يوم السعاده

السلام عليكم ورحمه الله وبركاته

بغض النظر عن المثل اللى بيقول التالته تابته

وان الموضوع ده التالت على التوالى والتوازى ليا

وبغض النظر ان بكره عندى امتحان ومكبره من امبارح

وبغض النظر برده ان جهازى الحمد لله طلع من العنايه المركزه بعد عناء 3 ايام باين ولا 4


وبغض النظر عن حاجات كتير اوى منها انكم هتضربونى دلوقتى

ندخل فى موضوع اللى هو عباره عن حلم

بدايه الموضوع عاوزه اسال سؤال

هو فى حاجه اسمها يوم للسعاده ؟؟؟؟؟؟؟؟

يعنى يكون حد عمل حمله حد حاول يعمل يوم للسعاده زى الايام الكتير اللى اتعملت فجاه دى بليز نفسى اعرف اللى يعرف يقول

المهم الموضوع وما فيه هو ان انا حلمت منذ يومين

ان فى يوم للسعاده وكانت حمله ونظام بدون ذكر تفاصيل الحلم

بينى وبينكم الفكره عجبتنى اوى قولت يخرب بيت عقلى بيجيب افكار وانا نايمه عجيبه


ايه المانع اننا نحدد يوم للسعاده يوم

يوم للتحرر يوم للانطلاق يوم للابتسامه يوم نعلن فيه العصيان على كل شىء حزين يوم

يكون هدفنا فيه اننا نعيش فى سعاده ونعيش اللى حوالينا فى سعاده

يوم نحذف منه اى حاجه حزينه مهما كانت

يوم ممكن يكون جماعى او ممكن كل واحد يحدد لنفسه يوم و يقول انا النهارده

هسعد نفسى بانى اانسى اى حاجه تزعلنى انى اعمل حاجه مفيده

هسعد اللى حواليا ان ارسم ابتسامه على وش طفل يتيم

هسعد جدتى وجدى بانى ازورهم اسعد امى وابويه بانهى اقضى يوم معاهم هما بس

اسعد اصحابى اسعد اهلى اسعد الفقراء

يوم يكون هدفه السعاده بس

دون اى اهداف اخره

ولا رياء ولا فشخره فاضيه على راى احمد ادام

بجد لو اليوم ده فعلا مش موجوده ايه المانع اننا نبدا نعمله

ونعرف الناس كلها معنى السعاده الحقيقى

وهو ان السعاده مش بتروح لحد اللى عاوزه السعاده لازم يعملها بنفسه

دعوه للسعاده لكسر روتين الحياه اليومى والتغلب على حاله الاكتئاب والحزن

مجرد حلم قابل ان يكون واقع بشرط الاراده

كانت معكم من امام المحروس الجهاز

نور القلب