كوبى وبست للشخص التانى ده بكل (عيوبه) ومميزاته طيب ليه كده بقه؟؟؟؟!!!!

اوك فى حاجه اسمها مثل اعلى او قدوه انك تاخد انسان شايفه مميز فى حاجات معينه (والحاجات دى تتوافق معك)

تحاول تكون زيه فىالحاجات الحلوه بس بشخصيتك انت ده اكيد مش عيب بل حاجه كويسه جدا

انما انى اقلد اى حد كده وخلاص (ايه العبط ده بجد)

ابسط مثال انا مثلا لاقيت فلان بيكتب قصص او شعر يبقه انا لازم اكتب زيه

او مثلا فلان بيرسم يبقه انا كمان لازم ارسم (اقلد اشف مش مهم وقتها المهم اكون زيه)

فلان عبيط لازم اكون عبيط زيه بجد حاجه تقرف

طيب ليه مش ادور جوايا على هدف او حاجه مميزه فيا واعملها ليه دايما بنستسهل التقليد

اوك انا مش بعرف ارسم خلاص الرسم مش اخر العالم

اشوف انا مميزه فى ايه اشوف انا بحب ايه وابدا فيه انشط الموهبه دى جوايا

وقتها بجد بس هيكون للنجاح طعم خاص وجميل

وبرده مثال بسيط خالص

ايام الكات طبعا كان فى كذا فرع الواحد ممكن يتجه ليه

فى ناس اختاروا صح وشافوا طريقهم صح وشافوا اللى هيرتاحوا فيه وعملوا

وفى ناس كانت مجرد امعـــــــــــــــــــــــه

شافت فئه معينه من الناس بتجرى ورا حاجه قالت لما اجرى انا كمان حتى لو هى مش حبه المجال ده

لا اجرى وخلاص (عشان الناس تقول عليا زى فلان وعشان اتعرف على علان)

اوك ده علم ولازم نعرف كل حاجه فيه

بس لازم نشوف اكتر حاجه هكون فيها كويس واتخصص فيها مش كده وخلاص ماشى مع الماشى

اتكلمت كتير بس كل اللى عاوزه اقوله ان بلاش نكون امعه وبس

لان بجد هضيع عمرك فى حاجات الناس مش هتفتكرها بعد ما تموت بالعكس ممكن اصلا وانت لسه عايش

يغلطوا فيك ويقولوا الامعه اهوه (هههههههه)

ياريت كل واحد فين يدور جوه عن حاجه مميزه ويمشى فيها وينميها

ووقتها يدور على الاشخاص المميزين فيها وياخدهم كمثل اعلى وليس تقليد اعمى

بجد وقتها هتسيب للناس ذكره جميله اوى عن نفسك

وبجد مفيش انسان فينا مش عنده حاجه مميزه عن غيره

لا كلنا فينا بس بعضنا هو اللى راكن الحاجه دى ومش بيدور عليها

ملحوظه

الكل ممكن يستغرب الموضوع ده فى الوقت ده

بس بجد انا حطيته من كتر ما بشوف الناس الامعه دى اليومين دول كتير

وكنت بتكلم انا وميمى فى الجامعه على الموضوع ده وبجد كنا مضايقين جدا

فحبيت اطرحه عليكم عشان اعرف رايكم

سلام

نور القــــــــــــلب