على اى اساس

السلام عليكم ورحمه الله وبركاته

طبعا الموضوع ده تاثير امتحانات

بس تاثير جامد مش شويه لا شويتين تلاته اربعه

اولا الموضوع

جرىء جدااااااااااااااااا وصريح اووووووووى وتعدى الخطوط الحمره على الاخر

وده بتهايلى من المرات النادره اللى هتكلم بجرائه اوى كده

وبجد من الاول ملوش علاقه بيا كل الموضوع ان اليومين دول بشوف حاجات شكله وكمان فى مواضيع خطوبه كده لاخواتى فاللواحد عايش فى الحدث وبكتب الموضوع على طول من قلبى ليكم ولا كتبت الاول فى ورد ولا ناويه اراجع اللى كتبته

الموضوع وما فيه

وموجود فى كل بيت ولو مش موجود دلوقتى هيبقه موجود كمان شويه

وهو ان مكنش انت /انتى هيكون اخوكى او اختك يختاروا شريك حياتهم

بتختار عروستك على اى اساس

هنقول فرضا واحده اعجبته بيها بيكون على اى اساس

قبل ما اقول على اى اساس

عارفه ان الله جميل يحب الجمال

وان الجمال حاجه حلوه اوى فى المراه وحاجات كتير بتمدح فى الجمال

وبجد اتفق عليها بشد

بس هل الجمال كل حاجه

يعنى هو الاساس ان الانسان يعجب او يحب او يتشد ويرتبط بوحده وطبعا البنت نفس الحكايه اكيد لالالالا والف لالالا

ده من وجهة نظر ناس كتير مش انا بس حتى ناس قمه الجمال مش حقد ولا حاجه يعنى عشان نبقه على نور

انت مثلا اعجبت ببنت الجيران زميلتك اى حاجه عشان ايه هيقولوا عشان جمالها

عجبنى شكلها

بدات افكر فيها حبتها عاوز ارتبط بيها

طول النهار قاعد يبحلق فيها كل ده عشان حلوه

طيب وبعدين اتجوز

الصدمه

الجمال ده كان مخفى وراه واحده

ولا تعرف اى حاجه عن المسئوليه

ومستهتره

متعرفش الطبق من المعلقه فى البيت

يعنى فاشله بيت (وبجد ده حال معظم البنات مش كلهم اللى تلاقيهم واخدين بالهم اوى من نفسهم معتمدين على جمالهم تجربه شوفتها لبنت اتجوزت والله مش بنت واحده كذا واحده )

بالنسبه للمشاعر هى من طريق والرقه من طريق

الرقه دى بس كانت فى الظاهر والشياكه وكل حاجه وهى خارجه عروسه فى البيت الحمد لله مش نعرف نفرق بينها وبين المكنسه

يعنى بجد واحده ما كنت بتكلم معاها فى يوم هى اتجوزت كانت بجد قبل الجواز اللى يشوفها ملكه جمال مكياج ايه وشياكة ايه

اتجوزت شكله بلاش اتكلم مش عارفه ايه اللى فتح الموضوع قالتلى المكياج ده كان قبل الجواز بجد شكلها بقه مقرف

(((((( وبجد لكل قاعده شواذ مش كل البنات كده)))))))

غير كده الاخلاق

تلاقى البنت حلوه اوى وممكن متكنش بتحط مكياج ممكن وقدام الناس مش بتكلم ولاد خاااااالص

والحمد لله فى الواقع النت قايم بالواجب وطبعا انتم عارفين ولا مانع من تليفونات

طيب كده كل الظواهر يبقه المفروض الانسان يعمل ايه

فى مثل معرفش هو ينطبق هنا ولا لا بس انا حسيت انه ينفع

تعرف فلان اه عاشرته لا يبقه متعرفوش

يعنى فلانه شوفتها وبجد هتجنن عليها والبت واو وكل حاجه وخلاص هى فتاه احلامى

كل ده بنائا على ايه شكلها مظهرها

طيب ازى بجد

فين الاخلاق

التربيه الكويسه

الست اللى هتحافظ على بيتها واولادها

البنت اللى تكون كل مشاعرها وحياتها لبيتها وبس

كل ده لازم الانسان يدور عليه وبرده لازم البنت تدور عليه فى شريك حياتها مش تبص لشكله وجماله ومظهره

المشكله دلوقتى ان الحياه بقت غريبه جدا

كلا الطرفين بيدور على العينه اللى قولت عليها فوق

وفى الاخر نسبه الطلاق الله ينور

طيب فين الافاده عشان جمال شياكه

كل ده ممكن يكون موجود

حبه اهتمام هتكون شريكة حياتك او شريك حياتك ملك/ملكه جمال

بجد يا جماعه الجمال حلو وكل حاجه

بس قبل الجمال نشوف الحاجات التانيه الاهم وبجد والله العظيم وبثقه الجمال هتلاقيه موجود

بطرق كتير اولا اللى بيحب حد وبيحب روحه قبل شكله وبيحب شخصيه بيشوف انه هو كل حاجه وفى قمه الجمال

والشخص اللى بيحب ويتحب بجد بيغير فى نفسه وبيتعكس على نفسيته وبيظهر باحلى مظهر عشان يرضى غيره ويرضى نفسه

يعنى الجمال مش مشكله

وبسم الله ما شاء الله عمليات التجميل بقه عامله زى عمليه اللالوز

يعنى بلاش نتغر فى المظاهر ونشوف الشكل الخارجى وبس

وبرده فى الاخر فى بنات جمال وكويسين

وفى بنات مش جمال ومش كويسين

يعنى الحياه مش قاعده

وعشان مش نقع فى المطب

يبقه لازم نحط اساس معين فى الاختيار مش عشوائيه

بجد معرفش الجرائه دى جت منين ولا عارفه اتكلمت ازى

بس يلا استحملوا تخاريف امتحانات

وربنا يرزق بنات المسلمين جميعا بازواج صالحين

ورجال المسلمين جميعا بزوجات صالحات

نــــــــــــــور القلب