ليه البخل

السلام عليكم ورحمه الله وبركاته

ازيكم يا جماعه يارب تكونوا بتذاكروا كويس

ادخل فى الموضوع على طول مش ناقصين لك

امبارح فى حوارمن حواراتى مع اخويه
قالى جمله غريبه
قالى انتى فيكى حاجه غريبه اوى يا ايمان
اى انسان بيجى يفضفضلك
حتى لو هو مش حاطط فى دماغه المساعده او مستنى منك خدمه
منك لنفسك بتساعدى
ده غير كمان
انك بتعرفى تريحى اللى قدامك اوى يعنى بتعرفى تسمعيه وبتعرفى تهونى عليه
يعنى مثلا لو جاى افضفض فى مشكله بلاقيكى على طول بتحاول تحليها سواء بحلول بديهالى او بتحاول من ورايا لو تقدرى تحلى المشكله دى
انا هنا توقفت
حسيت ان اصلا مش حاطه الحاجه دى فى دماغى دى حاجه بعملها بعفويه بدون تخطيط
اتعودت ان بدل انى اقدر اساعد حد سواء طلب او لا

يبقه ليه ابخل عليه وكنت متوقعه ان كل الناس كده بجد لغايه امبارح بس طلع لا
المهم انا اى حد اخوات ماما اصحابى اى حد من اهلى او غريب
فضفض معايا بحاجه
وشايفه ان الحاجه دى مضايقه جدا
وفى ايدى انى اساعد وانى ازيح همه ده ليه مش اساعد

سؤالى دلوقتى
هل حاجه غريبه فعلا ان حد بيحاول يخفف عن اللى قدامه اللى هو فيه؟
هل لو انت فى ايدك تحل مشكله شخص ممكن تبخل عليه بمساعدتك طيب ليه ؟
ده حتى لو مش علشان ربنا ووطن
هيبقه عشان ان ربنا فى يوم من الايام هخليك محتاج حد يساعدك بدون ما تطلب ومش هتلاقى
محتاجه اعرف رايكم فى الموضوع ده
اللى بيساعد بيساعد ليه
ولا مش بيساعد اكيد ليه اسبابه وبرده
ليه
وايه حدودكم فى المساعده

بالنسبه ليا

انا بدل فى ايدى اساعد حد مهما يكن بساعد بس فى معظم الاحيان مش بحاول

ابين ان انا اللى عملت كده وده اكتر بيكون مع اهلى واخواتى

بالنسبه للحدود طول ما ليا الصلاحيه ان اقدر اتدخل فى حاجه بعمل

وبدل انى واثقه ان الحاجه دى هتفرح الشخص ده هعملها حتى لو هتحط فى بعض الاحراج

بجد محتاجه رايكم

يعنى اللى يزهق من المذاكره بلاش يبخل دى تعتبر مساعده ويدخل يسلى نفسه ويرد

يلا سلام

هذا البوست تحت ضمان مى رجب (لانى مكنتش عاوزه انزله )

نور القلب