عاوزين تعرفوا الطيبه عيب ليه؟

السلام عليكم ورحمه الله وبركاته

طبعا وحشتونى موت بقالى زمان مكتبتش هنا

الموضوع النهارده مش غريب ولا جديد علينا

دايما كل ما تسال اى حد عن عيوبه ومميزاته

يقولك عيبى الطيبه ونفسى اغيره

هو حد عارف اصلا يعنى ايه طيبه

الطيبه عكس الشر

هل لما تكون الطيبه عيب يبقه نغيرها هعشان الشر يكون ميزه اكيد لا طبعا

الموضوع ده هقول فيه من وجهة نظرى ليه الناس بتقول على الطيبه عيب

دايما كنت بسال ليه دايما الانسان الطيب بيكون كاره نفسه وبيقول عيب ومعرفش ايه

وبجد كنت محتاره اوى

لغايه ما فى يوم ما مش بعيد

كنت بتفرج على برنامج عادى اسمه اللعبه فى شكله ممكن الناس تقول مجرد تسليه

بس كان فى ضيف فى البرنامج ده اسمه طلعت زين

وقال جمله بجد رنت فى ودانى جامد لدرجه انى فاكرها لغايه دلوقتى

الانسان الطيب نفسه يتغير

عشان الناس بتتعامل معه كانه مش بشر

يعنى اى حد يغلط فى حد اصله طيب مش هيزعل اى حد يزعل من حد يروح يطلع نرفزته على الطيب اصله مش هيزعل

بجد بعد ما سمعت الكلام ده قعدت افكر ومرت عليا جمل كتير شكل دى

1-انتى طيبه وهتعمللى الحاجه الفلانيه

2-اصلك طيبه وهتساميحنى

3-هى طيبه ومش بتزعل من حد

4-دايما بنرمى الكلام عليكى كده اهوه معلش اصلك طيبه

وكتير وكتير

سمعته من ناس لناس ومن ناس ليا وحاجات كتير

الطيب ممكن يتعمل فيه اى حاجه عشان هو بيسامح وبينسه بسرعه

هل كويس لما تغلط فيا وتيجى تصالحنى او حتى تضحك فى وشى واسامحك عادى وانسه

هل يبقه كويس لما اتغابه عليك واعمل مشكله ولازم تجيب العمده وشيخ الغفر ونعمل قعدت رجاله عشان نتصالح

ياتره الناس بتفضل اللى يذلها عشان تحترمه ولا اللى يسامح

هل كويس لما حد يطلب منى طلب مش اعمله وافضل اعمل فيه جدى الباشا وعمى البيه

ولا بدل فى ايدى حاجه اعملها للناس اعملها

بجد الناس دى غريبه بتحب اللى يعمل فيها عنتر زمانه

وتضرب اللى يحترمها ويخاف عليها وعلى مصلحتها بالشوز

مع ان المفروض العكس اللى بيخدمك تقدره اللى مش بيذلك تحترمه

ومش تغلط فيه تانى مش برده تكرر نفس الغلط وبرده يسامحك

والشخص اللى يطلع عينك حضرتك بتكون خايف تقوله بخ احسن يذلك تانى

فعلا طبيعه بشر غبى

المهم فى النهايه عرفنا ليه الطيبه عيب عشان البشر نفسه اتغير

بس نصيحه خليك طيب الطيبه مش عيب

لان ربنا هيبعتلك حد يقدر طيبتك دى

انما لو كنت من النوع اللى ابوهم بيه ربنا هيبعتلك اللى يطلع عينك

وحاول بقه تغير فكرت الناس ممكن تنجح وانا انجح وممكن بنت او ابن البواب ينجح كمان

طولت بس هتستحملوا عندكم مانع

ايوه كده ناس مش بتيجى غير بالعيبن الحمرا

اه ملحوظه الصوره اللى فوق دى ارموها فى الشارع

حجر ايه

امال فين الرومانسيه والضحكه الصافيه اللى من القلب اللى بتنور الوش دى

نـــــــــــــور القلب