عمرك صحيت من النوم كده بدل ماتفكر انا هالبس ايه النهارده ..
فضلت تفكر ياترى انا هاغير موودى ازاى وايه هو الوش اللى هلبسه النهارده عشان اخبى اللى جوايا !!
وفضلت مستنى بجد الحاجه اللى تخليك طاير من عالارض وبتدور عليها بجد وانت حتى مش عارف هى ايه ..
عمرك حسيت انك مش قادر او مش عارف تطلع اللى جواك بجد
لما تفرح تضحك نص ضحكه... ولما تكون متضايق اوى تضحك وتهييس
حتى لما تكون مخنوق برده مبتعرفش تطلع كل اللى جواك ..مجرد نص تكشيرة كدا وفى الاخر بتقلبها تريأه وهزار عشان تخاف تزعل اللى حواليك او تقلقهم عليك !!
ياترى هو احنا فعلا كبرنا فجأة لدرجه اننا مبقيناش نعرف نضحك بجد زى زمان .. ولا هو احنا عقلنا بس وعرفنا الدنيا صح ..
ولا هو احنا اخدنا مناعه وبقى عندنا لا مبالاه فعلا ومبقتش تفرق معانا !!
احساس جديد بعدم اكتمال الاحساس جوايا
مجرد نص ضحكه ..نص فرحه .. نص حاله
واحلى سلام لاصاله :D
اااااااااااه متنسوش تفتحوا النور بقى على ايديكوا اليمين وانتوا داخليين
:) salaaaamz
bosycat
التسميات: feelings