18‏/05‏/2008

نحن والاتصالات والشمس

مرسلة بواسطة a7la as7ab في 7:32 م


النهارده كان يوم مميز
يوم كل الامه يجب ان تتذكره
يوم عالمى
يوم امتحان الاتصالات(الهمكيشن)
الحمد لله كنت سهرانه لغايه الساعه 6 الصبح وده الطبيعى
لما انتى رنيتى عليا يا رورو كنت خلاص بغمض لاقيت الاستاذ عمرو دياب ومش هضعف
نمت شويه وصحيت على الساعه 10 باين .على صوت المنبه (ومش عايزه غيرك انت والست شيرين بقه )
خير الله ما اجعله خير قومت لبست ونزلت الجامعه طبعا اتقابلت انا واصحابى فى الموقف وطبعا كالعاده
زى اى يوم بيكون فيه امتحان بيكون يوم التهيس العالمى قعدنا نضحك
المهم رحنا الجامعه
ورحنا اترمينه على سلم علوم
طبعا حضرتى مش بتعرف تذاكر اصلا فى الجامعه
قعدنا وطبعا كالعاده برده حظنا بيكون حلو
قبل اى امتحان بكون قاعده اقول لاصحابى اللى هيجى فى الامتحان وادخل القيه (وطبعا باخد دعاء ياربى بس يارب يكون من نصيبى )
الحمد لله
جه وقت الامتحان
دخلت اللجنه متأخره لانى كنت بهزر تحت
ولاقيت رورو بتقولى مش كنتى عاوزه تتطلعى ولا ايه يا هانم (ميرسى جدا)
المهم مسكت الورقه
بصيت كده لاول نظره قولت خير الله ما اجعله خير
بس سميت ووقولت لما اكمل قرات الورقه
كل ده والشمس صديقتى فى دماغى لغايه ما كنت بجد هسيح
فعلا سحت يعنى
الحمد لله الامتحان طلع لذيذ وابن ناس ومحترم ربنا يخلى ابو السوسو يارب (مش اوى يعنى)
بس نزلت من اللجنه زى اللى كان فى .........
بجد دايخه بطريقه هستريه (فينك يا رورو)
الشمس عملت مفعول
طبعا خارجه انا ورنا وياسمين فى نفس ذات الوقت بس مش شفنا بعض غير بعدين
طبعا قاعدنا مستنين بيرى ودودو وفوفه
وطبعا الست عالم سمسم طلعت معانا وهيسنا شويه
والحمد لله كل اصحابى طلعه والحمد لله
يعنى قالوا الامتحان كان كويس بس مش اوى
طبعا جينا عشان نروح بقه
(سنه يا رنا عشان نروح قاعده من ساعتها ولسه راحه تفتكرى تشترى حاجه تأكليها ماشى )
وقفت انا ودود وطبعا كنا مهيسين
وحضرتى كانت قايمه بدور الطفله (ازى معرفش )
وماما دودو بتعاقبنى
وخير الله ما اجعله خير اشوف حاجات غريبه واسمع حاجات غريبه ايه انا موت ولا ايه
تأثير الشمس باين
والاغرب انى اصلا مش كنت مركزه مع حد ومش كنت شايفه قدامى
اللى قدامى يفتكرنى بكلمه او ببص ليه بس انا اصلا فى عالم تانى
يلا تاثير الشمس برده
الحمد لله الست رورو وسيما وبيرى وصولوا بالسلامه
يلا بقه نروح
(فايزه بس بقه عاوزه اسمع الاغنيه يا جماعه حد ياخد البنت دى ببلاش ويريحنى منها دعاء خلاص فايزه مش هتسبنى اسمعها)
المهم وصلنا الموقف
السواقين كالعاده لا تعالى هنا يا ابله
لا هيركبوا هنا
لا هنا
لا دول 6 ياعم المكروباص مش هيكفى تعالى معانا يا ابله
واحنا واقفين نتفرج
ركبنا الحمد لله
والرجل الحمد لله مشغل اغانى محترمه (مطولش للاسف وقلب فجاه ما علينا )
انا بقه النهارده افتكرت فيلم عمرو وسلمى
فى الحته بتاعت
(ايه يابنتى التناكه دى فوقى بجد بجد كان نفسى اقولها النهارده بطريقه هستريه )
وقال ايه رنا تقولى لا عادى عادى ايه يا بنتى ده انا كنت هتشل
وطبعا رنا مش رحمتنى فى المكروباص وكل شويه اقول يا رنا (لولا انها عارفه انى ممكن اتهور كان زمانها كملت بلاش اقول بقه اصل الناس كلها بكره تتضايقنى بالحاجه دى بس دودو يا حبيبتى هى اللى استحملت )
المهم الحمد لله اليوم خلص بسلام
وربنا يستر من يوم (الداتا ميز )
فينك يا رورو
اه من حق حصل حاجه بجد خلتنى فى قمه نرفزتى النهارده وانا لسه طالعه من الامتحان فى امان الله
بس بجد خلاص البلونه قربت خالص خالص خالص يعنى
كانت معكم المراسله
ايمى

نــــــــــــــــــــور القلب

TOP

 

التسميات:

9 التعليقات:

غير معرف يقول...

اخيرا كتبتو حاجه
بس يالا الحمد لله اليوم عدى بسلام وتمام الحمد لله

بس لو حد عرف ان الامتحان كان ف مستوى الطالب المتوسط
هيروحو عاملين زى الميد تيرم كده
يالا ربنا يستر ويعدى الباقى وخاصه البتاعه اللى عليها الدور اللى هيه الداتا بيز
سلاموز

19 مايو 2008 في 1:14 ص
غير معرف يقول...

merci gdn monsieur mark =))=))=))...3asal ya emy bgd :D ....bossy akad ogzem en da awel mawdoo3 a2rahoolek w amoot 3ala nafsy men el de7k kda :D =))...bgd mawdoo3 gamed a5er 7aga ;):D
ana ha7awel akteb 3raby 3ashan el nas elly eshtako :D
a3ala2 b2a , w enty 3arfany fy el ta3lee2 :D:D
"يوم امتحان الاتصالات(الهمكيشن)"
الهميكاشن ... مبرسى جدا :D


"لما انتى رنيتى عليا يا رورو كنت خلاص بغمض لاقيت الاستاذ عمرو دياب ومش هضعف"
أنا و عمرو دياب كدة فى وقت واحد ... دة أنا خظى تمام :X:X:X :D:D:D


"نمت شويه وصحيت على الساعه 10 باين .على صوت المنبه (ومش عايزه غيرك انت والست شيرين بقه )"
قايلالك اعملى الموبايل سايلنت قبل كدة و برضة مافيش فايدة :@:D فاكرة دودو دايما بتعمل ايه فيكى فى السكاشن ؟... دايما فاضخانا كدة أهو :D


"زى اى يوم بيكون فيه امتحان بيكون يوم التهيس العالمى قعدنا نضحك"
نسيتى تقولى ان الناس اللى معانا بتكرهنا من كتر الرغى =))


"قبل اى امتحان بكون قاعده اقول لاصحابى اللى هيجى فى الامتحان وادخل القيه (وطبعا باخد دعاء ياربى بس يارب يكون من نصيبى الحمد لله )"
يا متواضع انت يا متواضع :P=))


"ولاقيت رورو بتقولى مش كنتى عاوزه تتطلعى ولا ايه يا هانم (ميرسى جدا)"
لا , أنا قلت "ما بدرى يا هانم ميرسى جدا" لازم نكون دقيقين فى الكلام :D


"كل ده والشمس صديقتى فى دماغى لغايه ما كنت بجد هسيح
فعلا سحت يعنى"
=((=(( أها , ربنا يكون فى عونك يا ايمى انتى و بيرى :D


"الحمد لله الامتحان طلع لذيذ وابن ناس ومحترم ربنا يخلى ابو السوسو يارب "
ميرسى جدا على الفضايح =)) .... ايمان هو انتى مسمية الدكتور كدة؟؟؟؟
:P:P:P:P=))=))=))


"وطبعا الست عالم سمسم طلعت معانا وهيسنا شويه"
عائشة و لا ايه؟؟ :D


"يعنى قالوا الامتحان كان كويس بس مش اوى"
و فيه برضة حد يطلع من امتحان لدكتور أبو السووسو و يقول غير كدة !!! :S:S:S



"طبعا جينا عشان نروح بقه
(سنه يا رنا عشان نروح قاعده من ساعتها ولسه راحه تفتكرى تشترى حاجه تأكليها ماشى "
ايه يا ايمى , كنت جعانة و أموت يعنى !! :P:P:D:D



"وقفت انا ودود وطبعا كنا مهيسين
وحضرتى كانت قايمه بدور الطفله (ازى معرفش ) وماما دودو بتعاقبنى"
ميرسى جدا , كانت بتعاقبك على ايه ؟؟؟ ... قولى يا ايمى عايزة أعرف ... ها عايزة أعرف بليززززززززز :P:P:D:D



"اللى قدامى يفتكرنى بكلمه او ببص ليه بس انا اصلا فى عالم تانى"
فاهماكى أنا ;);):P:P



"السواقين كالعاده لا تعالى هنا يا ابله
لا هيركبوا هنا
لا هنا
لا دول 6 ياعم المكروباص مش هيكفى تعالى معانا يا ابله
واحنا واقفين نتفرج"
لا , صريحة انتى أوى ... ما تقولى بأة بالمرة اسم السواق و رقم العربية =))=))=))


"ايه يابنتى التناكه دى فوقى بجد بجد كان نفسى اقولها النهارده بطريقه هستريه )
وقال ايه رنا تقولى لا عادى عادى ايه يا بنتى ده انا كنت هتشل"
و الله يا ايمى كانت عسل أوى :X:X ... و بعدين تامر بيقول "ما تفوقى يا أمة" مش عارفة اذا كدة كتابتها صح و لا ايه !! :D:D


"وطبعا رنا مش رحمتنى فى المكروباص وكل شويه اقول يا رنا "
ايمان انتى تقصدى لما كنت بزغزغك و بسكت عشان مش تفضحينا ؟؟؟ هو دة قصدك يعنى؟؟ :P:P:P:P:P:P:P



"وربنا يستر من يوم (الداتا ميز )
فينك يا رورو"
أنا هنا أهو يا حبيبى ... داتا ميز و ها يا شباام ... و خشى و أوراقك ... عارف أنا اجو دة ... =))=))=))



arga3 tany b2a 3ashan bgd t3ebt :D... sorry lw kont tawelt :D...bs really el mawdoo3 3gabny ...w sorry lw feeh 3'latat 3ashan ana mesh awy fy ketabet el 3araby :$.... w malame7 el yoom kolaha ktabteeha ya emy :D...merci gdn :D
anyways ,,, nice bgd w ya rab elly gay ykoon a7san ,,,w aiwa kda , 3ayzeen gaw el neela el blog da ykoon dayman lazeez kda :D:D

19 مايو 2008 في 8:22 ص
غير معرف يقول...

أخيرا فى مواضيع هنا ( المفروض تدفعولنا تعويضات على الوقت اللى بندخل فيه هنا ومش بنلاقى جديد :d )

أولا : مبروك على الامتحان ويارب تكونوا حليتوا كويس فيه وعقبال باقى الامتحانات ان شاء الله , وبالتوفيق ان شاء الله .

ثانياً : محدش يبقى يدخل رنا تانى البلوج بتحب تفسر الكلام وده غلط على اصحاب البلوج :d

19 مايو 2008 في 10:24 ص
غير معرف يقول...


وطبعا الست عالم سمسم طلعت معانا وهيسنا شويه"
عائشة و لا ايه؟؟ :D


لالالالا يارنا مش اش اش اتش بى لا :d
دى البت ندى موون سيستر وساعات بتبقى (فلة بابا )
انتى متعرفيش انا مسمياها عالم سمسم ليه ؟
اصل ندى ياستى ..... ولا بلاش بقى كفايه فضايح هاقولك بعدين :d:d

و فيه برضة حد يطلع من امتحان لدكتور أبو السووسو و يقول غير كدة !!! :S:S:S


لا طبعا مانتى عارفه احنا بنطلع عموما من اى امتحان شكلنا ازاى
مش فاكره امتحان الفيزياء (;
بس انتوا نسيتوا ان كل شويه الدكتور ييجى عندى فى اللجنه كل محد يساله يجى يقولى ايه ياياسو انتى مش هتسالى
واقوله لا p:
(hana5od 3la ba3d wala a? yasso w abo elsoso b2a w hyesa)


بالمرة اسم السواق

عوض تقريبا =))


"وربنا يستر من يوم (الداتا ميز )
فينك يا رورو"
أنا هنا أهو يا حبيبى ... داتا ميز و ها يا شباام ... و خشى و أوراقك ... عارف أنا اجو دة ... =))=))=))


ايه ده انتوا بتتريقوا على الباشمهندسه ري...
عيب ياشبام كده=)) =))
هاقول للبت بيرى تكلمها فى النوبايل وتقولها :d:d

بس انتى ياايمى نسيتى تقولى فى الاول ان احنا واحنا فى العربيه راحين الجامعه كلنا كنا بنزاكر او عالاقل فاتحين اى حاجه ورورو ودودو بس هما اللى مكانوش بيزاكروا كالعاده
لا والمهم انهم كل امتحان يتريقوا عليا عشان بكون فاتحه نفس ورقة المقارنه بتاعت ال tcp/ip , osi
وفى الاخر جت ونسيتها :-s

وفى برده موقف حصل فى الاخر واحنا مروحيين جمب المدينه كده كنت انا ورورو وبيرى بس وحصلت حاجات عبيطه كده (اوعى تقوليها يارنا انا بقولك اهو )
يلا سلام ياشبام بقى روحوا زاكروا الداتا ميز عشان كده احنا هنروح فى داهيه
وفى الاخر يارب محد يودى اللينك ده لاى حد من الحكومه عشان كده هتبقى الجريمه كامله
ربنا يستر ومنكونش متراقبين

19 مايو 2008 في 2:06 م
غير معرف يقول...

هبه

معلش يا حبى نعمل ايه اصلا احنا سيدات اعمال مش بنلحق نفضا نكتبت
بس ان شاء الله الاجازه جايه والحقوا انتم بس تعليقات علينا
_____________________________
الست رنا

اللى مشرفانى دايما
عارفه ناقص نحط كل النيك نيمز والثيمات بتاعتنا هنا عشان تبقه كملت
اه وبعدين ماله العربى


قايلالك اعملى الموبايل سايلنت قبل كدة و برضة مافيش فايدة :@:D فاكرة دودو دايما بتعمل ايه فيكى فى السكاشن ؟... دايما فاضخانا كدة أهو :

اصل انا مهمه يا رورو ومش ينفع يتعمل سايلنت وانا نايمه وطبعا دودو دايما مشرفانى فى السكاشن والمحاضرات

نسيتى تقولى ان الناس اللى معانا بتكرهنا من كتر الرغى =))

مش عارفه ايه ده ياختى ناس اخر زمن

من حق لو عاوزه تعرفى دودو كانت بتعاقبنى على ايه
قوليلى انتم شوفتوا ايه عند المدينه

"اللى قدامى يفتكرنى بكلمه او ببص ليه بس انا اصلا فى عالم تانى"
فاهماكى أنا ;);):P:


بجد بلاش تفكرينى .......وانا ايه مبسوطه اوى ومبتسمه وفى الاخر اشوف مين قدامى ههههههه بلاش نقول احسن بس كان حتت موقف يارب يكون اتنسه

عسل ايه يا حبى ده عسل اسود
وتامر بيقول ايه يابنتى التناكه دى ما تفوقى يمه بس انا اتكسفت اكتبها

ايمان انتى تقصدى لما كنت بزغزغك و بسكت عشان مش تفضحينا ؟؟؟ هو دة قصدك يعنى؟؟

ايوه ايوه ايوه يا ........... هوده بالظبط اللى كنت مش عاوزك تقولى لابويه عليه
اوبس قصدى تقولى لناس عليه واه يارنا لو حد من العيال استغل نقطة ضعفى دى فى اى يوم مش عارفه هعمل ايه فيكم
___________________________________
االباشمهندس

معلش بجد اعذرونا بس ان شاء الله هنحاول ننزل اصلا احنا مفلسين مش ينفع ندفع غرامه
وفعلا رنا معدتش تعلق ابدا يا فضحانى
______________________
بوسى كات
ايه ده انتى عارفه اسم السواق هههههههه
بس فعلا اسمه عووض
فين ايامك يا حكيم

وانتى كمان مسيحه ليا ياجماعه ياسمين ورنا معدتش اشوفهم هنا خالص قولى احسن الاسم يا شيخه

حكومه ايه بقه
ده احنا على امن الدوله على طول
يا جماعه انا مش بحب الحلاوه ابقوا هاتوا ليا جبنه رومى
يارب استر بقه فى الداتا ميز ويهديك
يا بابا عطوان
سلامانجه

19 مايو 2008 في 4:52 م
غير معرف يقول...

bgd el rodood gamda gdn bardo :D.... el mawdoo3 da to7fa w da7akny bgd gdnnn ....

أولا ميرسى جدا يا باشمهندس غير معرف و حكاية التعويض دى .... هنبقى نشوفها بعدين :D

سيما بأة :-
ايه دة ... أنا أول مرة أعرف ان عالم سمسم هى ندى =)) ........ أنا كنت فاكراها اش اش اتش تى ام ال بجد =))

hana5od 3la ba3d wala a? yasso w abo elsoso b2a w hyesa
مش عارفة و الله يا سيما .... دكاترة أخر زمن =))

merci gdn monsieur 3awad ...... 3awad meen b2a ...w ento 3reftooh meneen ...lama7een ento ..... sawa2 b2a w nezam ;););):P:P:P:PPPPPPPP

ماحدش جاب سيرة أى باشمهندسات يا سيما بلاش فضايح .... ::D

يا سيما أنا مالش فى الكلام الفاضى و قلة الادب و الاسلوب الساذج دة كله ..... مذاكرة ايه اللى قبل الامتحان دى ... و أنا سايبة طول السنة جاية أذاكر فى الخمسة دوول !!! :P:P:P:D:D:و هو تقريبا احنا اللى حسدناكى =))


ياسمين نفى أقوله أوىىىىىىىىىىىىىى ...... =))=))


emy b2aaa :D:D

thx mara tanya 3ala el mawdoo3 bgd ;):D...

مهمة .... طيب يا ايمى ... ربنا يزيدك ... ريلى !!!!! :D:D

هبقى أقولك يا ايمى ان شاء الله ..... بس بصى مش تقولى لسيما انى هقولك بأة .... :P:P:D:D


tb hwa meen ya emy ???!!! :P:P:P:PPPPP...balash a2ool asamy ..enty 3arfany "el waseef" ...... =))=))=))


لا يا حبيبى اوعى تتكسفى بعد كدة ..... هنا جميع الفضايح أصلا :D:D

لا يا ايمى مش تقلقى ... مش مختاجة انك تقوليلى أقول لحد ... عشان خلاص كله عرف ....


thxxx ya 3eyal bgd ..... w e7na ra3'eena bema feeh el kefaya ...wala aken 3andena exam wala 7aga 5ales males ..... merci gdn .... :D

19 مايو 2008 في 10:52 م
غير معرف يقول...

السلام عليكم ياشعب

ايه الفضايح دى يابنات انا ماقرتش كل الكلام ده والا كنت هاتشل من قبل مااخلص المادة العسل دى ..... قولت امر مر الكرام على الكلام وخلاص
والظاهر انى مش بمر الا على كلام الفضايح اللى فيها ^_^ ..... الظاهر انا فيا شئ لله انى عرفت اكتب حاجة فى البلوج ده وعذرا على التاخيييير فى الرد ..... ماتنسوش تسلمولى على البت مووون سيستر " اول مرة اعرف انها عالم سمسم فى الشلة بس اكيد هاعرف ليه الاسم ده اوك ياياسمين؟"

بس بجد البلوج جميل زى اصحابه
وربنا يسترها معانا فى الداتا
بتاع بابا احمد عطوان ..... واحد ايموشن بيضحك

ماعلينا....... بت ياايمان ارجو ان الموضوع اياه عدى على خير انا لسة بفكر فيه من ساعتها
اصل اختك غاوية تشغل نفسها ووجع دماغ والنظام ده

يلا سلام

20 مايو 2008 في 11:59 ص
غير معرف يقول...

يلا هلا يا هلا القمر عندنا
منوره يا حبى
والبلوج زى العسل عشان انتى رديتى فيه بس
وبالنسبه للفضايح
مش تخافى هتلاقى منها كتير هنا
المفروض نغير اسم البلوج
يلا ان شاء الله ما حد حوش
لازم مش نحرم حد من حاجه والناس تعرف كل حاجه
وبالنسبه للموضوع انا نسيته خلاص يا بنتى
هو اصلا مش حصل فيه غير الكلمتين اللى قولتك عليهم دول كبرى يا بنتى كله فى الهواء
ميرسى على مرورك
سلام

20 مايو 2008 في 3:36 م
Nada يقول...

يافضيحتك يامون سيستر كده ياسيما كشفتى السر الرهيب ايوه يابشر انا عالم سمسم عارفين ليه لأنى باموت فى السمسم نيهاهاهاهاهاهاها وميرسى جداااااااااااااااااااااااا على التسييح وعلى رأى اللى قال"cover me and cry ya amma"

21 مايو 2008 في 1:59 ص

إرسال تعليق

Subscribe to: تعليقات الرسالة (Atom)