13‏/11‏/2008

هو فى كده


اليوم الثلاثاء

11/11/2008

حتى تاريخ مميز اهوه

الساعه الواحده ظهرا فى معمل 1 فى علوم

حدث انجاز تاريخى لم يسبق من قبل

ايمان الخجوله

اللى بتتكسف تتكلم قدام اى حد

اللى لو اتكلمت مع حد مش تعرفه نص الكلام يضيع منها

وقفت اليوم امام سكشن 2و 3 والباشمهندس سمير

لتقوم بشرح ال dfd

بجد انا من عبطى مش عارفه اكتب ايه

هو اه انا كنت حاسه انى هشرح وكنت بقول على راى المثل وقع البلاء ولا انتظاره

بس مهما يكون الوقفه ليها رهبه

اولا اه عارفه انى هشرح بس ولا راجعت ولا حاولت اشرح لحد ولا اى حاجه خااااااااااااالص

لظروف خاصه تغيبت فيها عن الجامعه

المهم

النهارده فى بدايه السكشن طلع اول مجموعه شرحت واحنا طبعا تانى مجموعه

حضرتى قومت عشان اتكلم

اول ما بقول لسه سلامه عليكم

الباشمهندس يقول على صوتك اعلى شويه يقولى مش سامع كمان

4 مرات يقولى على صوتك

المهم انا هموت من الرعب

قالى اسمك ايه

قولت ايمان

قالى ايه

قولت ايمان

قالى ايمان عبد الهادى

قولتله اه

كنت عاوزه اقوله مفيش غير ايمان واحده عندك بس مسكت نفسى

فقالى اكتبى على السبوره واشرحى

طبعا ايدى كانت بجد بترتعش رعشه بدات اكتب كنت بمووووووووووووووووت من الرعب قعدت سنه قالى كده مش هينفع

وطبعا من توترى كانت ايدى بتتهز وبكتب بخط زباله

المهم بدات اشرح اول dfd

قعد يناقشنى فيها

وانا سبحان الله اذا فجاتا كده بدات ارد عليه واناقش حضرته

المهم بصراحه فى حاجه كده فى الماتريل مش كانت عجبانى بس مش مهم

اللى مهم انى مش بطلت ضحك وانا على السبوره بجد حاجه غريبه

المهم رجع تانى قالى على صوتك

هى قصه بقه

فسالنى وقالى انتى صوتك كده

انا بصراحه لما اتكلم مع حد بيكون صوتى واطى شويه فى موضوع مثلا مهم حد مش اعرفه ده طبع يعنى

المهم مش رديت اصحابى قالوا اه

فانا طبعا لازم اكون صريحه (يخرب بيت الصراحه)

قولتله لا انا كده اه فى العادى بس لما بكون بهزر مع اصحابى صوتى بيعلى شويه

هو مصدق وقالى طيب هزرى وطبعا كل السكشن ضحك على عبطى

المهم قعدت اشرح والحمد لله خلصت على خير

ومش كنت مصدقه ان انا اللى كنت واقفه اشرح

واصحابى صورونى وانا بشرح فيديو

ولما خلصت قالوا كنت حلوه

بس انا مش كنت برده حبه الماتريل اللى كنت بشرحها

وده بس اللى ضايقنى

والحمد لله عده بسلام السكشن بس طو ل اليوم مش مستوعبه اللى حصل وعامله زى التايهه

وحاسه ان كل الناس بتبص عليا

بجد احساس صعب جدا

وبجد ده يوم عمرى ما هنسه

طولت عليكم بس حبيت اشركم معايا فى اللحظه دى

وهى متأخره يومين بس برده لظروف خاصه

يلا سلام

نــــــــــــــــــــور القلب

10 التعليقات:

غير معرف يقول...

يلا عديت ع خيــــر
ربنا يستر عليا بكره عندى مناقشه وبجد ربنا يستر
وكل مناقشه وانتى طيبه ياايمى

Mirage يقول...

انتم السابقون ونحن اللاحقون ههههههه
الحمد لله انها عدت ياايمان هى بس كانت محتاجة شوية تدريب

e_emy يقول...

D:

اكيد كنتى عسل ياايمى

بس .... انا عاوزه اشوف الصور ;)

غير معرف يقول...

3asal ya emy walahy :D:D:D

ya benty konty 3asal gdn walahy ,,,, w ana 3arfa enek konty bterte3shy awy w konty 5ayfa , bs fe3lan konty 3asal w enty btetkalemy kda w mesh mogamla walahy w even en eng-sameer mesh 3gabo kaza 7aga fy el dfd dy bs 3refty trody w 3refty tetnakshy m3ah kwayes ,,,,, :D

btw , ana elly 2olt "ah" w ana kaman elly sawartek :P:P:P ,,,, w shokran :D

غير معرف يقول...

3asal ya emy wallahy:D
bgd konty gamda gdn
w konty wasqa fe nafsk (bakinam);)
yalla el7amdolellah 3adt 3la 5eer
32bal kol mara isA:D

غير معرف يقول...

وسام
على خير ولا على شر المهم انها عدت يا سوسو
ومن حق فكرينى اسالك عملتى ايه
وانتى طيبه يا قمر
عقبال مناقشه التخرج

غير معرف يقول...

mirage
لسه مش راضيه اقول الاسم الحقيقى اهوه
على رايك الحمد لله
ولا تدريب ولا بتاع هو انا فاضيلهم
اول واخر مره
وميرسى على مرورك يا قمر

غير معرف يقول...

e_emy
الله يعسلك يا قلبى
وعقبال لما اشوفك ان شاء الله مكانى
والفيديو ياستى فكرينى اخليكى تشوفيه
ميرسى يا عمرى على الرد

غير معرف يقول...

رورو
انتى اللى عسل والله يا قمر
انا كنت هموت من الخوف مش برتعش بس
الخط كان اكبر دليل على واحده هتموت كمان شويه
وبالنسبه للباشمهندس سمير
هههههههههههههههه
بجد موت من الضحك لما قالى ايه الرد القوى ده
كنت هقوله انت متعرفش اللى جوه ايه
بس الحمد لله عدت على خير عسل بقه بصل مش فارقه
بس بجد استفاده اوى وبجد كانت متعه بس اخاف تكرر
وطبعا ميرسى يا قمر على التصوير الحمد لله
انه مش ظبطك
ميرسى على ردك يا رورو
وبجد نفسى اشوفك يوم وانتى بتشرحى
سلام

غير معرف يقول...

ياسمين
ميرسى يا جميل
انا برده اللى عسل ولا انتى
واثقه فى نفسى ايه
دول الحبه اللى فى الاخر بس كنت خلاص فاض بيا
وميرسى على ردك يا جميل
سلام