مش زى الافلام

معظم الافلام العربى وبعض الافلام الاجنبى وغالبيه القصص
بتكون كالتالى
بدايه طبيعيه وعاديه خااالص وهدوء فى الشخصيات و فى منتصف القصه تبدا الصراعات وتبدا المشاكل لدرجه ان كل واحد فى القصه اقل حاجه عنده 5او 6 مشاكل
وتستمر المشاكل لغايه اخر نص ساعه فى القصه
وفجاه تظهر العصا السحريه اللى بتحول كل المشاكل دى فى لحظه الى سراب وان الحياه بقه لونها بمبى
والبطل والبطله يتجوزا ويخلفوا بنات قطقيط
السؤال دلوقتى
هل فعلا الدنيا كده هل حياتنا كده ؟؟؟؟؟؟؟
من وجهة نظرى ان الدنيا مش زى الافلام
لو زى الافلام كان زمان الكل ارتاح لانه ضامن ان فى عصايه سحريه هتيجى وتظبط كل حاجه بدون تعب ولا تفكير وان مهما اتعقدت اقعد اشرب شاى قدام التليفزيون واكيد المشاكل هتتحل
انا بقول لالالالالالالالالالالالالالالالالالالالا الدنيا مش الافلام ولا زى ما الناس بتقول مسرح كبير واحنا بنمثل عليه لان برده فى النهايه بتكون نفس نهايه الافلام
انا بقول ان
الدنيا دى زى اللعبه ولعبه كبيررررررررره اوووووووووى
لازم كل واحد يدخلها يكون عارف هيلعب ازاى والا هيطلع من اول جوله
وشروط اللعبه دى حاجتين
التفكير والتركيز والمحاوله والارداه يعنى من الاخر عقل
وطبعا الحظ
ويبدا اللعب ولسه كل حاجه مكانها ولسه مفيش ولا احداث ولا شخصيات ولا اى حاجه
ونبدا نبنى احنا الاحداث ونتعرف على شخصيات اللى دخلت اللعبه زيها زينا ونعمل صراعات ومشاكل بادينا وكل ده فى البدايه
وطبعا البدايه بيتوقف عليها النهايه
لو بدات صح وحطيت كل حاجه مكانها هلعب صح

ممكن تقابلنى مشاكل وبل اكيد بس لانى بلعب صح هحلها بعقلى
وبتالى هكسب فى الاخر لانى لعبتها صح
انما لو بدات غلط وحطيت كل حاجه فى مكان غير مكانها
وبدات اللعب على اساس غلط وقتها المشاكل هتكبر زى الافلام بالظبط بس للاسف النهايه مش هتكون زى الافلام لان اللعبه دى مش فيها عصايه سحريه اللعبه دى فيها عقل يشتغل وايد بتعمل
فبتالى هخسر لانى لعبتها غلط
و فى الاخر game over
بس هنا مش هينفع نعيد تانى
اللعبه دى مش اى لعبه دى لعبة الحياه
بتتلعب مره واحده بس وبمده معينه وهى عمرنا لما عمرنا يخلص وقتنا هيخلص
ويا اما هيطلع
won

loss او

او game over

وده ولا عارف هو كسبان ولا خسران وعاش ومات بدون اى هدف يكسبه او يخسره
ياتره كل واحد فينا فكر هيلعبها ازى
واللى مفكرش وبنا وخلاص ياتره عرف يفكر يغير مسار اللعبه للصح ازى ولا لسه عايشين فى عصر الافلام

والله الحياه مش زى الافـــــــــــــــــــــلام

نــــــــــــــــور القلب