النهارده بداية امتحانات الميدترم ..وطبعا احنا مش زى حد
يعنى ميدترماتنا مش زى اى ميدترم ولله الحمد..
النهارده كان عندنا simulation
ماده سهله وبسيطه ولذيذه
وكل الحكايه كام مسأله نحلهم وكله هيبقى تمام ..وبعدين مافيش قلق خالص ده حتى مادْى هو اللى بيدينا
طبعا كلام فارغ ..احنا اللى كنا فاكريين كده لحد النهارده الصبح
وبعد الامتحان بجد مافيش تعليق غير ..
حسبى الله ونعم الوكيل
يعنى الماده اللى نكون متطمنيين ليها ونكون متأكدين انها هى اللى هترفعنا الترم ده
نلاقى حاجه تانيه خااالص
المسائل كلها معتمده على قيمه معينه المفروض نطلعها فى بدايه حل المسأله علشان نكمل الحل
وده المفروض يعنى علشان نحل ونوصل للمطلوب
كل المسائل معادلاتها مش راضيه تتحل ابدااااا
نجيبها يمين شمال مافيش فايده
طلعت معانا بسالب تحت الجزر ...وبرده عادى
ده غير ان كان فى مطلوب احنا ماخدناهوش ..وكل الدفعه قالتله مخدناش ده وهو مصمم اننا اخدناه
طبعا ولا كأنى شفت حاجه وعملت نفسى مش واخده بالى بالسؤال ده ...
لكن الطيف فى الموضوع ان واحده جت تسأل الدكتور عن الحاجات الغريبه دى والمعادلات اللى مش بتتحل
كان رده عليها ....just imagine it
طيب ياسيدى شكراااا ...
انا طبعا حليت اللى اقدر عليه وبقيت بفرض قيم للناتج علشان اعرف اكمل المسأله
والحمدلله طلعت من اللجنه بسؤال واحد بس هو اللى انا متأكده منه..ولحد دلوقتى مش عارفه احدد انا عايزة اضحك ولا عايزة اعيط ..
انا عايزة ارسى :D
وطبعا بما ان الماده دى طلعت كده وهى اسهل ماده عندنا
يبقى ربنا يستر فى الباقى ...وخاصه
بكره لان عندنا
PS== Palwa Sooda
ان شاء الله بكره هتبقى PS1 ...
ويوم الاربعاء هتبقى PS2 ..
وشكلنا هناخد كل الفيرجنز التانيه خلال الاسبوع ده
ربنا معانا ومع كل الشعب الحاسوباتى الايتيهاوى منه والسى اساوى
قولوا آآآميييين
سلاااااااام
***********************
bosycat
