Hand Sketching

السلام عليكم ورحمة الله وبركاته

بعد الاسكوب واللى حصل فى الكات بجد بجد حسيت ان انا مش بعرف ارسم خااااااااااااااااااااااااالص

وجالى احباط جامد وكنت فاكره انى بعرف ارسم ويجى منى بس دلوقتى عرفت الحقيقه :(:(

المهم كان فى ليا كذا محاوله فى الرسم واصحابى شافوها وعجبتهم جدااا

وفى حاجات انا اصلا مش عجبانى خالص ومسميه كل رسمه منهم اسماء عجيبه ومرعبه

بس هى عجبتهم وقالولى ييجى منك فالحمدلله بيرفعوا من معنوياتى جااااااااااااامد والله

وبالذات رنا حبيبتى كان نفسها تخلينى اوريهم الرسومات بتاعتى وانا فى البيكسى داى

وكانت فاكراهم عاملين مسابقه لما عرضوا الرسومات بتاعتهم وكانت عايزانى ادخل

وفى الاخر مطلعتش مسابقه والحمدلله انها متهورتش وقالتلهم كان شكلنا هيبقى محرج جدااااااااا :):)

وبرضه من مشجعينى الجامدين دودو وهى اللى اقنعتنى انى احطهم عالبلوج بعد مفاوضات بيننا

وكنت خايفه انى اطفش الزوار برسوماتى بس هى قالتلى لا حطيهم على ضمانتى

انا بقول اهو ياجماعه اى حاجه مسئولية دودو وانا ماليش دعوة

كفايه كلام بقى اسيبكم مع محاولاتى الفاشله

وان شاء الله اى حاجه جديده هزودها هنا

دى بقى اول تجربه فى رسم الوجه

يارب الصور تعجبكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

BosYCaT