السلام عليكم :)

من زمان اووى مكتبتش حاجه هنا

وبقاالى كتير جدا مرسمتش حاجه .. ودى كانت حاجه مضايقانى اووى

وخاصة ان الرسم اكتر حاجه بحب اعملها واكتر حاجه ممكن تفرحنى او تطلع منى اللى جوايا ..

واخيرا ربنا كرم ورسمت تانى :) ,, دى محاوله للعوده لشويه الشخبطه اللى كنت بعملها ..

يارب تكون عجبتكم

كل سنه وانتوا طيبين ..ويارب السنه الجايه نكون على عرفات :)

سلام عليكم

يراودها احاسيس غريبه
فاحيانا تعشق الحياه
بكل صعابها
ويتولد داخلها طاقه عاليه من الاصرار والتفائل والامل
للتغلب ع اى شىء يكدر صفو حياتها
حتى ولو بمجرد ابتسامه تكسر نظره الحزن التى خلقة من اجلى عيناها
واحيانا
تغمض عيناها وتحلق بعيدا
وتطير لكى تصل الى السماء وتسبح ف الفضاء وسط النجوم والسحاب
وتبعد عن جميع البشر
فكم يروق لها هذا الحلم فانها تطمح الى الصفا
واحيانا اخر
تستسلم لليأس
والحزن الدفين داخل زوايا قلبها
وتنهار قواها ويتهدم الحصن التى تحاول جاهدت بناءه للتغلب ع الحياه
وتصبح كطائر كسير الجناح لا يقوى ع الطيران
ولا يجد من يساعده من اجل الحياه
او كطفل يتيم فى ليله ظلماء شديده البروده وحيدا
ولا يجد يدى حانيه تربط ع ظهره لتشعره ولو بقليل من الامان
او اشبه لجبل انهار تماما
فاصبح الجميع يستفاد منه فقد فقده شموخه وكبريائه من اجل الاخرين
فهذا الرجل ياخد منه الكثير والكثير لبناء حياته
وهذا الطفل يلهو ويلعب فوق حطامه
وهذا ينظر اليه نظرة شفقه على ما كان فى الامس وماذا اصبح اليوم
وهذا وهذا الجميع ياخدونا منه فقط
فبعد ان كان جبلا شامخا صامدا اصبح مجرد
اداء لمساعدة الاخرين
فكم اجدها تشبه هذا الجبل كثيرا
واحيانا اخرى
اشعر انها اشبه للقمر فى وحدته
فهو يضىء للجميع حياتهم
ويشهد على قصص عشاقهم
ويشكو له هذا وتبكى له هذه
ولكن لا احد يعرف ما بداخله
فالجميع يرا الوجه المضىء له
ولا يرون ما بداخله من ظلام دامس
ووحده قاتله
فانه يسمع ويسمع ويسمع احزان والم الاخرين
ولكنه لا يتكلم ابدا .

كم هما متطابقان

لكنها ف صراع دائما لا تعرف ماذا تريد ولا ماذا تفعل

هل هناك امل ام هناك المزيد من الالم

فانها اصبحت مسيره وليس مخيره
كم اشفق ع تلك الفتاه
فقد اوشك قلبها ع الرحيل
فانها اعتادت ان تضحك ف اشد اللحظات حزنا
وان تعطى وهى ف امس الحاجه ان تاخذ
وان تسامح وهى ف اصعب لحظات الجرح
وان تتغاضه عن احزانها والمها وان تحطم بيدها كبريائها
وان تظل تعطى وتبتسم وتسامح
فالاستسلام هو الحل الوحيد
فشكواها لن يسمعها احد ولا يهتم لامرها بشر
فماذا تفيد الشكوى ان لم تجد من يسمعها والاهم ان يشعر بها

نور القلب

السلام عليكم ورحمه الله وبركاته

قبل ما ابدا الموضوع بليز اوعدنى ايوه اوعدنى

انك تقرا للاخر بالله عليك يلا اوعدنى شاطر

وحقك ف الوعد ده لو الموضوع مش عجبك اعمل اللى انت عاوزه فيا

مع انك مش هتقدر لانى واثقه انه هيعجبك :D

اه عارفه انى رخمه سمعاك وانت بتقول

يلا بينا

رساله الى كل............

رساله الى كل حزين

الى كل مكتئب

الى كل فاقد امل

الى كل متشائم

الى كل مخدوع

الى كل الناس

ابتسم

بقولك ابتسم

لا دلوقتى

اه دلوقتى يلا ابتسم

بالله عليك يا شيخ ابتسم

ابتسمت ايوه كده شاطر

نتكلم بقه انت حزين ليه؟

ليه ؟

قول معلش عشان مش سامعه ايه قول تانى كده

اهااااااااااااا

صاحبك خانك !!! تؤ تؤ يا حرام

مش لاقى شغل !!! لا حول ولا قوة الا بالله

حبيبك باعك !!! هتعيش ازى يا عينى

مش معاك فلوس فقير ومش عارف تعيش !!!! لا انت بجد عيشتك صعبه اوى كان الله ف عونك

فاشل ف حياتك وف علاقاتك وحتى ف دراستك !!!! ايه ده يا بنى خد اسم الدكتور النفسى ده احسن

بتحب الحزن واتعودت عليه خلاص وحابه لان مفيش حاجه اصلا تفرح !!! لالالالالالالا ده انت حالتك صعبه اوى

والخ والخ الخ .......... ويا عينى انت غلبان وضايع ف النص

مش ده اللى بنقوله لنفسنا والناس بتقوله لينا

بس لالالالالالالالالالالالالا

لازم تقول لا

هتقول ايه البت العبيطه دى شكلها رايقه وجايه تصدع دماغنا

ما هى مفيش حاجه منكده عليها عيشتها زينا

ههههههههههههههههههههههههههههههههه

ايوه بضحك

تصدق انى مش هقول اكتر واحده قابله حاجات ف حياتها وحشه

هقول حاجه واحده بس من ضمن الحاجات الكتير دى

شخص فقد امه ياتره يستحق يكون حزين ولا لاء

احكم انت

شخص مفيش شغل مفيش ارتباط مفيش اى حاجه غير قاعدة البيت

احكم انت

شخص يمكن تكون الفتره دى اصعب فترات حياته والمفروض انه يمر بحاله اكتئاب

ههههههههههههههه

وبرده بيضحك اه اه

انا الشخص ده

شوفت ازى وف حاجات كتير لسه بس كفايه عشان الرقابه ;)

بهزر احسن حد يفهم غلط

بس بجد لالالالالالالالالالازم نفرح وننسه الحزن خالص

مش عشان هبل ولا كلام برامج والدكاتره النفسين والحاجات الهبل دى

لا لالالالالا خالص

طيب تسمحلى بسؤال

انت لسه باقى ف عمرك قد ايه

ايه

ايوه شاطر الاعمار بيد الله

يعنى انت وانا وهو وهى اه انتى اللى بتقراى

محدش فينا عارف هيموت امته

يعنى ممكن اموت حالا وانا بكتب يبقه ليه احزن

ليه مش افرح

اعيش الدنيا

ابتسم واخلى اللى حواليا يفرحوا

فقدت شخص عزيز عليك

فكر لو هو فعلا يستحق

اذا مش هيحب يشوفك حزين

اذا ابتسم

ولو مش يستحق

نعمل ايه برده نبتسم

لانه مش يستاهل ولو لحظه من حياتنا نضيعها حزن عليه

عاوزه تحب تتجوز تكون اسره ومش عارفابتسم

لان حزنك مش هيعمل كل ده ابتسامتك رضاك تفائلك هيعمل الحاجات الحلوه

دى فاشل ف حياتك ومش عارفه تعمل ايه ابتسم

واقف تانى وجرب تانى وتالت ورابع هتنجح اكيد ف مره من المرات دى

لان الحزن مش هيعمل جديد ف حياتك الا انه هيزودها فشل لو عاوزه انت حر يا سيدى

صاحبك خانك كويس جدااااااااااا

تجربه واتعلمنا منها امال هنتعلم منين ما من الحياه والتجارب دى عشان المره الجاى تفكر تختار صاحبك كويس

واكيد هيكون افضل

بجد الحياه قصيره اوى والحزن بيقصرها ااكتر

طيب جرب كده افرح يوم واحزن يوم وشوف فين الفرق

اليوم السعيد حلو اوى

وبالتالى كل الناس نفسها فيه

عمرك شوفت واحد بيقول نفسى اعيش يوم حزين

اكيد لا الكل بيقول نفسى اعيش يوم سعيد

طيب ما هو قدامك اهوه

وانت عايشه ايوه النهارده

انت ضامن تعيش بكره

طيب يلا عيش النهارده بسعاده يمكن بكره مش يجى وبتالى تموت من غير ما تعيش اسعد يوم ف حياتك

طيب عمرك شوفت ناس بتحب تقعد مع شخص حزين حتى لو مين

اوك هيقعد النهارده بكره بعده شهر اتنين بعدين هيمل محدش بيحب الحزن والكل هيبعد عنك

وهتفضل قاعد لوحدك مش لانهم اندال لا

لان الحزن وحش جرب كده تكون سعيد هتلاقى كل الناس معاك بتفرح معاك هتحس بتغير ف حياتك حركه حب حياه تانيه خالص

جرب انت بس وبطل رخامه هتقول كل ده ازى

هقولك انا متخفش

معايا حل لكل حاجه

قوم دلوقتى اطنط ع السرير

افرح غنى ارقص

فكر ف كل حاجه حلوكل ما تيجى حاجه وحشه ع دماغك

حد خانك حد خدعك

عدم نجاحك

الحاجات دى كلها

قول لالالالالالابصوت عالى

اه كلم نفسك

قول انا هكون احسن انا هعيش من غير الخاين

انا هنجح

انا هشتغل

انا هنتج

انا هخلى كل الناس تفرح تبتسم

قول الكلام ده بصوت عالى

اقنع نفسك حتى لو بالكلام هتلاقى الفعل جه لوحده

هات طفل قضى معه يوم

شوف ضحتكه برائته

شوف الصفا اللى هو في

ه صمم تكون زيه مبسوط فرحان وبتنجز كمان

انت كنت زيه فعلا بس شوهت الصوره دى بحزنك

امسح الحزن ده وارجع زيه

غير الاغانى الحزينه اللى بتسمعها شغل اغانى مفرحه

هتفرق جامد كل ما تشوف حد ابتسم ف وشه ضيف السعاده ع كل اللى حواليك

بجد افرح الحزن وحش اوى

الفرح بيساعد ع النجاح

مش انت عاوز تنجح

طيب افرح

مش انت عاوز تنسه اللى خانك

افرح وابتسم عشان تقهره

مش انت عاوز تكون غنى

افرح وابتسم عشان ترضى بحالك

وتفكر ف مستقبل

كوهتبقه غنى انت لسه قاعد حزين

مش تضايقنى بقه

ايوه اضحك

قوم يلا الثانيه دى اطنط

غنى

اضحك

قول من جواك بحب الحياه

وهزم كل اللى ضايقنى

هكون شخص تانى مش هعيش وحيد

هطلع من الضلمه عشان اشوف احلى نور

اه كل نهار بيحى وراه ليل بس الليل فيه قمر جميل كون انت القمر ده نور ليل حياتك

وكل ليل بيجى ورا نهار

وبيكون ف شمس كون انت الشمس دى وضيف الدفء لحياتك والنشاط والحيويه

مش كلام والله مش كلام

كل لما تيجى تحس انك خلاص ها هتعيط هتزعل هتفتكر حاجه وحشه

هز راسك اوى

ايوه كده بالظبط

وقول انا لازم اتغير حتى لو لمجرد انى اجرب حياة السعاده بتكون ازى

اه ولو عاوز تضحك ابقه افتكرنى

ايوه

انا المجنونه

مجنونه بافكارى

جنن افكارك

وانت هتفرح

انت وعدتنى فوق انك تقرا للاخر ياتره وصلت للاخر ولا لا

ده وعد وانت حر بقه قدام ربنا

الرساله دى ليا قبل ما تكون لى اى شخص

ويلا ننطلق نشوف افكارنا المجنونه هتودينا فين
ملحوظه
عارفه ان الموضوع طويل وده غصب عنى
وبجد معرفش حد هيتقبله ولا لا
هيستفاد منه ولا لا
كل اللى بطلبه محدش يكرهنى محدش يسترخمنى
دى افكار ولكل شخص افكار للاخر حق الموافق او الاعتراض عليها
بس بلاش كره :)

اختكم المجنونه

نــــــور القلب

السلام عليكم ورحمه الله وبركاته

ازيكم يا جماعه عاملين ايه امممم فى لحظه من لحظات تفكيرى العميق وانا راحه انام جه ف بالى السؤال اللى فوق ده

واللى هو ما هو الحب ؟؟؟!!

سؤال كل يوم بنسمعه وبنردده وبنجاوب عليه وبنساله وبنفكر فيه

بس المختلف المره دى لما جه ف بالى مش جه بالاجابه التقليديه ولا الكلام الجميل اللى كلنا عارفينه واللى طول عمرى لما بتسال السؤال ده بجاوب بيه

المره دى جالى بطريقه عجيبه وغريبه اوى

مش هطول عليكم

المره دى لما سالت نفسى السؤال ده جاوبت الاجابه دى وهى متلخصه ف مثالين

مثال1

شبهته بانسان جعاااااااان جدا بقاله فتره مش اكل وفجاه حد حط قدامه احلى اكله بيحبها وشكلها لذيذ جدا بس حطها قدامه بكميه كبيره وربما تكون فيها بعد الجراثيم او تكون مش كويسه

بس لانه جعان هى ف نظره اجمل حاجه انقض عليها واقعد ياكل ياكل ياكل حتى لو شبع هيفضل ياكل لغايه ما الاكله اللذيذه دى تخلص

كل ده بدون تفكير منه عن اى اضرار موجوده ف الاكله او اى الم ممكن يحصله بعد لما الاكله تخلص هو استمتع بيها ف الوقت ده وكانت احلى حاجه ف حياته لانها اشبعت جوعه وعقله كان متوقف عن اى حاجه تانيه

الحب ف نظرى كده طول ما الانسان فيه مش بيفكر خالص غير انه بيستمتع وبس دون النظر الى اى الم بعدين

مثال2

لما يكون انسان تعبان اوى ومرهق وفجاه بيفتح التليفزيون لاقى فيلم تحففففففففففه بمعنى الكلمه بيحبه اوى نسه تعبه وارهاقه وقعد يتفرج مهما تكون مدة الفيلم ده ومهما يكون مدى ارهاقه نسه كل ده واستمتع بالفيلم وبس متناسيا انه لما يخلص الفيلم ارهاقه مش هيكون خف بل هيكون زااد لانه حمل نفسه فوق طاقتها وسهر والحاجات دى كلها بس وقتها هو كان مستمتع بالفيلم وبس

دول المثالين اللى جم ف بالى لما جيت اجاوب

وهو ده الحب اللى شافينه حوالينا بننسه نفسنا فيه

بس ف حاجه مفقوده ف الموضوع ومفقوده برده ف حياتنا قليل جدا اللى بيشوفها يمكن لانها مش متداوله ويمكن لاننا بقينا بنحاول نبعد وبس ويمكن ويمكن ويمكن وبسيط جدا اللى بيقدر يشوفها

وهى المثال التالت

وهو الحب الحلال حب الزواج

لما انسان يقرا قرآن لفتره طويله حتى ولو هو مرهق استمتع بالقرآن ف الفتره دى ومش حس بتعب وسبحان الله بعد لما خلص لسه الاستماع موجود مش شعر بالم ولا حاجه بل براحه نفسيه غريبه

او انسان وقف يصلى فتره طويله هو واقف تعبان وتالم كتيييير من الوقفه وكده بس روحه من جوه مرتاحه حاسس براحه غريبه وسبحان الله لما بيخلص نفس الراحه موجوده

دى التشبيهات اللى جت ع بالى

انا عارفه انها غريبه وعجيبه بس حسه انها صح

الحب الحلال ممكن نلاقى فيه صعوبه شويه ممكن يكون حاجه مش متداوله قدامنا مش كل الناس بتعملها ممكن نلاقى ناس كتير بتتفرج ع التليفزيون وناس بتاكل وده بقه شىء طبيعى بس بسيط لما نلاقى انسان بيقرا قرآن او بيصلى لفتره لله

هى نفس الحكايه الحب اللى مش بالزواج لاقينه حوالينا كتير ومتزين اوى ف وشنا ومفيش احلى منه بس للاسف معظه بينتهى بالم بس مش بيكون واضح وقتها غير للى جربه (وطبعا لكل قاعده شواذ)

والحب الحلال بيكون مش حوالينا كتير بس بينتهى بسعاده

انا هنا مش بقارن الحب الحلال والحب الحرام اطلاقا

انا لما جه المثالين اللى ف الاول ع بالى قولت مش معقول يكون الحب كله وحش كده مش معقول ان فعلا الحب كل مره ينتهى كده اكيد ف حب بيستمر

حب طاهر وجه ف بالى ع طول مثال حب الزواج اللى ربنا وثقه من سابع سماء

وزى ما قولت مش مقارنه ولا عاوزه اتكلم عن حلال وحرام دى مجرد افكار مجنونه جت فى دماغى معرفش حتى ايه سببهاا فقولت اكتبها

فلسفه غريبه من انسانه عجيبه ضيعة ع نفسها نومة العصر عشان سؤال مجنون

ملحوظه للناس اللى مش اخدت بالها الجزء المفقود مكتوب بالاسود

Noor EL2alb

السلام عليكم ورحمه الله وبركاته

كلنا نفسنا نقول الكلمه دى انا حره /انا حر
دايما ف مشكله ف حياتنا هى الناس ونظرة الناس لينا
والقيود اللى ف حياتنا والحريه اللى بنوهم نفسنا انها عندنا بس
لو ركزنا شويه هنلاقى لا والله كلنا جزء من حريتنا اذا لم تكن كلها مسلوبه
سواء بارادتنا او غصب عننا
اللى يقول مش بيعمل حساب الناس اقوله ركز اوى كده ف حياتك هتلاقى الناس هى اللى ممشيه حياتك لانك بتعمل عشان الناس هتشوف ايه.. مش عشان انت حابب ايه
وفعلا دى مشكله الناس مش عندهم غير الكلام
كله بيتكلم ع كله
كله بيراقب كله
كله بينتقد كله
كل خطوه بنخطوها بنعمل حساب الناس ولو مش عملنا الناس التانيه تقولنا اعملوا حساب الناس
لبسنا لازم الناس
اتكلمنا
مشينا قعدنا
حبينا كرهنا
اى تصرف حتى التنفس بنتحاسب عليه من الناس
انا نفسى اكون حررررررررررره
اكون ع طبيعتى
انا بعمل كده لان انا كده
مش عشان خاطر الناس
البس اللى البسه لانه عاحبنى مش عشان عاجب الناس
امشى بالطريقه دى عشان الناس
اكلم ده واسيب ده عشان الناس
احب اكره عشان الناس
لالالالالالالالالالالالالالالالا
عاوزه اكون انا اكون عشانى انا مش عشان الناس
الناس مش بترحم حد لو عملنا قرود نفس الحكايه
وابسط مثال قصه جحا
بتهايلى مفيش احتمالات كان ممكن جحا يعملها ومش عملها وبرده ف الاخر الناس معجبهاش حاجه
اكيد مش هنقدر نرضى كل الناس
واكيد مش هنختار ناس نمشى ف وسطهم وناس لا احنا ماشين مع كل الاصناف
اذا نرضى نفسنا وربنا وبس
اعمل اى حاجه انا عاوزها
بدل مش هعصى ربنا ولا هاذى حد بحريتى دى
نفسى اخطو الخطوه دى تجاه الحريه
نفسى اقف واقول لالالالالالا انا حره
انا كده وهفضل كده مش هعمل حاجه عشانكم
مش هخاف من حاجه عشانكم
مش هفضل ماسكه ف تقاليد وعادات مش عاحبه الناس وهما اللى عملوها
عاوزه اعمل تقاليد وعادات بتاعتى انا ترضينى وترضى ربى انا
مش بعملها عشان ارضى الناس
امثال كتير ف حياتنا ممكن يوصلوا لمرحله الاكتئاب بسبب الناس
يعنى العاطل مش عاطل باراداته غصب عنه وبرده خايف من كلام الناس
المطلقه ايه ذنبها وبرده كلام الناس مش سايبها
العانس ده نصيب وبرده محدش بيسكت عنها
الوحش الحلو دى خلقة ربنا وبرده الناس بتعترض عليها
الغنى والفقير
الجاهل والمتعلم
التقى والشقى
كلها امثال وتناقضات ف حياتنا وبرده مش عاجبه الناس
نفسى نرفع شعار
انا حر ف افكارى
نحرر افكارنا من الناس
نسيب الناس ف حالهم عشان هما كمان يسبونا ف حالنا
نفكر ف مستقبلنا ف حاجه مفيده مش نظرة الناس
انا تعبت واكيد ناس زى كتير تعبت من نظرات الناس المتفحصه لكل تفصيله ف حياتنا
ف الشارع ف البيت/ الجامعه/ المدرسه/ حتى المسجد بتاع ربنا
عيون عيون عيون عيون
والسن شغاله
اتقوا الله وانا سوف اتقى الله
انا حــــــــــــــــــــــــــــــــــــــره ف افكارى
نـــــــور القلب

السلام عليكم ورحمه الله وبركاته

ازيكم يا جماعه عاملين ايه كل سنه وانتو طيبين

يااااااااه بقالنا زمان مش دخلنا هنا

وعارفه ان الدخله دى مش لذيذه للناس بس معلش بجد

معرفش حسيت انى عاوزه اتكلم شويه

حتى مش عارفه اكتب عنوان البوست ايه

بس بجد ف حاله غريبه بمر بيها من حوالى شهرين

حاسه ان انا مش انا

حاسه انى مش عايزه

حاسه بملل وانا مش عندى وقت اصلا فاضى

حاسه انى فاصله عن العالم الخارجى بضحك وبهزر وبعيط واحزن عادى بعمل كل حاجه زى البشر بس من جوه مش كده

حاسه انى بمثل

محتاره ع تايهه ع خايفه ع حاجات كتير حتى مش قادره احددها

ف وجبات كتير ف حياتى مقصره فيها حتى شهر رمضان اللى هو شهر العباده قصرت فيه اوووووووووووووووى وده اول مره تحصل

ومش مكسوفه وانا بقول يمكن اعاقب نفسى شويه وافوق

الشهر اللى كانت السنن والفروض وقيام الليل والقرءان والاذكار وكل حاجه حلوه بعملها فيه مش عملتها

بعمل حاجات بحس انها غلط بل متاكده بس بعملها

وحاجات عارفه انها صح ومش بعملها مش بارادتى والله غصب عنى حاسه ان ف حد تانى بيمشينى

مش مصدقين بجد حاسه ان ف حد تانى بيعمل الحاجات دى غصب عنى وانا ماشيه زى الاله

ف لحظه احس ان عندى تبلد ف الاحساس والمشاعر والدموع ف مواقف تستحق النزول مش بتنزل ابدا وده مش انا

حاسه انى مقيده قيود صعب فكها بجد انا عارفه انا بظهر طبيعيه وانا لما ابص ع تصرفاتى احس انى طبيعيه واللى يشوفنى يقول ما هى مش ف دماغها بس من جوايا معرفش ف ايه حاسه ان ضميرى هو اللى بيعمل كده بس مش قادره اسمع كلامه

حاسه انى بغير حياتى باكملها بتصروفاتى بعمل حاجات غريبه وعجيبه بحس ايه ده انا عملت كده ازى

حتى طريقه كلامى طريقه لبسى حاجات كتير غريبه بجد والله العظيم غريبه

بحس احيان كتير انى بااااااااااااااارده

واحيان اوصل لقمة عصبيتى بدون سبب

بحس ان راحتى ف القرب من ربنا بس والله العظيم ف حاجه بتشدنى مش بتخلينى اقرب نفسى نفسى مش قادره

بجد مش عارفه اوصل احساسى بس كل اللى عارفه اقوله

انا مش عارفه نفسى ولا مين اللى بيعمل كده ولا انا عاوزه ايه ولا مش عاوزه ايه ولا قادره اصلح الغلط ولا قادره اعمل الصح ولا قادره اكون طبيعيه ولا قادره احدد احساسى وشعورى ناحية الاشياء حاسه انى منومه مغناطسيا او عندى انفصام ف الشخصيه

بس بجد احساس مــــــــــــــــــــــــــــــــــــــــــــــــــــــــــــــــــــــــــــــــــــــــــــــــؤلم لابعد الحدود بجد مؤلم اوى لما تكون مش عارف انت مين ولا عاوز ايه

كل اللى محتاجه عاوزه احس بالامان وراحة البال نفسى احس بالاستقرار

ياااااااااااااارب انا مين

نــــــــور القــــــلب

:::

كل سنه وكل المسلمين بخير ان شاء الله

ورمضان كريم ع الجميع

اللهم تقبل صيامنا وقيامنا

نور القلب

لما تقوم الصبح لوحدك فايق اوى و فرحان ..

والدنيا بتاخدك بالحضن من غير لف ودوران ..

وإنه كمان مسموحلك تحلم وبدون استئذان ..

لما تحس بروحك طايرة وبتقرب منك ..

وقلبك رغم الحزن بيقولك مش زعلان منك ..

وانك لسه بتقدر تعشق والكلمه بتطلع سهله مش غصب عنك ..

وإن حياتك كلها تفرق عن كام ساعه فاتوا ..

وإن النقط السودا فى توبك اختفوا او ماتوا ..

وإنك حد مصالح روحه وبيحب حياته ..

إياك تسأل ليه وإزاى وتدور على تفسير

وامسك فيها بعمرك كله واوعى تسيبها تطير

اصلها حاله جميله جميله

ومبتحصلش كتير ..

بقلم :على سلامه

السلام عليكم ورحمه الله وبركاته

النهارده يوم مميز ف تاريخنا

النهارده الخميس 22/7/2010

هو نهايه مشوار طويل كان عمره 15 سنه ف التعليم

النهارده خلاص اصبحنا احرار حصلنا ع لقب

خريجة حاسبات ومعلومات

النهارده اتخرجنااااااااااااااااااااااااااااااااااااا والحمد لله

الف حمد وشكر ليك يارب

والحمد لله اتخرجنا كلنا بامتياز ف المشروع

والحمد لله انا اتخرجت بتقدير عام جيد جدا زى ما كان نفسى

انا لغايه دلوقتى مش مصدقه انى حره عارفين يعنى ايه حرررررررررررررررره

هشوف مستقبلى زى ما انا عايزه

عمرى ما هنسه اليوم ده اللى طول عمرى بحلم بيه

والف مبروك ليا ولاحلى اصحاب ف الدنيا كلها

مبروك ع التخرج يا بنات

ويارب نكمل حياتنا بسعاده وافرح بيكم بقه بعريس الغفله وطبعا تفرحوا بيا

والناجح يرفع ايده

اول مره احس بمعنى الاغنيه دى اوى بعد الثانويه العامه كل واحد يشغلها ويفرح لان الاحساس ده مش هيتكرر تانى

اهدااااااااااااااااء

وبجد مش قصدى نكد بس انا بهدى نجاحى لامى كان نفسى تعيشى وتشوفنى متخرجه وهى كان نفسها برده

بحبك يا امى وبهديكى نجاحى يارب تكونى حاسه بيا ويارب اكون قدرت اوفى بوعدى واكون فرحتك

بحبببببببببببببببببببببببببببببببببببببببببببببك ووحشتينى وانا اهوه اتخرجت والحمد لله

نور القلب

17-7-2010

اليوم دا بجد عمرنا ماهننساه .. يوم مناقشه مشروع التخرج بتاعنا :)

كان يوم متعب جدااا وجامد جدا جدااا

يعتبر من الايام الحلوة القليله اللى عشتها فى الكليه

الحمدلله اليوم عدا على خير ..وباحسن من اللى كنا متوقعينه

وربنا ماضيعش تعب حد فينا ابدآ

ناقشنا المشروع والكل كان مبسوط جدااا بالشغل والمجهود اللى اتعمل فيه

وفرحنا اووى لما دكتور حازم طلع وقالنا انتوا احسن مجموعه قدمت ومشروعكوا كان ممتع :)

الحمدلله عدت على خير ..

فى الاخر عايزة اقول شكراا لكل التيم بتاعنا

بشمهندس وليد.. بشمهندس محمد

ايمان رنا دعاء

ساره ساره يسرا سمر حنان امانى مى ناهد

.. اتمنى ماكونش عملت حاجه ضايقت حد منكم

او اكون قصرت فى اى حاجه اتطلبت منى

واتمنى ان اننا نفتكر بعض دايما بذكرى حلوة ..ونشوف بعض على خير :)

سلام عليكم

ازيكم جميعا عاملين ايه ..

يارب تكونوا كويسين .. وللاجازة مستنيين .. وفى الامتحانات معديين .. ويارب ماتكونوا ابدا متنكديين

خلاص باقى من الزمن يوم واحد .. يوم واحد ..وتخلص اخر امتحانات.. وتبدأ مرحلة تانيه فى حياتنا ان شاء الله ..

وبغض النظر عن انى بجد مش مصدقه ان خلاص كلها كام يوم وهنتخرج ..

بس حقيقى كانت احلى ايام حياتى .. واحلى ناس شوفتهم

كل حد منكم بجد علمنى حاجه من غير مايحس ..اثرت فيا اووى واثرت فى شخصيتى

احلى واجدع صحاب عمرى بجد ..

ياااااارب نفضل دايما فاكرييين بعض ونتقابل دايما على خير

وكل واحد ينجح فى حياته ويحقق احلامه

وياارب تكون دى البدايه لايام افضل ..

وياارب اسكت بقى عشان هاعيط ..

من الغباء بل من قمة قمة الغباء

ان نحاسب الناس قبل ان نحاسب انفسنا

ده الاسلام بيقول

حاسب نفسك قبل ان تحاسب

انا بقول عيب عليك لكل شخص

يتتبع عيوب الاخرين لان هيجى يوم واحد يتتبع عيوبك

الاسلام قال (كم تدين تدان)

عيب عليك

لاى شخص ينتقض الاخرين ولا ينتقض نفسه اولا

عيب عليك

لاى شخص يحاكم الناس ع اخطائهم ويفعلها هو

عيب عليك

لاى شخص يتتدخل ف حياة اخرين

لان من تتدخل فيما لا يعنه سمع ما لا يرضيه

عيب عليك

لاى شخص يهين الاخرين تحت قناع النصيحه

فسياتى غدا من يهينك تحت نفس القناع ايضا

عيب عليك

لاى شخص يقلل من شأن الاخرين ومن افكارهم واحاسيسهم

لان سياتى غدا من يقلل من شانك وتتجرع من نفس الكأس

عيب عليك

لاى شخص يسىء الظن بالاخرين ويحكم عليهم بدون وجه حق (ان بعض الظن اثم)

لان سياتى من يظلمك ولا تجد من يقف بجانبك

عيب عليك

لاى شخص يتبع اسلوب (التلأيح) لان سياتى يوم يحدث معك نفس الاسلوب

فان كنت عاتبا او ناصحا لشخص ما اذهب له بمفرده وتكلم معه قد تكون مخطا ف حكمك

عيب عليك

لاى شخص يظن انه هو الطاهر العفيف الخالى من الاخطاء ومتفرغ لاخطاء الاخرين

عيب عليك

لاى شخص يعتقد ان نجاحه ف الحياه العلميه و العمليه تغنيه عن نجاحه ف الحياه الاجتماعيه وتعامله مع الاخرين

عيب عليك

لاى شخص يفرض قيود ع اراء وافكار الاخرين وحريتهم الشخصه ف التعبير عن ذاتهم

لان ليس جميع الناس نفس الاسلوب فكلا منا له شخصيته وحياته له كل الحريه ان يعبر عنهم كيفما يريد طالما لم يتعدى ع حريتك

عيب عليك

لاى شخص رسم دمعت حزن او اغضب شخص ما بدون وجه حق

عيب وعيب وعيب

فهناك اشياء كثيره تفعلها ف الاخرين لو وضعت نفسك مكانهم لندمت ع ما فعلت

اقول لك ف النهايه انك اغبى الاغبياءاذا لما تستيقظ من غفلتك

وان ترجع الى دينك الاسلامى وتتبع مناهجه ف التعامل مع الناس.

ولا تكون سبب ف ان تهلك نفسك لان دعوة المظلوم سهما صائبا

نور القلب

السلام عليكم ورحمه الله وبركاته

انا لا اعلم ماذا ساكتب او لماذا ساكتب

فكل الذى اعرفه انى اشتقت ان اكتب وان اعبر عن جزء من داخلى

بدون تفكير

بعد كبت دام شهور

وخصوص بعد افظع وابشع حدث ف حياتى

فمنذ ذلك الوقت وانا لا اتكلم ولا اكتب ولا اى شىء سوا اننى احى فقط

احى من اجل الاستمرار حتى ياتى وقتا وتنتهى رسالتى انا ايضا مثل ما انتهت رسالتها

فانا اشعر انى تائهه

اشتاق اليها كثيرااااااااااا

افتقد ابتسامتها الحنونه

ضمتها العطوفه

نصائحها الحكيمه

قوتها فى حمايتى وخوفها على

احساسها بى

المها من اجلى

فعندما ابكى هى تبكى

وعندما افرح هى تفرح

فكم شعرت بالحزن والاسى لما اشعر بهم من قبل حين اخذت نتيجه الترم الاول فلم اشعر بفرح مثل فرحتها ولا اهتمام احد مثل اهتمامها

فانا ابكى دائما ع فراقها عندما احتاج اليها لكى تدعمنى ولا اجدها بجوارى

عندما اتالم ولا اجد من يسهر من اجلى

عندما اشعر انى مختلفه عن الاخرين ولا اعيش سنى الطبيعى

عندما تزداد المسئوليه على وقد تطغى ع متطلباتى الخاصه ولااتكلم

فكم انا مشتاقه اليها الان اشتياق لا يوصف

احتاج لمسه واحده منها لكى امحو كل هذه الالم

فانا دايما افعل ما تريد اضحك وانا داخلى حزن رهيب لانها كانت تحبنى مبتسما

ادرس لانها كانت تحبنى ناجحه

فلما هى لا تفعل ما اريد بانى اراها ولو لمره واحده فى احلامى

فانا تمر بى ايام فرح وايام حزن كاى انسان عادى لكن المشترك فى تلك الايام والمختلف عن اى شخص عادى

انى دائما اشعر بفقد شىء ما

اشعر بفجوه داخل قلبى

تجعلنى اشعر باحاسيس مؤلمه ما سببها لا اعرف

اشعر بنغزه فى قلبى تكاد تدمره دون مبالغه حقا

ولكنى اسعى ان اكون افضل حتى احى حياه بسيطه دون المزيد من العذاب

لا اعرف لماذا كتبت تلك الكلمات ولكن هذا ما اشعر به الان ولا اريد ان ازيف ف شعورى

لان من المفترض انى كنت سوف اكتب موضوع قريبا عن الحياه بطبيعيه كامله دون نفاق ورسم شخصيات

لانى وجدت ان تلك حياه رائعه وبسيطه وها انا اكتب ما اشعر به دون تفكير بتجميل كلماتى واحاسيسى

فمهما كبرنا وتفرقنا واخذتنا الحياه وشعرنا بالمسؤليه تبقى المشاعر والاحاسيس جزء منا يجب الرجوع اليه حتى نقدر ع الاستمرار

نور القلب

 Love You Ya ToOoTy :*:*

زارنا رجل من فلسطين ..

فجلس على الطين ..

فقلنا اجلس على السرير ..

قال كيف اجلس على السرير والقدس اسير ..

اسير بإيدى اخوان القردة والخنازير ..

قلنا فهل عندك من القدس خطاب ؟

قال معى من القدس سؤال يريد الجواب 

اين الرجال ؟..

اين احفاد خالد وسعد وبلال ..

اين حفاظ سورة التوبة والانفال ..

اين ابطال القتال ..

اين اسود النزال ..

قلنا هؤلاء ماتوا من زمان 

وخلت منهم الاوطان 

وخلف من بعدهم خلف هممهم ضعيفه 

واهتماماتهم سخيفه ..واحلامهم خفيفه

قال لماذا تغير الاباء على الابناء ؟

قلنا الاباء كانت بيوتهم المساجد

مابين راكع وساجد ..وخاشع وعابد 

وصائم ومجاهد 

اما الابناء فبيوتهم المقاهى ..

مابين مغنى ولاهى ..

ومن بماله يباهى ..

ومنهم من وقع فى الذنوب والدواهى ..

الا من رحمه الهى !!

كنا اسودا ملوك الارض ترهبنا ..

والان اصبح فأر الدار نخشاه !!

قلنا سلم لنا على القدس

وقل نفديك بالنفس

وقل له متى العوده الينا والسلام علينا ؟

قال

اذا عدتم الى الله عدنا ... واذا بعدتم عنه بعدنا 

السلام عليكم ورحمه الله وبركاته
الموضوع النهارده رساله
وياريت محدش يتحسس منها لان ده حق والحق مفهوش زعل
اولا نعم نحن فى عالم النت ونعم بنات ونعم من المتوقع حدوث اى لبس او سوء فهم
ولكن الصح ان كل شخص يبنى شخصيته اللى الناس تحترمها حتى لو فى اكتر مكان بيحصل فيه غلط
كل الموضوع
ياريت ان اللى يزور البلوج يحترم اراء وافكار ومبادىء اصحابه
اولا من الاحترام ان شخص لا نعرفه ولا يعرفنا حتى لو نفس الكليه ونفس السن
ولكن لا يقرب لنا شىء
يضع حدود للكلام معانا
فمثلا مفيش حاجه اسمها ايمان وراويه وياسمين ....... وكده يعنى
اولا دى مش اسماءنا على البلوج
يعنى لما بنوقع على الموضوع بيكون
مثلا نور القلب
بيرى
كده يعنى
ثانيا حتى لو حد حب يكلمنا باسمائنا
بيقول بشمهندسه
احترام ..وكمان تجنب لسوء الفهم
فنحن وصلنا لسن ومرحله يجب ان يكون فيها عقولنا بلغت من النضوج والفهم والعقلانيه ما يكفى
ان نعرف كيف نتكلم وكيف نحترم الاشخاص الاخرين
فلا داعى ان املى على الناس كيف تتعامل وكيف تحترم مبادىء وافكار الاخرين
فانا
لم اخف وانا اكتب هذه الرساله
وفضلت كتابتها
عن مسح تعليق ضايقنى (وتم الرد فعلا على هذا التعليق)
او عمل البلوج بريفت
لان هذا يسمى هروب وانا لا احب الهروب
طالما دخلت عالما ومكانا يجب ان اكون على قدر كافى من الوعى والعقلانيه التى تجعلنى
امسك بزمام جميع الامور فيه
فلو مسحت تعليق ضايقنى سيتكرر وهذا ما حدث
ظنا من الاخرين اننا نتساهل
انما نحن لا نتساهل قط نحن نعطى فرص
ونحن نثق فى احترامنا لانفسنا
واحترام الاخرين لنا
ولكن يوجد فى كل مكان اصحاب العقول والقلوب المريضه
ولذلك كان يجب ان اقف هذه الوقفه حتى يعلم كل شخص ما هى حدوده
وان يحترم هذا المكان ويحترم اصحابه
نعم نحن 5 بنات بخمس شخصيات مختلفه او متفقه لا تفرق
ولكن الذى نتفق فيه هو احترام البنت لذاتها ومن خلاله احترام الاخرين لها
كل واحده منا لها حدود تضعها فى تعاملها مع الاخرين
ولكن المشترك هو اننا لا نسمح بالغلط مهما كان 
هذا البلوج يوجد لها مبادىء وافكار ليس بالصعبه
ولكنها تراعى حدود الله اولا
وثانيا تراعى احترام البنت لذاتها ولاهلها والمجتمع الذى تحيى فيه
فلا نسمح لاى شخص ان يتخطى هذه الحدود ولو بخطوه واحده
ومن يريد ان يلهو فلا مكان له هنا فهناك اماكن كثيره للهو ويوجد بها اشخاص اكثر تلهو معهم
وليس هنا ولن يكن هنا فى يوم من الايام مكان لاشخاص ............
السلام عليكم
نــور القلب

تركتنى وحيده ورحلت تاركه ورائها بقايه انسانه جسد بلا روح ابتسامه بلا امل ضحكه بلا فرح
رحلت دون موعد للقاء اخر دون امل فى ضمه اخره او همسه حنونه
رحلت لعالم اخر عالم لا استطيع رؤيتها او سماعها فيه
رحلت
فبرحيلها تمزقت كل اوصالى وتقتطعت اجزائى
فعند خروج روحها لفظت روحى كل معانى الحب والامان والحنان والاخلاص والوفاء والعطاء والتضحيه
فبرحيلها فقدت الصدر الحنون والعين الساهره واللسان الداعى والقلب المحب فبفقد امى فقدت ذاتى وكيانى
فمنذ رحيلها وانا اكتم داخل صدرى صرخه الم وحزن وحرمان وشوق لا تجرىء على الخروج لان لاحد سيسمعها مهما علت ودوت لان التى كانت تشعر بها من قبل ان اطلقها رحلت وتركتنى اصارع الحياه ومشاكلها
فان يوم 8/2/2010 من اصعب الايام بل هو اصعب اصعب يوم فى حياتى على الاطلاق
ففى تمام الساعه الواحده ظهرا لفظت امى غاليتى انفاسها الاخيره مودعه الحياه بشهادة ان لا اله الا الله وان محمد رسول الله
وابتسامه جميله تنير وجهها المحبب الى قلبى رحلت وهى تحمل فى قلبها ما يكفى من القلق والخوف على
على ابنتها الوحيده ودلوعتها
وتركت فى قلبى ما يكفى من الشوق والوحشه والخوف والحزن والالم على رحيلها
فبرحيلها تغيرت كل الحقائق فى حياتى اصبحت مسئوله عن اسره كامله بمفردى دون اب او ام وانا فى 21 من عمرى
اصبحت طفله صغيره فى صحراء مليئه بالوحوش دون احد يحميها او يحنو عليها او يتذكرها
لان مهما قابله من حنان اخ او اب او اهله لا يقارن بحنان الام فالام تشعر قبل ما نشعر تعطى قبل ما نطلب تمنح الامان قبل ما نشعر بالخوف
لقد اشتقت اليكى يا امى شوق لا تطفىء ناره بحار العالم ولا امطار الكون شوق يسعر فى قلبى وينهش فى احشائى .
اشتقت لحضنك الحنون ولو للحظات.
اريدك يا امى بشده لماذا رحلتى وتركتينى وحيده فانا الى الان لا اصدق ما حدث ولا اريد ان اصدق
اشتقت اليك بجنووووووووووووووووون

ملحوظه
انى احتسب امى عند الله ويارب تكون من اهل الجنه ولكن الم الفراق هو ما يشعل فى قلب اى انسان نار الشوق
فكافى انى اكتم عبراتى واحزانى فى قلبى حتى لا اعذبها بدموعى
ولكن قلبى لا يتوقف لحظه عن البكاء وشوق لها والدعاء لها بالرحمه
فعذرا على كلماتى ولكنها تعبر عن القليل فقط القليل من الاحاسيس التى بداخلى

عاشقة امها
نور القلب

Alslam 3alikom :)

ezayko game3an ,,3amleen eh

yarab tkono tmam

kol agaza 5elst wento taybeen..

w kol mashroo3 w ento taybeen..

w happy valentine to all of you...

w 3shan kol el monasbat el" sa3eeeeeda "dy

qrarna n3`ayar el theme :D

ana b3sha2 el loon da :x

w kal3ada b3d kol term lazem yeb2a fe post rasm

dool kam rasma rasmt-hom mn fatra

yarab t3gebko w ashoof ara2kom

w yarab matkonosh zhe2to mny w mn rasmy :(

sorry for franco ,, Gehazy bystabel

HapPy valentine :)

salaaaaaaaaam

السلام عليكم

انتقلت الي رحمه الله تعالي صباح اليوم

والدة البشمهندسه

ايمان عبد الهادى 

نور القلب

نسأل الله سبحانه و تعالى لها المغفره و الرحمه و ان يجعل مثواها الجنه

اللهم ثبت اهلها والهمهم الصبر 

وإنا لله وإنا إليه راجعـــــون 

البقاء لله 
ُ

It's our day of every year ,,,,,, our day to get happy ,,,, remembering the idea of making our own page that can Collect 5 Girls loving each other alot ,,,, Collect 5 hearts full of love, happiness , Sadness , & optimism

Also Collect 5 Girls waiting their lovely friends to Give a comment
Even it's a little one knowing that also refers to their love ..


This day must be special to us ,,,, Even we won't do a gr8 party ,,, But I know that in our deep heart ,,, We r really celebrating ,,,,, Happily celebrating ,,,, Remembering all of our memories together ,, our jokes ,,, our fights ,, our acting Completely Stupid :D:D ,,, Our..... Alot alot alot of things that we did & already do together

Even those Words ,,, I feel speachless ,,, to make a copy of what my heart wants to say...!!!

Sorry If my words are little Confusing , But u all know that God didn't Give me the talent of writing :$:$ Thanks God anyway :D:D


Wanna Say my last words ,,,,,,, I just love U Girls .... Huge Batch of kisses to all of U (L)

May God keep us ...... " D-E-R-R-Y "
" A7la group "

NONYA

رحمتك يارب

فانا ليس لى سواك

يارب انت عالم بهمى وكربى

اسالك ان تشفى امى وتخفف همى وتزيح كربى

وتخفف عنها المها

والله عارفه ان ده خير منك وصابره

بس وجع الفراق بيقطع فى قلبى

حاسه ان فى جمرة نار مشتعله فى قلبى من جوه مش عارفه اطفيها

حاسه انى عامله زى انسان واحد بيخنقوا اووووووى ولا منه سايبه يموت ولا منه راحمه من الالم اللى فيه

او زى انسان هينزل فوق راسه وزن حديد

مصيبتى زى وزن الحديد كده

كل ما تقرب واحس انها خلاص هتنزل فوق دماغى

ترجع تبعد شويه واحس ان فى امل

بس لما بتقرب تانى بتكون زايده الضعف

لغايه ما فيوم هتنزل فوق راسى وتدمرها

ان مكنتش ادمرت من كتر الخوف والرعب

حاسه انى تايهه

مطلوب منى اكون صامده واخفف عن ده ودى

واكون المسئوله عن بيت كامل ومش ابين حزنى خالص

ده غير ضغط وتوتر الامتحانات

وفوق كل ده الخوف الرهيب من الفراق اللى كل شويه بيقرب

ومش لاقيه حد معايا

ساعات بكون هموت من الحزن والعياط بس مش لاقيه حد لان الحياه بتلهى الانسان

اللى هيخفف عنى النهارده بكره مش موجود

والوحيده اللى كانت معايا فى كل لحظه وبتحسى بيا على طول وهى امى دلوقتى بقيت مضطريه اضحك قدامها وانا بتقطع

معدتش قادره بتقطع وانا كل يوم اشوف بيظهر حاجه جديده فيها

كلام دكاتره يقطع القلب

الحاله متاخره

الاعمار بيدى الله

خلاص ربنا معاها

منقدرش نعمل حاجه هتفضل كده لغايه ما ربنا ياخد امانته

كلام يدمر اجمد قلب

معدش حاجه كويس الامل بينقطع واحده واحده

خايفه من الفراق اللى بقه على بعد خطوه واحده منى

صعبان عليا وانا بشوفها بتتوجع ومش قادره اعملها حاجه

يارب حياتى كلها بقه مفاجات

معدتش عارفه ايه اللى هيحصل ولا ايه اللى مش هيحصل اكون بحسب لحاجه حلوه تحصل

يحصل مكانها مصيبه او كارثه

اكون نايمه اصح على مرض وموت وخوف ورعب ومستشفيات

وكلام يقطع القلب

بحلم بكوابيس

معدتش حتى عارفه انام ولا عارفه

اصح لو نمت ساعه بكون عين نايمه وعين صاحيه عشان خايفه عليها ولما اغمض احلم بيها

ضحكت وضحكت 3 شهور ده غير 8 سنين من بدايه التعب عشان انسه واخفف عن نفسى وعن غيرى وعندى امل فى ربنا كتمت شكوتى فى قلبى

واى حاجه تفرح ولو بسيطه بضحكلها عشان اهزم الحزن

بس خلاص ياااااااااارب

صبرى نفذ محتاجه صبر جديد استحمل بيه اللى اصعب واللى انا داخله عليه

مستقبلى ممكن يروح فى ثانيه لو محضرتش الامتحانات

حياتى ممكن تضيع فى لحظه لما ماما تسبنى

مفيش ليا حد غيرها

يااااااااارب انا من غيرك ضايعه

يارب اشملنى برحمتك وكون جنبى والهمنى الصبر يااااااارب

وخفف عنها واشفيها يارب المها بيوجعنى

نفسى انسه اللى انا فيه نفسى ادخل فى غيبوبه مصحاش منها

او ارجع طفله مفهمش اللى بيحصل حواليا

ياااااااااااااارب

لا تجعلنى اقنت من رحمتك يااااااارب

يارب اعملى اللى فيه الخير

يارب اقدر استحمل اللى جاى

يارب بلاش الكل يكون عليا لانى مش قادره

يارب انا حزينه دلوقتى ببكى بدل الدموع دم وبضحك بسخريه على نفسى

على الايام اللى كنت بكون زعلانه فيها

او حزينه لان ايامها كانت حاجات تافهه بالنسبه للى انا فيه دلوقتى

بقول ياريتنى ما خسرت دموعى ويارتنى كنت عشت حياتى فى ضحك ولعب

بس للاسف قضتها حزن

ودلوقتى جالى الحزن الاقوى اللى مش هقدر اتحرر منه

مكنش فى اخت ودلوقتى ممكن ميكنش فى ام كمان

هيبقه فاضل ايه؟؟!!

بقايه انسانه

ياااااااااااارب رحمتك

نور القلب