11‏/09‏/2010

I can't say how I feel


السلام عليكم ورحمه الله وبركاته

ازيكم يا جماعه عاملين ايه كل سنه وانتو طيبين

يااااااااه بقالنا زمان مش دخلنا هنا

وعارفه ان الدخله دى مش لذيذه للناس بس معلش بجد

معرفش حسيت انى عاوزه اتكلم شويه

حتى مش عارفه اكتب عنوان البوست ايه

بس بجد ف حاله غريبه بمر بيها من حوالى شهرين

حاسه ان انا مش انا

حاسه انى مش عايزه

حاسه بملل وانا مش عندى وقت اصلا فاضى

حاسه انى فاصله عن العالم الخارجى بضحك وبهزر وبعيط واحزن عادى بعمل كل حاجه زى البشر بس من جوه مش كده

حاسه انى بمثل

محتاره ع تايهه ع خايفه ع حاجات كتير حتى مش قادره احددها

ف وجبات كتير ف حياتى مقصره فيها حتى شهر رمضان اللى هو شهر العباده قصرت فيه اوووووووووووووووى وده اول مره تحصل

ومش مكسوفه وانا بقول يمكن اعاقب نفسى شويه وافوق

الشهر اللى كانت السنن والفروض وقيام الليل والقرءان والاذكار وكل حاجه حلوه بعملها فيه مش عملتها

بعمل حاجات بحس انها غلط بل متاكده بس بعملها

وحاجات عارفه انها صح ومش بعملها مش بارادتى والله غصب عنى حاسه ان ف حد تانى بيمشينى

مش مصدقين بجد حاسه ان ف حد تانى بيعمل الحاجات دى غصب عنى وانا ماشيه زى الاله

ف لحظه احس ان عندى تبلد ف الاحساس والمشاعر والدموع ف مواقف تستحق النزول مش بتنزل ابدا وده مش انا

حاسه انى مقيده قيود صعب فكها بجد انا عارفه انا بظهر طبيعيه وانا لما ابص ع تصرفاتى احس انى طبيعيه واللى يشوفنى يقول ما هى مش ف دماغها بس من جوايا معرفش ف ايه حاسه ان ضميرى هو اللى بيعمل كده بس مش قادره اسمع كلامه
حاسه انى بغير حياتى باكملها بتصروفاتى بعمل حاجات غريبه وعجيبه بحس ايه ده انا عملت كده ازى
حتى طريقه كلامى طريقه لبسى حاجات كتير غريبه بجد والله العظيم غريبه
بحس احيان كتير انى بااااااااااااااارده
واحيان اوصل لقمة عصبيتى بدون سبب
بحس ان راحتى ف القرب من ربنا بس والله العظيم ف حاجه بتشدنى مش بتخلينى اقرب نفسى نفسى مش قادره

بجد مش عارفه اوصل احساسى بس كل اللى عارفه اقوله

انا مش عارفه نفسى ولا مين اللى بيعمل كده ولا انا عاوزه ايه ولا مش عاوزه ايه ولا قادره اصلح الغلط ولا قادره اعمل الصح ولا قادره اكون طبيعيه ولا قادره احدد احساسى وشعورى ناحية الاشياء حاسه انى منومه مغناطسيا او عندى انفصام ف الشخصيه

بس بجد احساس مــــــــــــــــــــــــــــــــــــــــــــــــــــــــــــــــــــــــــــــــــــــــــــــــؤلم لابعد الحدود بجد مؤلم اوى لما تكون مش عارف انت مين ولا عاوز ايه
كل اللى محتاجه عاوزه احس بالامان وراحة البال نفسى احس بالاستقرار
ياااااااااااااارب انا مين


نــــــــور القــــــلب

4 التعليقات:

MeMe يقول...

دى فترة طبيعية جدا دلوقتى كلنا بنمر بيها
وان شاء الله هتعدى على خير لما مستقبلنا يوضح معالمه شوية لينا
اللى فى ادينا دلوقتى الدعاء والقرب من ربنا حتى لو الشيطان بيصور لنا انه دا حاجة مش ممكنة وتأكدى ان مش انتى لوحدك كدا.

والله المستعان ان شاء الله

كل سنة وانتى طيبة
:)
سلام

Angel يقول...

انا لما بكون تايهه بجيب ورقه وقلم وبفضل اكتب الحاجات اللى فى دماغى والحاجات اللى انا عايزه اعملها وبعدين برتبها فى نقط وبقول مثلا انا عايزه اقرأ سوره من القران كل يوم وعايزه مثلا ازاكر الجزء ده انهرده
السنن احافظ عليها وماسبهاش
وبكتب اهدافى اللى انا عايزه اوصلها والحاجات اللى هاعملها عشان توصلنى لده
انا لما بكتب كل ده الامور بتوضح قدامى بحس بالتعب طبيعى بس برضه التوهان بيقل شويه
يارب تكونى فهمتى قصدى وتكون راحه ليكى يارب
وربنا يريح بالنا كلنا ويهدينا للصح :)

e_emy يقول...

ربنا يهديكى للخير

ويريح بالك ان شاء الله

Mirage يقول...

ربنا معاكى ياايمان وان شاء الله ازمة وهاتعدى ... احسن حاجة ممكن تتفائلى بيها دلوقتى انك عارفة وضعك ايه بالظبط وعارفة تقصيرك دا فحد ذاته حل
ان شاء الله كل امورك تتعدول وتكونى ف احسن حال

اشوفك على خير ان شاء الله