السلام عليكم ورحمة الله وبركاته
انا هتكلم معاكم في حاجة هي بتحصل كتير وممكن حد فينا يكون عاشها اوحصلت لحد من صحابه ,وهي ان بيكون في اتنين بيحبوا بعض وفجأة نلاقيهم بعدوا عن بعض ,طبعاً في اسباب كتيرة ممكن تكون سبب الفراق ده:مثلاً حصلت خلافات بينهم,مش قادرين يكملوا مع بعض او الاقارب مش موافقين وفي اكيد حاجات تانيه .بس في سبب تاني انا شايفه انه بيحصل كتير وهو ان احد الطرفين ماحبش التاني اصلاً من البداية ,كل الحكايه انه لقي حد بيحبه اوي ومهتم بيه وعاوز يقدمله كل حاجة حلوة فهو في المقابل بيحاول يسعد الانسان ده بانه يقوله كلمة بحبك حتي وهو مش حاسس بيها ,وعشان طبعا هو مش حاسسها بالتالي بيبدأ يشعر بالندم ويقول ايه ده؟؟ ايه اللي انا عملته ده؟؟ انا ورطت نفسي كده ليه؟؟وبيبقي ادامه حاجة من اتنين :اما يكمّل مع الانسان ده ويقول كفايه انه بيحبني والواحد بيبقي فرحان لما يحس انه السبب في سعادة اي حد,واما انه يقول طب ليه انا اظلم نفسي معاه واظلمه معايا انا هاقوله حقيقة شعوري احسن .بس بجد في حالة انه اختار الحل التاني ده هيبقي كسر قلب الانسان ده اوي وجرحه جرح صعب مش ممكن ينساه وهو كمان هيتعذب اوي وضميره هيفضل يأنبه دايماً علي اللي عمله في انسان كل ذنبه انه حبه بجد,وهيخاف اوي يشوفه مره في طريقة ,بجد وقتها مش هيقدر يتحمل نظرته ليه ,لانها هتبقي نظرة مليانة جرح وعتاب وفي نفس الوقت فيها حب لانه بجد مشكلته انه مش عارف يكرهك لانه حبك بجد والي يحب اوي عمره مابيعرف يكره .وفي الاخر بنصح اي حد مايقولش كلمة بحبك دي الا لما يكون حاسسها بجد ومقتنع بيها وكمان عشان مايظلمش معاه حد مالوش اي ذنب غير انه حبه بجد.
ـــــــــــــــــــــــــــــــــــــــــ
التسميات: feelings