a dream of returning back to this young girl ..

playing on the sands,,
building her dreams on it with these two hands,,
hanging some memories on the wall,,

collecting the pearls to make a wonderful necklace ,,
this girl that see the sea as if it were her lover

all i wanna say...

i Miss This FeelinG :(

a feeling of childhood ..innocence and Honesty .

************

bosycat

الف الف الف الف مليون مبروك يا بيرى

عقبال التخرج يارب

طبعا نتيجة رفيقة دربى فى الدراسه كان لازم يتعمل ليها بوست مخصوص حتى لو كان الثالث على التوالى

هو احنا يهمنا توالى ولا توازى

مبروك يا رورو يا حبيبى

وعقبالنا يااااااااااااااااااااارب

ادعيلى يا ماما

كبرتك اوى يا رورو معلش بقه بس ماما فى حجمك كده برده

يلا يا حبيبتى استمتعى بالنتيجه والاجازه والتدريب كمان

سلامز

ايمان

السلام عليكم ورحمه الله وبركاته

طبعا مش هطول بما انى كتبت عن التدريب وان عندى انترفيو النهارده وكنت مرعوبه

لازم اسجل اللحظه دى تانى

المهم

رحت انا وراويه واخواتنا الانترفيو الحمد لله واتجمعنا هناك مع اصحابنا كنا 5 بنات من اصل عشره

مش عارفه الباقين مش ناوين يدربوا ولا ايه

طبعا رحنا اتعاملنا معامله راقيه ودخلونا قاعه محترمه بيتعمل فيها ندوات باين ولقاءات

طبعا كنا نعتبر البنات الوحيده اللى موجودين اذا لما يكن هناك بنت او اتنين من جامعه تانيه

طبعا كل اللى هناك جامعه القاهره وعين شمس واحنا المنصوره

طبعا شويه واتوزع علينا ورقه نكتب فيها بياناتنا ميل وموبايل واسم وكده

وشويه ونائب رئيس مجلس الاداره وصل وده المهم فى اليوم كله

مكان محترم وراجل محترم وتدريب محترم

بجد كنت راحه مرعوبه وناويه احول واجى المنصوره بس وهو لسه بيتكلم اقتنعت انى مش اسيبهم

نظام التدريب مش شرح

لا ننزل نشتغل بنفسنا وطبعا شغلنا شغلنا مش شغل ناس تانيه

شبكات وسوفت وير وسكيورتى بجد حاجات زى الفل

كل ده كوم وراحتنا كوم تانى وطريقه كلام حضرته وهو بيتكلم ببساطه جدا

وبيحكى عن تدريب السنه اللى فاتت

ناس تقولوا احنا مش بنشتغل فى الشمس وناس تقولوا احنا راحين نصيف وكانوا برده بيدربوا

كل الموضوع

اننا نبعت على الميل احنا عاوزين نشتغل فى اى مشروع من الخمس مشاريع اللى موجوده

ونحدد يوم ايه نبدا وكمان كام يوم فى الاسبوع وكمان نحدد نشتغل تدريب كام يوم يعنى شهر نص اسبوع زى ماحنا عاوزين

وكمان نحدد الساعات اللى عاوزين نشتغل من 9 الصبح الى 10 بالليل

يعنى اللى عاوز يتشغل مثلا من 9 الى 11 الصبح وبس ويوم فى الاسبوع براحته

واللى عاوز يشتغل بالليل مثلا زى م احنا عاوزين

والاهم اننا هندرب بس اول اسبوع فى القاهره على المشروع اللى هنشتغله عشان يعرفونا هنعمل ايه لما ننزل مكاتب البريد يعنى وصل شبكات ازى ونعلم الناس اللى هناك ده لو هننزل ولو عاوزين نشتغل فى القريه الذكيه يعنى ده مشروع من ضمن المشاريع الخمسه

المهم الاسبوع يعدى على خير ويبدا يوزعوا كل واحد المكان اللى عاوزه مثلا احنا هناخد المنصوره ممكن حد رايح يصيف فى اسكندريه مثلا يدولوا مكاتب اسكندريه يشتغل فيها وهو بيصيف ولو يوم فى الاسبوع

وطبعا كل ده هياثر فى الشهاده وهو قال فى الراتب بتاعكم راتب ايه مش فاهمه

وطبعا لما ننزل نلف على المكاتب هيدونا بدل سفر يعنى مفيش راحه واستفاده اكتر من كده

ياااااااااااارب بس يعملوا اللى قالوا عليه هنستفاد جامد

والراجل بجد كل شويه يقول المهم راحتكم

وطبعا قال اى حد عاوز يجى يتفضل هو قال مش عارفه الكليه بعتت عدد بسيط ليه انا قولتلها امتيازات وجيد جدا

قال اللى عاوز يجى يتفضل من اى جامعه عادى بس يشتغل معانا مش يجى يحضر النظرى ويمشى لا يتشغل ويطلع مكاتب من تحت ايده

وقال ان فى ناس السنه اللى فاتت كانوا بيدربوا معاهم والشغل عجبهم اتوظفوا معاهم السنه دى بعد ما اتخرجوا

مش عارفه حسيت ان فعلا الموضوع حلو هنستفاد وهنفيد وهنشتغل لاول مره لوحدنا وهنعتمد على نفسنا ونشغل مكتب بحاله

يلا ربنا معانا ويعنى انا بالذات بس على السفر اسبوع التدريب وبعد كده كله يهون

يلا طولت عليكم طول عمرى لكاكه بس اليوم كان حلو اوى وانا وراويه مع بعض

اه من حق يا رورو (رنا ) كل شويه فينك يا رنا ياريتك معانا ما تيجى يا رنا معانا والعيال كمان وهتبقه ايه ههههههههههههه

نور القلب